Mazkur qaror bilan o‘zgalar parvarishiga muhtoj shaxslarni aniqlash, baholash, toifasini belgilash va ularga xizmat ko‘rsatishda quyidagi bir qator o‘zgarishlar kiritilmoqda:

1️⃣ O‘zgalar parvarishiga muhtoj shaxslarni e’tirof etish, individual tartibda ijtimoiy xizmatlar va yordamlar ko‘rsatish rejasini tasdiqlash va uni monitoring qilish to‘liq “Ijtimoiy himoya” axborot tizimida amalga oshiriladi;

2️⃣ O‘zgalar parvarishiga muhtoj shaxsga ijtimoiy xizmatlar ko‘rsatish shartnomasi (Oferta) asosida xizmatlar ko‘rsatish belgilanmoqda.

O‘zgalar parvarishiga muhtoj shaxs tomonidan oferta shartlarini tasdiqlanishi shaxsning yashash sharoitlarini baholash uchun asos hisoblanadi.

3️⃣ O‘zgalar parvarishiga muhtoj shaxsning muhtojligi va yashash sharoiti “Inson” markazi xodimi, oilaviy shifokor va mahalla raisidan iborat Ishchi guruh tomonidan baholanadi.

☑️Shuningdek, o‘zgalar parvarishiga muhtoj shaxs Reyestrga kiritilgan paytdan boshlab har olti oyda bir marta “Inson” markazi xodimi, mahalla raisi va tuman (shahar) tibbiyot birlashmasi vakilidan iborat multidissiplinar guruh tomonidan Yashash sharoitlarini baholash xulosasi, individual ijtimoiy xizmatlar rejasi tuzilishi va uning amalga oshirilishi baholanadi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz