🔥 Raqobatni rivojlantirish qo‘mitasi O‘zbekistonda ochiqlikni oshirish va ishbilarmonlik muhitini yaxshilash yo‘lida katta qadam qo‘ydi.

Avvaliga birinchi marta kompaniyalarning qo‘shib olinishi va birlashishi haqidagi ma’lumotlar oshkor etila boshlandi, endi esa so‘nggi yillardagi barcha bitimlar ro‘yxati e’lon qilindi.

Unda kim kimni to‘liq yoki qisman sotib olganini ko‘rish mumkin.

Masalan, 2024-yilda qo‘mita 15 ta qo‘shilb olish va 63 ta ulush olish bitimini ma’qullagan. Ular orasida:

⏺ "O‘zbekiston-Ummon investitsiya kompaniyasi" Toshkentdagi "Ramada Encore by Wyndham" mehmonxonasini boshqaruvchi "Optimum Invest Corp"ning 72 foizlik ulushiga ega bo‘ldi.

⏺ "Grand Capital" Toshkentdagi "Depo Mall"ning 100 foizlik ulushini qo‘lga kiritdi.

⏺ "Ankhor Invest" Toshkent metallurgiya zavodining 51 foizlik ulushiga egalik qildi.

Va hokazo. 2022, 2023 va 2024-yillar uchun to‘liq ro‘yxatlar mana bu yerda.

Tarixiy voqea

Men so‘nggi 5 yil davomida qo‘mitadan O‘zbekistondagi qo‘shilish va sotib olishlar haqidagi ma’lumotlarni e’lon qilishni boshlashni so‘rab kelgan edim.

Bunday ma’lumotni tijorat siri deb hisoblab bo‘lmaydi (summalar ko‘rsatilmagani sababli), uni e’lon qilish mumkin va zarur.

Bu ham davlat uchun (shaffoflik va ochiqlik darajasi oshadi), ham biznes uchun (raqobat muhiti yaxshilanadi) muhim ahamiyatga ega.

Qo‘mita raisi To‘raxo‘jayev Halilillo Sobirjonovichga, uning maslahatchisi Usmonov Otabek Odilbek o‘g‘liga va barcha ishtirokchilarga o‘z minnatdorchiligimni bildirmoqchiman.

Yangi O‘zbekiston mana shunday barpo etiadi.

@beshtorr

#kompaniyalar #bitimlar #ochiqlik