Jizzax viloyati sporti

Sport vaziri oʻrinbosari Murad Ismailov tomonidan Jizzax viloyatining Baxmal tumanidagi mahallarda oʻrganish ishlarini olib bordi

Vazir o'rinbosari O'zbekiston Respublikasi Prezidentining joriy yilning 17-yanvarida qabul qilingan "2025-yilda aholi bandligini ta’minlash va kambag‘allikni qisqartirish chora-tadbirlari to‘g‘risida"gi PQ-12-son qarorining ijrosini ta'minlash doirasida Jizzax viloyatining Baxmal tumaniga tashrif buyurdi.

Dastlab, “Gʻallakon” mahallasining ijtimoiy holati, shundan keyin “Davlat”,“Novqa” va “Sangzor” mahallalari oʻrganildi. Oʻrganish jarayonida aholi bandligini taʼminlash, ishsizlikni kamaytirish, mahallada elektr-energiya taʼminotini yaxshilash boʻyicha yangi simyogʻochlarni oʻrnatish, internet tarmogʻini yaxshilash boʻyicha tuman hokimligi masʼullari va “mahalla yettilik”lari bilan bilan kelishib olindi.

Shuningdek, “Gʻallakon” mahallasida 5 ta, “Davlat”da 4 ta, “Novqa”da 7 ta hamda “Sangzor”da 4 ta kam taʼminlangan oilalar farzandlarini “Besh tashabbus olimpiadasi” musobaqalariga jalb qilib, ularni sport formalari bilan taʼminlash boʻyicha tegishli ishlar amalga oshirilmoqda.

Bundan tashqari, ushbu oilalardan ishlash istagini bildirgan fuqarolariga mutaxassisligidan kelib chiqib sport maktabida texnik xodim va boshqa masʼul lavozimlarga ishga joylashtirish masalalari koʻrib chiqildi.

Web-Sayt | Telegram | Facebook | Instagram | Youtube

♟ Shaxmat — aql va matonat maydoni

♟ Shaxmat bo'yicha 8 yoshdan 12 yoshgacha bo'lgan yoshlar o'rtasidagi O'zbekiston chempionatining 2-kun bahslari qizg'in tarzda davom etmoqda. O'yin zalida esa hayajon va qat'iyat hukm surmoqda.

Kanalimizga a'zo bo'lish: ⬇️⬇️⬇️

https://t.me/Jizzaxsporti