Farg‘ona: soha rivojiga bag‘ishlangan seminar-trening📍Amaliy tashrif bilan
Farg‘ona viloyatida bo‘lib turgan qishloq xo‘jaligi vaziri Ibrohim Abdurahmonov rahbarligida Qo‘rg‘ontepa tumani hokimligi binosida hududda faoliyat olib boruvchi klasterlar, fermer va dehqon xo‘jaliklari rahbarlari, shuningdek,
soha mutasaddilari uchun seminar-trening tashkil etildi.
🤔Seminar avvalida
fermer xo‘jaliklari vakillari bilan muloqot o‘tkazilib, joriy yil davomida bajarilishi kerak bo‘lgan asosiy vazifalar belgilandi. Xususan,
ichki ariq va zovurlarni tozalash, dala chetlaridan samarali foydalanish, ekinlar uchun zarur o‘g‘itlarni tayyorlash kabi masalalar alohida ta’kidlandi.
🔗Yig‘ilishda
barg va xazonlarni yoqish o‘rniga, ularni o‘g‘it sifatida ishlatish maqsadida xandaqlar qazish hamda tuproq unumdorligini oshirish bo‘yicha aniq reja ishlab chiqildi. Ushbu yondashuv
ekinlar uchun foydali bo‘lib, atrof-muhitga zarar yetkazmaslikka xizmat qiladi.
🔵Shuningdek,
texnik resurslarni mavsumga tayyorlash masalasi ham muhokama qilindi. Fermer xo‘jaliklarida
mavjud texnika va uskunalarni ishlashga tayyorlash zarurligi qayd etilib, bu hosilni samarali yig‘ish va ekinlarni parvarishlashda muhim rol o‘ynashi ta’kidlandi.
▶️Shundan so‘ng
seminar-treningga o‘tildi. Unda
yangi agrotexnologiyalarni qo‘llash, dala chetlaridan unumli foydalanish, ariq va zovurlarni betonlashtirish, daraxt shoxlarini butlash orqali yuqori samaraga erishish masalalariga e’tibor qaratildi.
⛓Zamonaviy ilmiy yondashuvlarni
an’anaviy dehqonchilik uslublari bilan uyg‘unlashtirish orqali hosildorlikni oshirish mumkinligi ta’kidlandi. Ammo bunga erishish uchun
ilmga asoslangan holda vijdonan mehnat qilish lozimligi qayd etildi.
🔫Ishni tashkil etishda
hudud ob-havo sharoiti, tuproq va suv resurslariga alohida yondashish muhimligi ko‘rsatib o‘tildi. Vazir joriy yilda
875,5 ming gektar maydonga paxta ekish rejalashtirilganini e’lon qilib, zamonaviy texnologiyalarni qo‘llash bugungi kun talabi ekanini ta’kidladi.
➡️Paxtachilikda yuqori samaradorlikka erishish bir qator omillarga bog‘liq.
Shu munosabat bilan mas’ullar joriy yilda urug‘larni 76/10 sxemada plyonka ostida ekish va tomchilatib sug‘orish usulidan foydalanish tavsiya etildi.
✅Shuningdek, vazir paxtachilikda
“BT” g‘o‘za navlarini yetishtirish, kasallik va zararkunandalarga chidamlilikni oshirish hamda mahalliy intensiv agrotexnologiyalarni joriy etish zarurligini qayd etdi. Mahalliy va xorijiy g‘o‘za navlarini joylashtirishda e’tibor qaratilishi lozim bo‘lgan jihatlar ilmiy faktlar asosida tushuntirildi.
Paxtachilik, g‘allachilik va qishloq xo‘jaligi mahsulotlarini yetishtirish bo‘yicha asosiy ustuvor vazifalar yana bir bor muhokama qilinar ekan, har bir qishloq xo‘jaligi mutasaddisi agrar tarmoq fidoyilari sifatida eng chekka hududlargacha yetib borib, ishlarni to‘g‘ri tashkil etishda bevosita ishtirok etishi lozimligi ta’kidlandi.
❇️Seminar-treningdan so‘ng
fermer va klaster xo‘jaliklari vakillari uchun sayyor qabul tashkil etildi. Unda fermer va dehqonlarning
huquqlarini himoya qilish, ularning mehnat sharoitlarini yaxshilash, ishlab chiqarish samaradorligini oshirish va mavjud muammolarni hal etish bo‘yicha aniq tavsiyalar berildi.
📝Sayyor qabul davomida
har bir muammo individual tartibda ko‘rib chiqilib, tizimli yondashuvlar asosida ko‘plab masalalar hal etildi.
✔️Vazir ishtirokchilarning barcha savollariga javob berar ekan,
davlatimiz rahbari tomonidan imzolangan yangi qaror va farmonlar fermerlar hamda dehqonlarning huquqlarini himoya qilish, mehnat sharoitlarini yaxshilash va ishlab chiqarish samaradorligini oshirishga xizmat qilishini alohida ta’kidladi.
🌐
Website 💬
Telegram 💬
Facebook 📺
YouTube 📷
Instagram
