Копирайтер — сотиладиган матнларни ёзадиган шахс. Унутманг, истеъмолчилар учун доим оригинал маълумот қизиқ бўлган. «Юқори сифатда ишлаш», «тез етказиб бериш» ва бошқа ноаниқ афзалликлар ҳақида юзинчи марта эшитишни ким ҳам хоҳлайди?

Ёдда тутинг, мижозга фақат аниқ рақамлар зарур. Харидор маҳсулот неча кунда етказиб берилишини ва товарлар нимадан тайёрланганлигини аниқ билишни истайди. Сиз бераётган постда истеъмолчи буни кўрмаса, у ишончлироқ бўлган бошқа саҳифага ўтади.

Копирайтингда мақсадли аудиторияга мос келадиган ва компаниянинг ўз услубини яратадиган матн ёзиш муҳимдир. Айнан копирайтер берадиган матн орқали сотувчи мижоз билан мулоқот қилади. Савдонинг қандай кечиши, маҳсулотни тақдим қилишда нима дейилишига боғлиқ.

@matnmakon