Shavkatbek Navoiy nomidagi stipendiyaga munosib

Oliy ta’lim, fan va innovatsiyalar vazirligining joriy yil 11-dekabrdagi 464-son buyrug‘i bilan 2024/2025 o‘quv yili uchun prezident va nomli davlat stipendiyalari oliy ta’lim muassasalari bakalavriat bosqichining talabalari ro‘yxati e’lon qilindi.
Buyruq bilan Andijon mashinasozlik instituti Iqtisodiyot yo‘nalishi 3-bosqich talabasi Egamberdiyev Shavkatbek Shahobiddin o‘g‘li Navoiy nomidagi davlat stipendiyasiga munosib ko‘rildi.

Shavkatbek 2022-yilda talabalik safiga qabul qilingan. O‘qish davomida ko‘plab xalqaro va respublika ilmiy-amaliy anjumanlarida ishtirok etgan. OAK ro‘yxatidagi xalqaro hamda mahalliy jurnallarda ilmiy rahbari bilan birgalikda ilmiy maqolalari chop etilgan. Ellikdan ortiq ilmiy maqola va tezislar muallifi va hammuallifi. “Moliyaviy hisobotlar almashinuv tizimi” va “Soliq hisobotlari boshqaruvi” ishlanmalari davlat ro‘yxatidan o‘tkazilgan.

Yoshlar ittifoqining institut boshlang‘ich tashkiloti “Yoshlar daftari va metsenatlik” va “Tadbirkorlik va innovatsion” loyihalari koordinatori sifatida samarali faoliyat yuritgan. Turli ma’naviy-ma’rifiy tadbirlar tashkilotchisi va faol ishtirokchisi hisoblanadi. Ko‘plab yutuqlarga erishgan.

Egamberdiyev Shavkatbek o‘zining bilimga chanqoqligi, tirishqoqligi tufayli barcha mutaxassislik fanlarini a’lo baholarga o‘zlashtirib kelmoqda. U a’lo baholarga o‘qish bilan bir qatorda kafedra o‘qituvchilari bilan birgalikda va mustaqil holatda korxonalarning iqtisodiy rivojlantirishga qaratilgan turli strategiyalar ishlab chiqishda ko‘maklashib kelmoqda.

Institut jamoasi va talabalari nomidan Shavkatbekni ushbu muvaffaqiyat bilan tabriklab, kelgusidagi o‘qish va ishlariga omad va zafarlar tilab qolamiz!

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube