Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

📚 Hikoyalar olami 📚

@Hikoyalar_olami_2020

Kanal geosi va tili: O‘zbekiston, O‘zbekcha

Toifa: Bilim orttirish

Ассалому алайкум!
Сиз бу каналда нафақат ҳикоялар, балки иқтибос, афоризм, шеърлар ва шу каби фойдали контентлар билан танишасиз! Биздан узоқлашманг😉
Мурожаат учун: @Noone_01_09

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Bilim orttirish

Statistika

Postlar filtri

O‘chirilganlarni yashirish

Repostlarni yashirish

📚 Hikoyalar olami 📚

4 Mar, 19:10

Қўшничилик

🔹"Қўшниси оч бўла туриб ўзи тўқ ётган инсон мўмин эмас", деганлар Пайғамбаримиз Муҳаммад соллаллоҳу алайҳи васаллам. (Ҳаким, "Мустадрак", 2/15, 2166-ҳадис).

🔹Абу Зар Ғиффорий ҳазратлари: "Менга Пайғамбар соллаллоҳу алайҳи васаллам овқат пиширганда сувини кўпроқ солишимни ва ундан қўшнимга ҳам бермоғимни буюрдилар..." деган эди. Абу Зар фақир саҳобалардан эди. Демак, қўшни ҳаққига риоя қилишда йўқсиллик ҳам узр бўлолмас экан. (Ибн Можа, Атъима китоби, 58-хадис).

@Hikoyalar_olami_2020 🍃

1.1k 0 5

📚 Hikoyalar olami 📚

4 Mar, 13:17

📜Уч нарса ҳақида ташвиш қилма:

1⃣ Камбағаллик ҳақида ўйлама, чунки ғаминг кў пайиб кетади. Ғам-ғусса эса очкўзликни зиёда қилади.

2⃣ Сенга зулм қилган киши ҳақида ҳам ўйлама, чунки қалбинг ғазабга тўлиб, адоватинг кучайиб, қаҳр-ғазабинг бардавом бўлиб қолади.

3⃣ Дунёда узоқ қолиш ҳақида ҳам ўйлама, чунки мол-дунё йиғишга қизиқиб, умрингни зое кетказасан, амал қилишни эса ортга сурасан...

@Hikoyalar_olami_2020🍃

1.2k 0 13

📚 Hikoyalar olami 📚

4 Mar, 04:12

Ramazon suhbatlari 1-kun... — Vakillik_Uz

#Рамазон_туҳфалари

🎙Шайх Муҳаммад Содиқ Муҳаммад Юсуф

(Манбаа: vakillik.uz You Tube канали)

@Hikoyalar_olami_2020 🍃

1.2k 0 7

📚 Hikoyalar olami 📚

4 Mar, 03:40

#Рамазон

📜 Расулуллоҳ (с.а.в.) айтдилар:
"Рамазон ойида Қуръонни кўп тиловат қилинг, чунки у қиёмат куни сиз учун шафоатчи бўлади."
(📌 Имом Муслим ривояти)

✨Рамазон Қуръон нозил бўлган ой бўлгани учун бу ойда Қуръонни кўпроқ ўқиш, тушуниш ва унга амал қилиш айни савобдир.

Рамазон – раҳмат, ибодат, мағфират, Қуръон тиловати ва саховат ойи. Уни беҳуда ўтказмаслик учун, иложи борича, садақа, дуо ва истиғфорни кўпайтирайлик!😇

@Hikoyalar_olami_2020🍃

1.2k 0 6

📚 Hikoyalar olami 📚

3 Mar, 20:39

18:27

Video oldindan ko‘rish uchun mavjud emas

Telegram'da ko‘rish

Инстаграмнинг фойдаси борми? Кимлар учун?

🎙Муҳаммад Али Эшонқулов

@Hikoyalar_olami_2020🍃

1k 0 14

📚 Hikoyalar olami 📚

3 Mar, 16:31

Вақт хиёнати!

Мен белгилаётган учрашувларга одамлар кўп марта кечга қолишаётган бўлса, фақатгина уларни эмас, балки ўзимни ҳам айблашни бошладим.

Уларнинг олдида муҳимликлик даражам паст бўлгани учун менга нисбатан шундай муносабат қилишяпти.

Чунки худди ўша инсонлар бирорта амалдор ёки обрўли инсон билан учрашувга бундай лояқатсизлик қилишмаган бўлар эди.

Демак, айб менда ҳам бор...

Одатда бундайлардан яхши ҳамкор ёки шерик чиқмайди.

Бировнинг вақтини ҳурмат қилмайдиган одам, ўзининг вақтини икки баробар ҳурмат қилмайди. Натижада ишни ҳам вақтида бажармайди ва берган ваъдасининг устидан ҳам чиқмайди.

Вақтга хиёнат кетидан хиёнат қилиб юраверади.

