Xalqaro press klub

Xabaringiz bor, hafta boshida parlament va hukumatning rollari, yangi vazifalari va ularning oʻzaro munosabatlari, davlat boshqaruvining sifati va jamiyat rivojiga bagʻishlangan yigʻilishlar oʻtkazildi. Aytish joizki, Yangilangan Konstitutsiyaga muvofiq mamlakatimizda tom maʼnoda keng vakolatlarga ega parlament va masʼuliyatli hukumat shakllandi.
 
📌Xalqaro press klubning bugungi “YANGI SHAKLLANGAN PARLAMENT VA HUKUMAT: YANGI SIYOSIY DAVR” mavzusidagi jonli sessiyasida davlat rahbari quyi va yuqori palata hamda hukumatni shakllantirishga bag’ishlangan majlislarida belgilab bergan yoʻnalishlari qaysi jihatlar bilan ahamiyatli ekanligi haqida muhokama qilinadi.

🎥Jonli efirni bugun 22-noyabr kuni soat 11:15 da “Oʻzbekiston 24” va “Uzreport” telekanallari orqali tomosha qilishingiz mumkin

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

⚡️Shavkat Mirziyoyev 2025-yilni yurtimizda “Atrof-muhitni asrash va “yashil” iqtisodiyot yili” deb e’lon qilishni taklif qildi.

Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Oliy Majlis Qonunchilik palatasi deputatlari Bosh vazir lavozimiga koʻrsatilgan Abdulla Aripov nomzodini koʻrib chiqdilar.

Nomzod Vazirlar Mahkamasining yaqin muddatga va uzoq istiqbolga moʻljallangan harakatlar dasturini taqdim etdi.

Deputatlar va fraksiyalar rahbarlari soʻzga chiqib, nomzod va dastur yuzasidan oʻz fikrlarini bildirdilar.

Nomzod va Hukumatning dasturi koʻrib chiqilgach, Bosh vazir lavozimiga nomzodni maʼqullash masalasi ovoz berishga qoʻyildi.

Yashirin ovoz berish yoʻli bilan deputatlar Abdulla Aripovni Oʻzbekiston Respublikasi Bosh vaziri lavozimiga maʼqulladilar.

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Mamlakatimizni har tomonlama rivojlantirish uchun samarali tashqi siyosat olib borish, doʻst va hamkorlarimiz doirasini kengaytirish, yaqin qoʻshnilarimiz bilan mintaqaviy hamkorlikni chuqurlashtirish oʻta muhim vazifadir.

Shu maqsadda Prezident Tashqi siyosat konsepsiyasini yangi tahrirda qabul qilish zarurligini taʼkidladi.

Markaziy Osiyo davlatlari oʻrtasida yaxshi qoʻshnichilik munosabatlarini yanada mustahkamlash, mintaqaviy xavfsizlik va barqarorlikni taʼminlash tashqi siyosatda ustuvor yoʻnalish boʻlib qoladi. Kelgusi yili yurtimizda boʻlib oʻtadigan “Markaziy Osiyo beshligi” uchrashuvi shu yoʻldagi yana bir ulkan amaliy qadam boʻladi.

Hozirgi vaqtda fuqarolarimiz Qirgʻizistonga ID karta bilan bemalol borib-kelmoqdalar. Endi shunday tartibni Qozogʻiston va Tojikiston bilan ham joriy etish rejalashtirilgan.

Markaziy Osiyo mamlakatlari hamda boshqa yetakchi hamkor davlatlar, nufuzli xalqaro va mintaqaviy tashkilotlar, moliya institutlari bilan samarali va tizimli aloqalarni yanada rivojlantirish doimo eʼtibor markazida boʻlishi taʼkidlandi.

Prezidentimiz fursatdan foydalanib, bugungi yigʻilishda ishtirok etayotgan diplomatik korpus va xalqaro tashkilotlar vakillarini samimiy qutladi, islohotlarimizni chin dildan qoʻllab-quvvatlab kelayotgani, hududlarimizga chiqib, yangilanish va oʻzgarishlar bilan yaqindan tanishib, oʻz davlatlaridagi tajribalar bilan oʻrtoqlashayotgani uchun xalqimiz nomidan minnatdorlik bildirdi.

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Kelgusi besh yilda iqtisodiyotda xususiy sektorning ulushini 85 foizga yetkazish ham asosiy vazifalardan biri sifatida belgilandi.

Bu borada 2 mingta korxonada davlat ulushini, 5 mingdan ziyod koʻchmas mulk obyektini sotish, 16 ta yirik majmua aksiyalarini IPOga chiqarish talab etiladi.

Hukumat 30 milliard dollarlik xususiy sheriklik loyihalarini amalga oshirishni taʼminlashi kerak.

Vazirlar Mahkamasi 2025-yilda “tejamkorlik va barqarorlik” tamoyili asosida davlat kompaniyalarini transformatsiya qilishni tezlashtirib, ularning xarajatlarini 15-20 foizga qisqartirishi zarur.

Bu borada 1 milliard dollarlik 18 ta davlat kompaniyasining ulushi berilgan Milliy investitsiya jamgʻarmasi faoliyatini samarali yoʻlga qoʻyish lozim.

Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

“Oʻzbekiston – 2030” strategiyasida kelgusi yillar uchun katta marralar belgilab olingan.

Xususan, mamlakatimiz yalpi ichki mahsuloti hajmini 160 milliard dollarga yetkazish maqsad qilib qoʻyilgan.

Dastlab bunga ayrimlar shubha yoki ikkilanish bilan qaragan, lekin oʻz vaqtida zarur chora-tadbirlar amalga oshirilgani, barcha imkoniyatlar ishga solingani tufayli bu yilning oʻzida yalpi ichki mahsulot hajmi 110 milliard dollarga yetishi kutilmoqda.

Yangi Hukumat, barcha rahbarlar birgalikda qattiq ishlab, islohotlar shiddatini pasaytirmasdan, ijtimoiy, iqtisodiy va siyosiy hayotimizdagi oʻzgarishlarni jadal davom ettirsa, 2030-yilga borib, iqtisodiyot hajmini 200 milliard dollarga yetkazish mumkinligiga ishonch bildirildi.

Bu natijani taʼminlash orqali aholining turmush darajasi va sifatini keskin yaxshilashga erishiladi.

“Yana bir bor aytaman, bunday natijalarga erishish uchun kuch va imkoniyatimiz ham, salohiyatimiz ham yetadi!”,
- dedi Prezident.

Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Majlisda Senat Raisi va uning oʻrinbosarlarini saylash toʻgʻrisidagi tashkiliy masala koʻrib chiqildi.

Konstitutsiyaning 101-moddasiga muvofiq, Prezident Oliy Majlis Senati Raisi lavozimiga senator Tanzila Narbayeva nomzodini taqdim etdi.

Tanzila Narbayeva davlat va jamoat boshqaruvida boy tajribaga ega ekani, oʻtgan davrda shu lavozimdagi samarali faoliyati natijasida mamlakatimizda xotin-qizlar, bolalar huquqlarini taʼminlash va ularning qonuniy manfaatlarini himoya qilish boʻyicha vaziyat sezilarli ravishda yaxshilangani taʼkidlandi.

Shuningdek, Senat Raisining birinchi oʻrinbosari lavozimiga senator Sodiq Safoyev, Senat Raisining oʻrinbosari lavozimiga senator Amanbay Orinbayev nomzodlari tavsiya etildi.

Ayni paytda majlis davom etmoqda. Senat faoliyatini tashkil etish bilan bogʻliq masalalarni koʻrib chiqish hamda Prezidentning senatorlar bilan muloqoti boshlandi.

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Yangilangan Konstitutsiyada Senatga mahalliy kengashlarning qarorlari qonunchilikka muvofiq boʻlishini taʼminlash boʻyicha katta masʼuliyat yuklatilgan.

Birgina oʻtgan yilning oʻzida ushbu kengashlar 34 ming 400 ta qaror qabul qilganini hisobga oladigan boʻlsak, bu qanchalik muhim vazifa ekani yaqqol ayon boʻladi.

Senat bu borada ochiqlik va shaffoflikni, qonuniylikni taʼminlash boʻyicha samarali tizim yaratishi kerakligi taʼkidlandi.

Senat qoʻmitalari – yuqori palataning yuragi, harakatlantiruvchi kuchidir. Har bir qoʻmita joylardagi muammolarni oʻrganish va ularning yechimi yuzasidan oʻtgan besh yil davomida oʻrtacha 37 tadan nazorat-tahlil tadbiri oʻtkazgan.

Lekin nazorat tadbirlari kutilgan natija berayaptimi, ulardan keyin joylarda aniq bir muammo oʻz yechimini topayaptimi, degan savol senatorlarni oʻylantirishi kerak.

Shu bois, qoʻmitalardagi eshituv instituti asoslarini qonun darajasida mustahkamlab qoʻyish vaqti kelgani taʼkidlandi.

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Prezident Senat oldida qanday dolzarb vazifalar turgani yuzasidan oʻz fikrlarini bildirdi.

Yangilangan Konstitutsiyamizda Senat bilan Qonunchilik palatasi vakolatlaridagi takroriy holatlar bartaraf etilib, ularning har biriga tegishli vazifalar aniq koʻrsatildi.

Senat qonunlarni muhokama qilishda yangicha mexanizmlarni joriy etishi maqsadga muvofiqligi qayd etildi.

Ayniqsa, qonun ijodkorligi jarayoniga mahalliy kengashlarni keng jalb etish, har bir qonun boʻyicha ularning fikrini olish amaliyotini yoʻlga qoʻyish muhim ahamiyatga ega.

Hududlarning oʻziga xos xususiyat va imkoniyatlari hisobga olinmagan qonunlar quyi boʻgʻinda samarali ishlamasligi bois, Davlatimiz rahbari Qonunlarni parlament qoʻmitalarida koʻrib chiqishda vazirlik va idoralar vakillari bilan emas, balki mahalliy kengashlar deputatlari bilan koʻproq ish olib borilsa, adolatdan boʻlishini taʼkidladi.

Eng muhimi, qonunlarda hududiy va umumdavlat manfaatlari uygʻun boʻlishiga erishish lozim.

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Soʻnggi yillarda keng koʻlamli demokratik islohotlar tufayli Oʻzbekistonning xalqaro reytinglardagi oʻrni yaxshilanib bormoqda.

Mamlakatimiz reytingi qonun ustuvorligi boʻyicha 8, elektron hukumat boʻyicha 18, iqtisodiy erkinlik boʻyicha 49, logistika va innovatsiya boʻyicha 10 pogʻona yuqori koʻtarildi.

Bunday muhim yutuqlarni eʼtirof etgan holda, ayni vaqtda bu yoʻnalishlarda hali yana koʻp ish qilinishi zarurligi taʼkidlandi.

Bugungi kunda Oʻzbekiston nufuzli xalqaro minbarlardan katta-katta tashabbuslarni ilgari surmoqda.

Ularning mazmun-mohiyatini xalqimizga, xorijiy va mahalliy ekspertlarga yetkazishda senatorlarimiz faol boʻlishlari lozim. Ammo, afsuski, ularning bu boradagi roli yetarli darajada sezilmayotgani qayd etildi.

Yuqori palataning yangi tarkibi mazkur yoʻnalishdagi faoliyatini yaxshilashiga umid bildirildi.

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Yuqori palata oʻz faoliyatida toʻliq ishga solishi mumkin boʻlgan imkoniyat va yoʻnalishlarga toʻxtalib oʻtildi.

Konstitutsiyada Senat hududiy vakillik palatasi ekani belgilab qoʻyilgan. Shu bilan birga, oldingi chaqiriqda Senat mahalliy kengashlar bilan muloqot va hamkorlik borasida faqat dastlabki qadamlarni qoʻydi.

Masalan, mahalliy kengashlar 15 dan ortiq masalalar boʻyicha qaror qabul qilish vakolatiga ega boʻlsa-da, ularni tayyorlash, kelishish va tasdiqlash boʻyicha yagona tartib haligacha ishlab chiqilmagan.

Bundan tashqari, mahalliy kengashlarning eng yaxshi tajribalarini boshqa hududlarda ham ommalashtirish, namunali kengashlarni eʼtirof etish ham yoʻlga qoʻyilsa, ishning samarasi yanada oshishi taʼkidlandi.

Asosiy qonunimizga muvofiq, Senat 10 dan ziyod yuqori martabali mansabdor shaxslarning hisobotlarini eshitadi. Lekin, hisobotlar koʻp hollarda chuqur tahlillar oʻtkazmasdan koʻrib chiqilayotgani qayd etildi.

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Konstitutsiyaviy islohotlar natijasida Senat tarkibi ixchamlashib, uning aʼzolari soni 100 nafardan 65 nafarga qisqardi.

Ayni vaqtda senatorlarning vakolatlari va masʼuliyati bir necha barobar oshdi.

Xususan, yuqori palataning parlament nazorati va bir qator muhim davlat organlarini shakllantirishdagi ishtiroki sezilarli ravishda kengaytirildi.

Ilgari senatorlar nazorat tadbirlarida yoki saylovchilar bilan uchrashuvlarda qonunlarda aniqlangan muammolarni hal etish boʻyicha aniq vakolatga ega emas edi. Yangilangan Konstitutsiyada Senatga qonunchilik taklifini kiritish huquqi berilishi bilan masala oʻz yechimini topdi.

Prezident yangi saylangan senatorlarimiz endi bu jarayonlarda faol boʻlishiga ishonch bildirdi.

Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Prezident Shavkat Mirziyoyev yangi chaqiriq Oliy Majlis Senatining birinchi majlisida ishtirok etmoqda.

Davlatimiz rahbari oʻz nutqida yuksak ishonchga sazovor boʻlib, Senat aʼzosi etib saylanganlarni samimiy muborakbod etdi. Senatorlar Yangi Oʻzbekistonni barpo etish, xalqimiz uchun tinch va osoyishta, erkin va farovon hayot yaratish yoʻlida bor bilim va tajribasini, kuch va salohiyatini ishga solishiga umid bildirdi.

Saylovlar natijasida beshinchi chaqiriq Senatning tarkibi sifat jihatidan yuqori darajada – koʻplab yetakchi soha va tarmoqlar vakillari, taniqli siyosat, iqtisodiyot, ilm-fan va madaniyat namoyandalaridan iborat boʻlib shakllangani taʼkidlandi.

Senatorlarning har 3 nafaridan biri ilmiy darajaga ega. Qariyb 27 foizi yoki 16 nafari xotin-qizlar ekani oila, onalik va bolalik, xotin-qizlar huquqlarini himoya qilish, umuman, ijtimoiy masalalar boʻyicha qonunchilik faoliyati hamda parlament nazoratini kuchaytirishda muhim ahamiyat kasb etadi.

Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Prezident Shavkat Mirziyoyev Andijon viloyatini ijtimoiy-iqtisodiy rivojlantirish, investitsiya va tadbirkorlik muhitini yanada yaxshilash chora-tadbirlari yuzasidan yigʻilish oʻtkazdi.

Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook