ИЖОД ТАРАННУМИ

#Долзарб
Қизларингизга илм беринг!
Улар миллатни тарбиялайдилар!

Биласизми Сингапурда дипломи бор аёллар турмушга чиқсалар, давлатдан катта тўёна, агар фарзанд кўрсалар бошқа ўқимаган аёлларга нисбатан кўпроқ суюнчи пулларини оладилар. Хўш нима учун шунақа? Чунки буюк ислоҳотчи Ли Куан Ю мамлакатнинг муаффақияти аввалом бор илмли,зиёли  аёллар ва оналарга боғлиқлигини тушуниб етганди. Тарих кўрсатдики Ли Куан Ю юз фоиз хақ бўлиб чиқди.

Ақлли ва илмли аёл, илмсиз, дунёқараши паст аёллардан кўра дунёга, хаётга реал кўз билан бахо бера оларкан. Бундай аёллар замонавий тенденциялар ва хаққонийлик билан ўз хаётлари ва оилаларини келажагини қура оладилар. Улар ўз турмуш ўртоқларига, фарзандларига тўғри йўналишларни бера олиш қурбига эга бўладилар. Энг камида бундай аёллар ўз соғлиқларига ва оила соғлиғига катта эътибор бера оладилар. Улар ўз турмуш ўртоқларига  келажак истиқболларига олиб борувчи порлоқ йўлларни кўрсата оладилар, керак пайти танқид қилиб,  зарур пайтда мақтов билан муаффақиятларга эриштира оладилар.

Илмли, ақлли аёллар қорин ғамидан, уйдаги мебель, идиш-товоқ, латта-путта  каби майда нарсалардан юқори турадилар. Улар мўлжални жуда юқори оладилар ва оилани юксакликка олиб чиқиш режаларини қила оладилар. Бундай аёллар ўз эрлари ва фарзандларига китоб тутқазадилар ва илм-фанга йўналтирадилар.

Хар қандай буюк эркакнинг ортида буюк аёл туради деб бежизга айтилмаган. Интеллекти юқори аёл албатта буюк фарзандларни камолотга эриштирадилар. Отадан қон, жисм ўтсада, ақл, тафаккур кўпроқ онадан ўтади. Шунинг учун илмли, иймонли аёлларга уйланиш мақсадга мувофиқдир.

Интеллектуал ўткир билимга эга, ақл-фаросатли аёллар ўз эрларини йўқотган тарзда хам, ёки уларнинг аблах бўлиб чиқишидан қатъий назар барибир ўз хаёт йўлларини топиб кета оладилар. Чунки бундай аёллар ўз оилаларини иқтисодий-маънавий жиҳатдан қўрғон каби химоялаш усулларини топа оладилар.

Нима учун интеллектуаллар ўзларига жуда иқтидорли интеллектуал кучли аёлларни танлаганлар. Чунки улар биладилар фақат кучсиз одамлар ўзларидан хам кучсизларни танлашларини, улар ўзларига мос ва хос, замон билан хамнафас юрувчи жуфтни бежизга танламаганлар. Чунки бундай кучли одамларга фақатгина шунақа кучли аёлларгина илхом бера оладилар.

Хўш биздачи? Бизда эса "Аёл бахти" номли тренинглар. Аёлларга  ёш қизалоқлигидан бўйсуниш, овқат қилиш, тикиш-бичиш, ўз хаётини қурбон қилиш йўллари ўргатилади. Тенденциялар қанчалик ўзгармасин, дунё қанчалик тараққиётга қадам қўймасин биздаги қарашлар халиям XV асрдаги ахволда. "Бўлмаса эрсиз қоласан ва тамомсан" принциплари устунлигича қолмоқда.

Дунё аёлнинг бўғирсоқ пиширишни билиши ёки билмаслигига эмас, балки унинг тафаккури ва профессионализмига хайратланади.

Ўзингизнинг истеъдодингизни, билимингизни намоён қилишдан, янги ғояларингизни амалга оширишдан хеч қачон қўрқманг, эски стреотиплардан баралла воз кечинг. Кир ювуш ва овқат қилишни истаган пайтда ўрганиб олиш мумкун, аммо мияни билимга, тафаккур ва кўникмаларга тўлдиришга кейин кеч бўлиши мумкин.

Қозоқ тилидан Исроил Тиллабоев таржима қилди.
https://t.me/IJOD07/

-Илтимос,менга бир дақиқа вақтингизни ажратсангиз...- деди-да,кеча шериклари билан қарта ўйнаганини,сўнг унинг ютқизиб,ўйин шартига кўра,бир аёлни супургида ўз розилигига кўра сайр қилдиришга келишишганини ва кўчада тақдир тақозоси ила менга дуч келганини сўзлаб берди.
-Илтимос,мени кечиринг,-деб тугатди у ниҳоят ҳикоясини.
Шундан буён бу воқеа эсимга тушса,юзимга кулгу ёйилади,даставвал икки ҳафтагача биронтаси уйимга "элтиб"қўйишга келиб қолмасмикин,дея теваракка аланглаб юрганман!

Русчадан Лола Нурнигоҳ таржимаси.

https://t.me/IJOD07/

Жаҳон адабиёти

Н. Перепелкина

Супургидаги "шаҳзода"

Тун.Кўча.Чироқлар... Магазинда сотувчи бўлиб ишлайдиган икки ўрта ёшли аёл ишдан қайтишмоқда эди.Йўл-йўлакай ўзлари,оилалари ҳақида гап сотишарди.Биринчи аёл иккинчисига:
-Бугун итдай чарчадим.Қани ҳозир бирон улов бўлса-ю,"ғирр"этиб уйимга ташлаб қўйса.Вертолёт бўлсаям майлийди.Бу ёқда аллақачон трамвай ҳам кетиб бўлган,-деб зорланди.
Иккинчи аёл бўлса юзига истеҳзоли табассум ёйиларкан:
-Қўйсанг-чи,раҳмат,ундан кўра ўзим кетганим маъқул,-дея,ён-верига олазарак кўз югуртираркан, бошидан кечган воқеани ҳикоя қила кетди:
-Кунларнинг бирида ишдан чиқиб ,бекатда
трамвай кутмоқда эдим.... қош қорайиб,вақт алламаҳал бўлган,кўчада қимирлаган зоғ йўқ,ҳар доимгидай трамвай ҳам кетиб бўлган,сумкаларим зил-замбилдай... Мундоқ қарасам,узоқдан аллакимнинг сакраб-сакраб келаётган шарпаси кўринди.Юрагимни ваҳима босиб ,бекат бурчагига сурилдим,не кўз билан кўрайки... бир йигит супурги миниб олган,ликиллаб келиб,рўпарамда тўхтади ва дабдурустдан:
-Нима,трамвай йўқми?-деб сўради.
Қўрққанимдан юрагим қинидан чиқиб кетаёзди,ўзимни қўлга олиб,зўрға:
-Ҳозирча йўқ,аммо тезда келиб қолади,-дедим эшитилар-эшитилмас.
У бўлса:
-Бекорга овора бўласан,вақт алламаҳал бўлиб қолди,бўл,ўтир,уйингга элтиб қўяман!-деди қовоғи солиниб.
Мен нафасим ичимга тушиб :
-Раҳмат,ўзим бир амалларман,-деб эътироз билдирдим.
У бўлса кескин оҳангда:
-Қани,тез бўл,деяпман,орқамга ўтир,бўлмаса бензин тугаб қолади.Бир пасда уйингда бўласан,-деди қўполлик билан.
Оёқларим қалтирай бошлади,атрофга кўз югуртирдим:на трамвайдан,на бир одам зотидан дарак бор... Йигит бўлса девдай...Ўзимча,бирон руҳий касалликлар шифохонасидан қочган бемормикин,деб қўяман.Агар,Худо кўрсатмасин,бошимга манави супургиси билан бир туширса борми,минг уринай,исмимни эслолмай қолсам керак.... Қўлимдан нимаям келарди,ноилож эдим, тўрва-халтамни олдим-да,оёғимни кўтариб,машинага чиққан "йўловчи" каби супургига жойлашиб олдим.Бироздан сўнг икки киши супургида йўрғалай кетдик.Аҳёнда у менга маслаҳат бериб қўяди:
-Холажон,сен бундай жим кетма,ҳар замонда :"Йехууууууу,қора отли шаҳзодам келди"... дея қичқириб қўйгин !"
Шундай қилиб,биз биргаликда сакраб йўлга тушдик,гоҳида бақириб ҳам қўяман,аммо юрагимни ваҳима кемиради:хўш,уйгача етиб борарман,у ёғи нима бўлади?Бу жиннисифат мени яна нималар қилишга мажбурлар экан,куним битмаган бўлса гўргайди,ким билсин,унинг ноқис миясида яна не режалар бор... Сакрай-сакрай уч бекатни ортда қолдирдик , сайр қилиб, қўлтиқлашиб юрган ёшлар тўхтаб,бизни телефонга суратга олар,кексароқлар қўрққанидан ён-атрофга тумтарақай бўлишарди. Ниҳоят уйимиз ёнига етиб келдик.Минг бир таҳликада секингина супургидан тушиб,навбатдаги буйруқни кута бошладим."Ҳайдовчи" тилга кирди:
- Мана,теп-текинга уйингга ҳам етволдинг,миннатдорчилик билдирарсан?))
Унга жавобан:
-Мени соғ-саломат олиб келиб қўйганингиз учун,мингдан минг раҳмат,жаноб,-дедим-да кўз қиримни ундан узмаган ҳолда,ортимга бурилдим... У бўлса бир кўзини қисиб:
-Бемалол!Эҳтимол, сени эшигинггача кузатиб қўйиш керакдир?-деб сўради.
Мен шоша-пиша:
-Ҳожати йўқ,ўзим амаллайман,-деб узиб бердим.
"Ҳайдовчи":
-Майли,ўзинг биласан,-деди-да,супургисини "ниқтаб",кўздан йўқолди.
Квартирамга томон ўқдай отилдим.Эшикни қарсиллатиб ёпарканман,сумкамни дуч келган томонга ирғитдим,пешонамдан икки чаккамга оқиб тушган терни сидириб,полга чўкдим... Хонасидан чиқиб келган қизим афту ангоримга қараб:
-Ойи,намунча кечга қолдингиз,нима бало, пиёда келяпсизми?-дея суриштира кетди.
-Ҳа,пойи-пиёда келяпман!
Унга бўлиб ўтган воқеани сўзлаб бердим.
Эртаси кун,навбатдагидай ишга отланарканман,туйқус эшик қўнғироғи жиринглаб қолди.Қўрқа-писа тирқишдан мўраласам,бир даста гул кўринди.Хайрият,қизимнинг йигити келибди,деб ўйладим.Эшикни очиб,не кўз билан қарайки... остонада кечаги супургили йигит қўлида гулдаста тутиб турибди.Тезда ортимга бурилиб,эшикни ёпмоқчи бўлдим, у бўлса йўлимни тўсиб:

#ЎГАЙ ОНА
(Онлайн қиссанинг давоми)
13 қисм
Кундоши Соҳиба Фикрат билан аввал бирга яшаган уйида болалари билан яшаб юраверди.Қишлоқдаги ҳовлида ижара пули беришмаса-да,газ,электр,сув каби тўловларни амалга оширишарди.Соҳиба эндигина 1 синфга борган Амир ва беш ёшли Арслон номли ўғилларини эски,тўзиб кетган кийимларни кийдириб,«Болалар сизни соғинибди»деб тез-тез буларникига жўнатарди.Озода эса уларга парвона бўлиб,ойлик маошидан кийим-кечак олиб берар,ювинтирар,ҳар хил овқатлар билан хурсанд қилишга уринарди.
  Шу тарзда кун ва ойлар ўтаверди.Озода ишига бориб келар,эри билан гоҳида онасиникига,гоҳида қайнонасиникига  меҳмонга боришарди.Фикрат ўзининг хусусий бокс клубини очган,шаҳар марказидаги спорт мажмуасидан ижарага зал олиб,ўша ерда бокс машғулотларини ўтказарди.Рўзғорни асосан Озода қилар,Фикрат кўпинча бозор-ўчарга аралашмас,уйда нима бор-йўқлиги билан иши бўлмасди.
  Бу орада Тожикистонда нотинчлик бошланиб,Фикрат у ердаги икки ўғлидан хавотир олиб,кўп ўйлайдиган,шу ҳақда кўп гапирадиган бўлди.
–Тожикистонда уруш бўляпти.Болаларим нима бўлади энди?-деди бир куни у хафа оҳангда.
–Бориб ўғилларингизни олиб келинг.Мен ўзим уларга қарайман,-деди Озода унга раҳми келиб.
–Борардим-у,Мубина  болаларни менга беришга рози бўлармикан?-деди Фикрат ўйланиб.-Берса иккисини ҳам олардим.
–Мубина бошқа турмуш қурган,яна бошқа фарзанди бор дегандингиз-ку.Агар болаларни берса,мен уларга оналик қилишга тайёрман.Зора шу ишим Аллоҳга хуш келиб,ўзимга ҳам Худойим фарзанд берса,-деди  ўпкаси тўлиб Озода.У Фикрат билан яшаётганига етти ойдан ошган бўлса-да,ҳомиладор бўлолмаётганидан хафа эди.
–Сен туғмасанг ҳам сендан ҳеч қачон ажрашмайман.Мени фарзандларим сеники ҳам.Буни ўйлаб сиқилма,-деди Фикрат.
–Раҳмат.Аммо мен ҳам ўз фарзандим бўлишини истайман.Она бўлиб,ўзимни боламни бағримга босгим келади.Ахир 28 ёшга кирдим,ҳалигача шундай юрибман.Мен тенги дугоналаримнинг болалари мактабга чиққани қачон эди..
 Озода охирги сўзларни овози титраб,зўрға айтди.У охирги ойларда ҳомиладор бўлолмаётгани учун  кўп даволанаётган эди.
 –Мен сенга кейинги ойда Бухородаги «Иссиқ сув»санаторийсига йўлланма олиб бераман,-деди Фикрат.-Балки санаторийда даволансанг,фарзандли бўлармиз.
  Озода эрининг бу гапидан кейин бироз тинчлангандай бўлди.Май ойи охирлаб,мактабдаги ўқишлар тугаши билан Озода йўлланма билан санаторияга даволанишга кетди.Даволаниб келганидан кейин ҳам натижа бўлавермагач,ёш аёл бутунлай тушкунликка тушиб қолди.
 Бу орада Фикрат Соҳиба билан ўзаро  келишиб, шаҳардаги ҳовлисини сотди ва уларга кўп қаватли уйлардан уч хонали квартира олиб берди.Кейин эса ўзлари яшаб турган ҳовлини сотиб олиш ҳаракатига тушди.У қачонлардир ота-боболари яшаб ўтган жойда яшашни истаб,шундай қилди.
 –Бу эски уйларнинг ҳаммасини бузиб,бошқатдан қурамиз.Ҳовли атрофидаги деворларини ҳам янгилаймиз,-деди у.
(Давоми бор)
Моҳигул НАЗАРОВА
https://t.me/IJOD07/

