Uyg'on, ey malagim

Uyg'on, ey malagim, tur o'rningdan, tur,
Otashin muzlarda isinaylik, yur.
Yong'inli daryoda quloch otaylik,
Bu yerdan ketaylik, faqat ketaylik.

Undan ham olisroq ketarmiz hali,
Undan ham olisroq, mening go'zalim.
Qaragil, eng yorqin bir yulduz yonar,
Yorug' bir chaman bu… ketarmiz yana.

Bugun shoh erurman, tilak tilagil,
Bugun men gadoman, tingla, malagim.

Rauf Parfi