INSAYDER

Самарқандда янги туғилган чақалоқ ҳожатхона чуқуридан қутқариб олинди

Нуробод туманида ҳомиладор аёл тез тиббий ёрдам пунктида ҳожатхонага кирганида, кутилмаганда тўлғоқ тутган, аёл ҳушидан кетган ва чақалоқ туғилиб, ҳожатхона чуқурига тушиб кетган. Қутқарувчилар болани тез орада чуқурдан олиб чиқишган. Она ва боланинг ҳозирги ҳолати яхши экани айтилмоқда.

@insideruzbek

Тошкент шаҳар ҳокимлиги пойтахтда фуқаро итлар ҳужумидан сўнг вафот этганини рад этди

Ижтимоий тармоқларда пойтахтда фуқаро итлар ҳужум қилиши оқибатида вафот этгани тўғрисида хабарлар тарқалди. Шаҳар ҳокимлиги бу маълумот ҳақиқатга тўғри келмаслигини билдирди. Фуқаро ўткир юрак-қон томир етишмовчилигидан вафот этган.

@insideruzbek

Фарғонада Қизил китобга киритилган қушни сотмоқчи бўлган фуқаро қўлга олинди

Фуқаро И.И. ижтимоий тармоқлар орқали Саҳро лочини (шахин) қуши ноқонуний сақлаб келинаётгани ва сотувга қўйилгани аниқланган.

@insideruzbek

Андижонда Damas 10 ёшли қизалоқни уриб юборди

Андижон вилояти Олтинкўл туманида Damas 2015 йилда туғилган қизалоқни уриб юборди. Манбаларга кўра, қиз вафот этган.

@insideruzbek

Тошкентдаги 9 қаватли уйда юз берган ёнғин вақтида бир киши ўзини пастга ташлаб ҳалок бўлди

1 март куни Тошкент шаҳри, Мирзо Улуғбек тумани, Қорасув 4 мавзесида жойлашган кўпқаватли уйларнинг биридаги хонадонда газ портлади.

Тошкент шаҳри ФВБ хабарига кўра, ёнғин-қутқарув экипажлари ушбу манзилга етиб бориб, 9 қаватли уйнинг 9-қаватидаги хонадонда газ портлаши оқибатида ёнғин содир бўлганини аниқлаган.

Ёнғин ўчирилган, 6 нафар фуқаро қутқарилиб тез тиббий ёрдам хизматига топширилган.

ФВБ хабарига кўра, ёнғин содир бўлган хонадонда фуқаро ошхонада газ плитасини ёқиш орқали ўз жонига қасд қилишга урунган. Газ портлаб, ёнғин юз бергач, ўзини 9-қаватдан пастга ташлаб, ҳалок бўлган.

@insideruzbek

ДХХ соғлиқни сақлаш бошқармасининг масъул ходимини қўлга олди

Тошкент вилояти соғлиқни сақлаш бошқармаси масъул ходими бошқармага қарашли Махсус тиббий таъминот базасида сақланаётган тиббиёт буюмларини харидорга ҳужжатларни қалбакилаштириш орқали 57 880 долларга сотишга келишиб, олдиндан 40 минг долларни олган вақтида ашёвий далиллар билан ушланди.

@insideruzbek

Трамп ва Зеленский оқ уйда жанжаллашиб қолишди

45 дақиқа давом этган учрашув якунида Зеленский, Трамп ва АҚШ вице-президенти Жей Ди Вэнс ўртасида даҳанаки жанжал келиб чиқди. Учрашув видеосига кўра, Вэнс Зеленскийни Украина президенти АҚШ ва Трампга ҳурматсизлик қилаётганликда айблаган. «Жаноб президент, ҳурмат билан. Менимча, Овал кабинетга келиб, Америка нашрлари қаршисида сўроқ қилмоқчи бўлганингиз ҳурматсизликдир», — деди АҚШ вице-президенти.

Зеленский эътироз билдирмоқчи бўлганида, Трамп шундай деди: «Сизнинг ҳолатингиз яхши эмас. Ҳозир сизларда кузир йўқ... Сиз миллионлаб одамларнинг ҳаёти билан ўйнашяпсиз... Сиз учинчи жаҳон уруши билан ўйнашяпсиз», — деган Трамп.

«Сиз мамлакатимизга ҳурматсизлик қиляпсиз», — деди Трамп Зеленскийга. АҚШ президенти Зеленскийнинг «Америка нимани ҳис қилишини айтиш»га ҳаққи йўқлигини таъкидлади. «Сиз уруш бошланганидан бери ноқулай шароитдасиз», — деди АҚШ президенти. «Миннатдор бўлишингиз керак. Одамлар ўлмоқда, сизларда ҳарбийлар етишмаяпти. Мен ўт очишни тўхтатишни хоҳлайман ёки хоҳламайман, деб айта олмайсиз», — деб қўшимча қилган Трамп.

Баҳс давомида Трамп Украина Россия-Украина урушини ҳал қилишга рози бўлиши кераклигини айтди. «АҚШсиз ҳам куч позициясидан ҳаракат қила оласизми? Одамларингиз довюрак. Ёки биз бу келишувни амалга оширамиз. Ёки сиз келишувдан чиқасиз. Оғир бўлишини, қийин бўлишини тушунаман. Лекин қўлингизда кузир йўқ. Биз келишувни имзолаганимизда, сиз энг яхши ҳолатда бўласиз. Лекин миннатдорчилик билдириш керак. Сиз эса бундай қилмаяпсиз. Бу унчалик яхши эмас. Бу сиз томондан унчалик яхши эмас», — деди Трамп Зеленскийга.

@insideruzbek