​​​​Манзилга етгунча у билан гаплашиб кетдик.
50 ёшлар чамасидаги йўловчи асли Боғдод туманидан бўлиб, ҳар куни 25 км йўл босиб, Олтиариқ туманидаги мардикор бозорига келар экан. У қиш кунида иш камайиб кетгани, бир кунда 70–80 минг сўм пул топаётгани ҳақида айтди.
Соатга қарадим — 15:34.
— Бугун ишни эртароқ тугатибсизми?
— Ҳа, ука. Йўл бўйидаги коттежлардан бирида ҳовли томорқасига гўнг ташидим. Ҳаво совуқлигидан ишни тез тугатай, деб илдамроқ ҳаракат қилдим.
— Фарзандларингиз борми?
— Бир ўғил бир қизим бор Баҳоргача мардикорлик қилиб турай. Баҳордан ўғлим ишлайдиган мебел цехига ишга кириб оламан. Ўғлимни мебелчига шогирдга берганман. Қўлидан анча иш келиб қолди.
Йўловчи ўғли ҳунар ўрганганини тўлқинланиб ҳикоя қилар, ич-ичидан хурсандлиги билиниб турарди.
— Бир кунда 70 минг ишлаб топар экансиз. Уйингиз эса бошқа туманда. Олтиариққа ҳар куни келиб кетишингизга йўл кира кетади-ку?
— Энди, ука, ўрганиб қолганмиз-да. Олтиариқда қишда ҳам иш кўп бўлади-да...
Риштон марказига кириб келдик. Машинани йўл четига тўхтатдим. Энди у каловланганича чўнтак титкилай бошлади. Ҳамёнидан 5 минг сўм чиқарди.
— Ака, бир ўзим кетаётганим учун суҳбатлашиб кетгани атай сизни йўлдан олгандим. Ҳали яна уйингизгача бошқа транспортга чиқасиз. Менга бермоқчи бўлган пулингизни Боғдодга етиб олиш учун ишлатинг...
— Ука... хижолатга қўйманг одамни...
— Мен сизга жиддий айтяпман...
Қора пальтоли йўловчи бир зум ўйланиб қолди-да, раҳматлар айтганича иягига туширилган қора маскасини бурнигача кўтарди. Ҳолбуки, ўша атрофда маска таққан ягона инсон шу эди. Сўнг у турнақатор тизилиб турган «Дамас»лардан бирига бориб ўтирди.
Эҳ... йўлда шунча бирга суҳбатлашиб келиб, қора пальтоли йўловчининг исмини ҳам сўрамабман...

📝Орзу ва томорқа
Қишлоққа етиб келиб бувимга егулик сотиб олгани йўл четидаги дўконлардан бири қаршисида тўхтадим. Дўкон эшиги олдида маҳалламизда яшовчи Илёс акани учратдим. Анчадан бери кўришмаган қўшни билан озроқ суҳбатлашдик.
Ўзи ўқимаганига «алам» қилиб фарзандларини олийгоҳда ўқитаётган Илёс ака билан ҳар гал учрашиб қолганимизда мавзу фақат ўқиш ва илмдан бўларди. Шунинг учун бу сафар ҳам унинг ўғлининг ўқиши ҳақида гап очдим.
— Ўғлингиз ўқишни тамомладими?
— Яқинда бир йил бўлди, худога шукр. Ўқиши тугаган. Амаллаб ўқитиб олдим. Бахтимизга сигиримиз ҳар йили биттадан туғиб бериб турди. Бу ёқда сут-қатиғини пуллаб, рўзғорга ишлатиб турдик. Ҳар йили боласини сотдик. Контрактининг бир қисмини кўтарди-да...
— Яхши бўлибди ака. Энди укамиз нима иш қиляпти? Ишга жойлашгандир?
— Ҳали янгиликни айтмадим. Зўр янгилик бор бизда...
— Э, яхши-ку! Сиздаги янгилик доим яхшиликка бўлади. Қани эшитайлик-чи...
— Э, ука, ўғлимни биласанку, ўртоқларига қизиқиб, четга кетишга қизиқиб юрарди. Ўқишда ўқиб юрганида «Айлтс» деган нарса ўқиб турарди. Баллни яхши олган экан, Кореядаги ўқишлардан бирига кириб кетибди. Бошида биздан яширди четга ўқишга ўтганини. Университетни тамомлаб қишлоқда инглиз тилидан болаларга дарс ўтиб юрувди. Пулниям яхши топаётганди. Энди нима деймиз? Кетаман, деб туриб олса...
— Майли Илёс ака, омадини берсин. Ёшларга қўйиб беринг. Келажагини ўзи қурсин. Шуни хоҳлабдики...
— Ўтишга ўтиб олдику-я, у ёғиям контракт эканда...
— Кореяга ҳам контрактга ўтдими? Ҳа-а, майли ака, шунгаям ўта олмаганлар бор. Ўғлингизнинг омади бор экан.
— Майлику-я, ҳужжатларига ҳам анча пул кетди-да. Бир пайтлар болаларимга иморат қуриб берарман, деган яхши ниятда томорқа олиб қўйгандим. Шуни сотиб, контрактларига тўладим. Чет элга ҳам кетиш осон эмас экан-да, ука...
— Ўғлингиз Кореяда ўқиб келиб, ҳали яхши лавозимларда ишлайди. Бундай томорқалардан ҳали сизга кўпини олиб беради.
— Гапинг тўғри. Айтганинг келсин, ука. Мен ҳам хотинимга худди сен айтган гапни айтдим. Ўғлимни уйласам тўйга айтаман. Келасан-а?!
Мен албатта тўйда хизмат қилишимни айтиб, дўконга кирдим.
Сарвар Зияев, журналист

https://t.me/IJOD07/

#Бу қизиқ!
​​#хилқат.

​​Эркак ва аёл!
Фарқларимиз қандай?!
Жуда қизиқ гаплар!!!

1. Эркаклар аёллар учун кийим танлай олмайдилар

Эркаклар ҳақиқатан ҳам кийим танлай олмайдилар, айниқса аёлларнинг кийимини. Чунки уларнинг мияси бичим ва андазаларни фарқлай олмайди. Аёлларнинг кўзларига қараганда уларнинг кўзлари камроқ ранг-тус ажратади.

Шунинг учун эркак кишидан зеб-зийнат, кийим-кечак сотиб олиб беришни илтимос қилманг, у дарҳол депрессияга тушади, сиз эса истаган нарсангизга эриша олмайсиз.

Эркак кишини аёлнинг ўлчамини топа олмаслик даҳшатга солади. Мабодо каттароқ ўлчамдаги кийимни сотиб олса, рафиқаси “Мен шунчалик семизманми?” дейиши аниқ. Торроғини олиб қўйса, яна балога қолади.

Кийимни эрингиз совға қилган тақдирда ҳам, кийимни бирга бориб танлаганингиз маъқул. Шундагина харид қилган кийимингиздан завқланиш имконияти пайдо бўлади.

2. Эркаклар ҳеч қачон адашиб қолмайди

Эркаклар ҳеч қачон адашиб қолмайди, жуда йўлдан адашадиган бўлса, “йўналишни ўзгартиради”. Ҳатто бир жойдан беш марта ўтсангизда, ундан ҳеч қачон орқага қайтишни илтимос қилманг. Эркаклар минг йиллардан бери ов ва жанг қилишда фақат макон ва замон орқалигина фикр юритишади. Улар маконда йўналишни аниқлашни эркакларга хос хусусият деб ҳисоблайдилар. Шунинг учун адашиб қолганини тан олиш улар учун мағлубият билан тенгдир.

3. Аёллар ўзларига кўпроқ танқидий кўз билан қарашади

Эркаклар кўзгудаги аксларидан қониқиш ҳосил қилишса, аёллар эса ҳеч қачон ўзларидан қониқмайдилар. Улар бир-бирларидан тубдан фарқ қилган ҳолда ўзларини бошқача қабул қиладилар. Аёллар тирноқларига назар ташлаётганда кафтларини пастга қилган ҳолда устидан қарашса, эркаклар кўп ҳолларда бармоқларини буккан ҳолда тирноқларига разм солишади.
Тавба шунақа фарқи ҳам бор экан?)))

4. Аёллар кўпроқ эснайди

Эснаш юқумли эканлигини ҳаммамиз яхши биламиз, аммо аниқланишича, эснашга аёл ва эркак бирдай жавоб бермас экан. Жинснинг гўзал вакилалари бунга тезроқ жавоб қайтаришар экан. Тадқиқотчиларнинг фикрича, бунга аёлларнинг бошқаларнинг дардига шериклиги, ҳамдардлиги сабаб бўларкан.

5. Қорни оч аёл романтикага мойил бўлмайди

Эркак юрагига йўл ошқозон орқали ўтади дейишади. Аммо бу фақат эркакларга тегишли бўлибгина қолмай, бу борада аёллар ҳам улардан қолишмас экан. Аёл кишининг қорни тўқ бўлсагина, романтикага мойиллик билдиради. Тадқиқотлар натижасида, аёллар тушликда бақувват овқат истеъмол қилсалар, уларда романтик кайфият юзага келиши аниқланган. Шунинг учун ресторанда романтик учрашув ўтказилиши илмий томондан асосланган анъанадир.

6. Аёл шифокорлар эркак шифокорларга нисбатан меҳрибонроқ бўлади

Аёл врачлар эркак врачларга қараганда беморни жон қулоғи билан тинглаб, уларга катта эътибор беришади, бу эса беморнинг соғайиб кетишида катта роль ўйнайди. Эркак врачлар эса беморга таъмирланиши лозим бўлган машинадек қарашади. Уларнинг беморни даволаш усуллари ҳам ҳар хил бўлади. Аёллар пастроқ дозада дори буюриб, кўпроқ маълумот ва маслаҳатлар беришга ҳаракат қилади. Аммо шунга қарамай, жинсидан қатъи назар эркак ва аёл тиббиёт ходимлари ажойиб мутахассислар бўлиши мумкин.

7. Биз турлича бўлсак-да, айнан ўзимизга ўхшаган жуфтни қидирамиз

Севишган жуфтликларнинг бир-бирларига ўхшаб кетиши табиий ҳолдир. Айнан бир кўрганда ёққан ташқи қиёфа ҳақидаги таассурот бора-бора муҳаббатга айланиб кетади.


Ummuzaynabummu
https://t.me/IJOD07/

#Шеърий лаҳзалар
18 сентябрь — "Эски дўстларни топинг!" куни. Бугун эски дўстларимизни йўқлаб қўяйлик!

Эски дўст

Кўчани чангитиб юрдик сен билан,
Яхши-ёмон кунни кўрдик сен билан,
Баъзан узоқлашиб турдик сен билан,
Дўстларни унутиб қўйма, эски дўст.

Болалик кунлари энди хотира,
Ният эзгу эди, юрак – бокира,
Йиғласак ҳам, ортга қайтмайди сира,
Дўстларни унутиб қўйма, эски дўст.

Гарчи бугун сен-ла йўлимиз ўзга,
Фикрлар ўзгаю, дилимиз ўзга,
Сўзимиз қовушмас – тилимиз ўзга,
Дўстларни унутиб қўйма, эски дўст.

Ҳол-аҳвол сўрармиз совуқ, қалбаки,
Тилдаги сўз бошқа, бошқа қалбдаги,
Эрта бир-биримиз топмасмиз, балки,
Дўстларни унутиб қўйма, эски дўст.

Қучоғингни очиб, уйларимга кел,
Яхши кунларимга, тўйларимга кел,
Зериксам, ёнимга, ўйларимга кел,
Дўстларни унутиб қўйма, эски дўст.

Вафо Мўмин, сен бир оташин бахши,
Оқибат - юракнинг энг гўзал нақши,
Не қилса ҳам, дўстнинг эскиси яхши,
Дўстларни унутиб қўйма, эски дўст.

