LEXIUM

Wassup, nima gap, sog'-salomatmi hamma!

Kanalda deyarli 2 haftalik tanaffus bo'ldi. Shu muddat davomida ko'plab "follower" lar kanaldan foyda topa olmay, bu maskanni tark etishdi. Bu 2 haftada men va sizlar uchun keyinchalik katta foyda olib keladigan yangiliklar bo'ldi.

Birinchisi - "Lexium" LC ning yopilishi. Xa do'stlar, o'quv markazini yuritish men o'ylaganchalik oson ish emas ekan. Experience bo'ldi. Xatolardan to'g'ri xulosa qilgan holda Lexium ni yopdim. Lekin faoliyatimni tugatganim yo'q. Bu vaqtda biz AZIZOVA EDUCATION o'quv markazi bilan birlashdik. Shalola opa Azizova bilan birgalikda bu yilgi hamkorligimiz Toshkent shahri va butun respublikadagi abituriyentlarga faqat va faqat manfaat olib keladi, Xudo xohlasa. Bundan tashqari "Huquqiy format" kanali egasi Bekzod Chorshanbiyev bilan ham tanishdim. Birgalikda hali juda ko'plab ishlar qilamiz. Ko'rganingizdek, AZIZOVA EDUCATION o'quv markazida juda kuchli jamoa shakllandi. Sifat va professionallikni ma'qul ko'radiganlar, abituriyentlik rejimidan talabalik rejimiga o'tmoqchi bo'lganlar bo'lsa, bizni Toshkent shahri markazi - GANGA dan topasiz. Huquqdan tashqari English, ona tili, matematika, tarix fanlarini ham sarson-sargardonlikda yurmasdan, bitta o'quv markazini o'zida o'rganasiz.

Hozircha shu. Xa aytgancha, kanal nomini Lexium deb qoldiraveraman. Faqat Learning Center nomi ketadi. Va kanalni iloji boricha professional yuridik kanalga aylantirib yuboraman asta sekinlik bilan.

Nazarimda weekend uchun ajratilgan vaqtimdan to'g'ri foydalanadiganga o'xshayman. 😄

https://youtu.be/nkiUVYofIU8

O'QUV MARKAZLARIDA TEKINGA O'QISANGIZ BO'LADI

Vazirlar Mahkamasining 07.06.2022 yildagi 312-sonli qaror bilan tasdiqlangan "Qoraqalpog'iston Respublikasi, viloyatlar va Toshkent shahri, shuningdek, tuman (shahar)lardagi "Yoshlar daftari" jamg'armalari to'g'risida"gi Nizomga muvofiq:

✅“Yoshlar daftari”ga kiritilgan va moddiy ahvoli og‘ir yoshlarga bazaviy hisoblash miqdorining (keyingi o‘rinlarda — BHM) 4 baravarigacha miqdorda bir martalik moddiy yordam ko‘rsatishga;

✅“Yoshlar daftari”ga kiritilgan yoshlarni tadbirkorlik va kasb-hunarga o‘qitish uchun sarflangan xarajatlarning 75 foizigacha qismini, biroq bir oygacha, bir oydan ikki oygacha, ikki oydan ortiq muddatli o‘quv kurslari uchun tegishlicha BHMning 4, 8, 12 baravaridan ko‘p bo‘lmagan miqdordagi qismini qoplashga;

✅“Yoshlar daftari”ga kiritilgan yoshlarga ularning davlat va nodavlat ta’lim tashkilotlarida avtomototransport vositalari haydovchilarini tayyorlash o‘quv kursi xarajatlarini qoplash uchun BHMning 4 baravarigacha miqdorda subsidiya ajratishga;

✅Mamlakatimizdagi professional va oliy ta’lim muassasalarida ta’lim olayotgan, “Temir daftar”ga kiritilgan oilalar farzandlarining, shuningdek, “Yoshlar daftariga” kiritilgan yoshlarning to‘lov-kontrakt summasining 50 foizigacha, ammo BHMning 50 baravaridan oshmagan miqdorda to‘lab berishga;

✅yoshlarga zamonaviy kasblarni egallashi, axborot texnologiyalarini o‘rganishi va ularni xorijiy tillarga o‘qitish bo‘yicha olti oygacha muddatli o‘quv kurslar uchun har oyda BHMning 4 baravarigacha miqdorda subsidiya ajratishga;

✅ijtimoiy himoyaga muhtoj iqtidorli yoshlarning ilm-fan, sport, san’at va madaniyat yo‘nalishlaridagi olti oygacha muddatli o‘quv kurslari uchun har oyda BHMning 1 baravarigacha miqdorda subsidiya ajratishga;

✅ijtimoiy himoyaga muhtoj iqtidorli yoshlarning ilm-fan, sport, san’at va madaniyat yo‘nalishlaridagi olimpiada, tanlov va musobaqalarning mahalliy bosqichlarida qatnashish xarajatlari uchun BHMning 4 baravarigacha hamda xalqaro bosqichlarida qatnashish xarajatlari uchun BHMning 40 baravarigacha miqdorda subsidiya ajratishga;

✅“Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yosh oilalarning o‘quvchi farzandlari uchun bir kalendar yilida bir marotaba maktab formasi hamda o‘quv qurollari uchun xarajatlarini qoplash;

✅“Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan ijtimoiy himoyaga muhtoj yoshlar hamda tengdoshlari orasida namuna ko‘rsatgan faol yoshlarning mamlakatimiz bo‘ylab turizm obyektlariga sayohatlari uchun mehmonxona va yo‘l xarajatlarini qoplab berish;

✅yoshlarga ta’lim, madaniyat va san’at, sport, axborot texnologiyalar sohasiga va fanlarni o‘qitishga ixtisoslashgan ta’lim tashkilotlarining uch oy muddatgacha noturar joy ijara xarajatlari uchun BHMning 50 baravarigacha miqdorda subsidiya ajratishga;

✅ijtimoiy himoyaga muhtoj yosh oilalarga har oyda BHMning 3 baravaridan oshmagan miqdorda 12 oygacha turar joy ijarasi uchun subsidiya ajratishga;

Tuman (shahar) “Yoshlar daftari” jamg‘armasi mablag‘lari yo'naltirilishi ko'rsatib o'tilgan.

LEXIUM - VIRTUS et LEX