Вафо Мўмин

https://t.me/IJOD07/

#Ибрат
МАЗЛУМНИНГ ҲАҚҚИ

Шайх Иброҳим Ҳаққий ёшлигида Исмоил Фақируллоҳ ҳазратларига шогирд бўлган эди. Бир куни устоз уни сув келтиришга буюрди. У булоқдан кўзасига сув олаётганида бир отлиқ келиб, «Отимни ҳуркитдинг» деган баҳона билан Иброҳимни итариб юборди. Унинг кўзаси эрга тушиб, синди. У йиғлаб устозининг ҳузурига келди.

- Нима бўлди, ўғлим? - сўради устоз.
- Булоқдан сув олаётсам, бир отлиқ келиб итариб юборган эди, кўза қўлимдан тушиб, синди.
- Кўзани синдирган одамга бирор нарса дедингми?
- Йўқ, ҳеч нарса дея олмадим.
- Бир оғиз ҳам гапирмадингми?
- Йўқ.
- Унда тез орқангга қайтиб, отлиққа бирор нарса деб кел.

Исмоил Фақируллоҳнинг бу буйруғи ҳаммани ҳайрон қилди. Иброҳим ноилож югуриб булоқ бошига борди. Отлиқ отини суғораётган экан. Иброҳим анча тараддудланиб турди, аммо ҳеч нарса дея олмай ортига қайтди.

- Гапирдингми? - сўради устози.
- Йўқ.
- Вақт ўтказмай югур, унга бирор ёмон гап айтиб кел.

Иброҳим яна югуриб булоқ бошига борди. Қараса, ўша отлиқ эрда ётибди. Унга яқин келди, унинг боши ёрилган, ўзи беҳуш эди. Бу ҳолатдан қўрқиб кетган Иброҳим устозининг ёнига чопди ва унга бўлган воқеани айтиб берди.

- Эҳ, ўғлим, биргина кўза учун бир одамни ўлдиртирдинга бир оғиз ёмон сўз айтганингда, балки, бу ҳодиса рўй бермасмиди?! — деди устози. Шогирдларининг тушунмай ҳайронликда турганини кўрган устоз изоҳ берди:

- Бир киши бошқа бир кишини ноҳақ хафа қилса, йиғлатса, мазлум унга қарши ҳеч нарса қилмаса ёки қилолмаса, унинг кўнгли озор топгани учун Ҳақ таоло золимдан унинг ҳақини олади. Кўзаси цинган Иброҳим отлиққа ҳеч бўлмаганда «Нима қилиб қўйдинг?!» деганида, ўша одам отининг тепкисидан омон қолармиди...

«Сиз қандай яшамоқчисиз?» китобидан.
https://t.me/IJOD07/

#ЎГАЙ ОНА
(Онлайн қиссанинг давоми)
Аммо уйга келгач,чопоннинг енги Фикратга узун келди.
Фикрат буни кўриб,жаҳл билан чопонни ечиб ерга отди ва унинг бу қилмишидан ҳайрон қолиб турган Озодани тарсакилаб,уриб ташлади.
–Кўзинг қаерда эди?Ё бирорта ошиғингни бозорда кўриб,хаёлинг ўшанга кетдими?-деди у ғазаб билан.
–Нималар деяпсиз?-Озода юзини чангаллаб қолди.Унинг аҳволини кўриб,Бахшанда амма орага тушди ва Фикратни уришиб берди:
–Нимага келинни урасан?Шу уришга баҳона бўлдими,ахмоқ?
 –-Қаранг,менга олган чопонининг енги ерга тегай дейди!Кўзи қаерда эди?
–Мен ҳозироқ чопонингни уйга олиб бориб,енгини кесиб, тикиб бераман!Шу келинни уришинг учун баҳона бўлдими?
Озода юзига қўлларини босиб,ҳовлига отилди.Шу пайт қулоғига Фикратнинг сўзлари эшитилди.
–Амма,сиз қўшилманг.Ҳозирдан буни жойига ўтқизиб қўймасам,бу бошимга чиқиб олади!
Озода Бахшанда амманинг нима деб жавоб берганини эшитмади.Унга Фикратнинг бу қилиғи жуда алам қилаётган эди.
«Бу нима қилгани энди?Нега мени урди?Чопоннинг енги узунлиги калтаклаш учун баҳона бўлдими?Ёки бу одам мени ҳақиқатан ҳам бошига чиқиб олишимдан қўрқяптими?»
Озода шу аламли хаёллар билан айвон тарафга қараб юрди.Қиш фасли бўлгани сабаб ҳаммаёқ қор эди. Бироздан кейин эшик очилиб,Бахшанда амма кўринди.
–Мен билан юринг,келин.Мен ҳозир дарров чопонни енгларини тўғрилаб бераман.
–Майли,сал туриб бораман.Тушликка бирор нима пиширай.
  Бу воқеа унутилгандай кўринса-да,Озодани жудаям хафа қилди.Фикрат унинг телевидениеда ишлашини ҳам таъқиқлаб қўйди.
–Фақат мактабга бориб,дарсингизни ўтиб келасиз.Шунга рухсат.Мендан сўроқсиз ҳеч қаерга бормайсиз.Тушунарлими?
–Ҳа,-деди Озода.
–Ҳа эмас,«хўп бўлади»дейишни ўрганинг.
Шу зайлда кунлар ўтаверди.Озода қишлоқдан туман марказига қатнаб ишларди.Ўша пайтда йўлларда «Форд»русумли маршруткани эслатувчи эскириб кетган машиналар юрарди.
  Озода бирга яшай бошлашганидан кейин Фикратнинг асл башарасини кўрди.Фикрат жуда инжиқ эркак эди.У овқатланаётган пайтида 
 дастурхонда ҳамма нарса бўлиши ва бирданига қўйилиши керак эди.Дастурхонда унинг ўзи учун алоҳида қўл артиладиган сочиқ бўлиши,чой дамланган ва ўраб қўйилган бўлиши,салатлар ҳам келтириб қўйилган бўлиши шарт эди.Агар овқатланаётган пайтда Озода югуриб бориб чой дамлаб келса,тамом.Фикрат ўша заҳоти еб турган овқатини ерга отар,Озодани ҳақоратлаб ўрнидан туриб кетарди.Кейин доимо режим асосида овқатланарди.Кийимлари ҳам бир марта кийилгандан кейин ювилар,доимо топ-тоза туриши керак эди.Озода доим унинг ёнида қалтираб турар,бирор камчиликка йўл қўйган бўлса,Фикрат ўзини хафа қилишидан чўчиб турарди.
  Фикрат ўзини жуда яхши кўрарди.Қўлига пул тушган пайтида ўзи учун урфга кирган чиройли кўйлаклар,жемпер,шимлар,туфлилар сотиб олар,ўзига қараб кийинишни ёқтирарди.
  Озода Фикратни яхши кўрса ҳам,унинг бу қилиқларидан кун сайин безиб борар, уйга бориб ота-онасига арз қилгиси келарди.Аммо қон босими ва қанд касаллиги бор отаси,отасига қараб сиқилиб кетган онасига ўз ҳаёти ҳақида гапириб,уларни баттар зериктиргиси келмас эди.

(Давоми бор,эртага.)
Моҳигул НАЗАРОВА

https://t.me/IJOD07/

#Ибрат
Телемухбир йўловчиларни тўхтатиб, савол беряпти:
— Сиз нимани йўқотишдан қўрқасиз?
Бу саволга одамлар турлича жавоб беришяпти. Бири «Ота-онамни йўқотишдан қўрқаман», дейди. Билмайдики, қўрқса-қўрқмаса, ўзининг дунёга келишига сабабчи бўлган энг азиз кишиларини эртами-кечми барибир йўқотади. Бошқа бир одам «Тинчликни», яна бири «Оила бахтини...» деди.
Ҳамма жавоблар тўғри.
Лекин...
Бирон бир киши «Виждонимни йўқотишдан қўрқаман», демади, «Иймонимни йўқотишдан қўрқаман», демади. «Эътиқодни, диёнатни, Ватанга садоқатни йўқотишдан қўрқаман», демади-я!
Мантиқан олиб қаралса, ота-онани йўқотишдан хоҳ қўрқинг, хоҳ қўрқманг, бир кунмас бир кун улар фоний дунёни тарк этишгач, армон билан бўлса-да, яшайверади киши. Худо кўрсатмасин-у, аммо тинчлик йўқолиб, урушга дуч келса ҳам, азоб билан бўлса-да, яшайверади инсон. Оила бахтини ҳеч ким йўқотмасин, аммо бу ҳол юз берса, янги бахт умиди билан ҳаёт кечираверади одам.
Аммо...
Иймонни йўқотса...
Виждонни йўқотса...
Эътиқод, диёнатдан,
Ватанга садоқатдан айрилиб қолсачи... Қандай яшайди!?
Иймонсиз, виждонсиз, эътиқод-диёнатсиз, садоқатсиз ҳам яшаяпман, дегувчи одам ёлғон сўзлабди. У ўзини тирик деб ўйлайди, аслида у тирик мурдадир.


Тоҳир Малик
«Меҳмон туйғулар» китобидан

https://t.me/IJOD07/