©Шаҳо Долимов

@Hikoyalar_olami_2020🍃

1.1k 0 6

📚 Hikoyalar olami 📚

3 Mar, 14:45

Закот ҳақида

🔸Кимки Аллоҳ унга мол ато этиб, у молнинг закотини бермаса, унинг моли Қиёмат куни тимсоҳ илонга (аждаҳога) айлантирилади. У киши молидан қочиб юради, лекин илон унинг орқасидан эргашиб, олдига келади ва: "Мен сенинг молингман, мен сенинг бойлигингман!" дейди. Сўнг у кишининг оғзини тишлаб, иккала жағини ушлаб олади. (Бухорий, 1403; Муслим, 988)

🔸"Олтин ва кумушни жамлаб, уни Аллоҳ йўлида сарф қилмаганларни оғир азоб билан хушхабар бер! У Кунда (Қиёматда) ўша олтин ва кумуш дўзах оловида қиздирилиб, пешоналари, ёнбош ва орқалари тамғаланур (куйдирилур). Шу ҳолда уларга: 'Мана шу ўзингиз учун жамлаган нарсангиздир, энди тўплаган нарсаларингизнинг таъмини тотиб кўринг!' дейилур." (Тавба сураси, 34-35-оятлар)

@Hikoyalar_olami_2020🍃

1.5k 0 9

📚 Hikoyalar olami 📚

3 Mar, 09:44

#Эслатма

▪️ Ким ёлғон гапириш ва унга амал қилишни тарк этмаса, унинг таом ва шаробни тарк қилишига Аллоҳнинг ҳеч ҳожати йўқдир!

▪️ Кимнинг Рамазони дуруст бўлса, унинг бутун йили дуруст бўлади (Муҳаммад с.а.в.)

▪️ Рамазонда Аллоҳ таоло "бирор сўровчи борми, дуосини қабул қилайин" деб нидо қилади.

▪️ Рамазонда ёмонликлар гуноҳи ҳам зиёда бўлади!

🔰"Рамазонни қандай ўтказамиз" китобидан

@Hikoyalar_olami_2020🍃

2.5k 0 21

📚 Hikoyalar olami 📚

27 Feb, 15:27

Рамазонни яхшилик ила ўтказинг

Бир ҳадиси Набий соллаллоҳу алайҳи васаллам айтадилар:

من سلم له رمضان سلمت له السنة

"Кимнинг Рамазони дуруст бўлса, унинг бутун йили дуруст бўлади".

Яъни кимнинг Рамазони яхшиликда ўтса, унинг бутун йили яхшиликда ўтади. Шунинг учун муборак Рамазоннинг ҳар бир куни яхшиликда ўтишига ҳаракат қилинг. Бирор гуноҳ содир бўлмасин. На кўз билан, на қулоқ билан, на тил ва на қўл-оёқ билан бирор гуноҳ содир бўлсин. Жаҳд қилингки, бу аъзолар барчаси Аллоҳ таоло тарафга тўла қайтсин. Агар шу тарзда Рамазон яхшилик ила ўтса, у ҳолда, иншааллоҳ, қолган йил бўйи ваъда қилинган омонлик ва яхшилик етиб тургай.

@Hikoyalar_olami_2020 🍃

2.8k 0 15

📚 Hikoyalar olami 📚

17 Feb, 13:58

БАРВАҚТ ТУРИШГА ОДАТЛАНИНГ!

   Пайғамбаримиз соллаллоҳу алайҳи ва саллам: «Ё Аллоҳ! Умматимнинг барвақт қилган ишларига барака бер!» деб ҳақимизга дуо қилганлар. Бу дуо мағзини чаққан ота-боболаримиз вақтли туришга одатланишган, тонгдан ишга киришишган. Натижада кўп ютуқларга эришишган. Улар фарзандларини ҳам шунга ўргатиб боришган. Миллий урф-одатларимизга кўра, келинлар эрта тонгдан кўчаларга сув сепишади, ҳовлини, кўчаларни супуриб-сидириб, саранжом-саришта қилиб қўядилар, ахлатларни олиб, ёғ тушса ялагудек топ-тоза ҳолга келтирадилар. Бу ишларда кўп хайр-барака бор.
   Инсон эрта тонгда туриб, юз-қўлини ювиб, Яратганга шукроналар айтиб, ибодатдан сўнг ишга киришса, иши баракали бўлади. Бу ҳамма соҳага тегишли. Илм олишни мисол қилиб келтирадиган бўлсак, тонг саҳарда китоб ўқилса, маълумотлар хотирада яхши сақланади. Чунки уйқу вақтида дам олган мия маълумотларни яхши қабул қилади.
   Динимиз таълимотларига кўра, инсон барвақт уйқудан туриб, ишларини бажариб, хуфтондан сўнг эртароқ уйқуга ётади. Иложи бўлса, шомдан кейин кўчага чиқмаган маъқул. Айниқса, болаларни шом пайтида ташқарига чиқармаслик таъкидланган. Чунки шом пайтида жинлар ер юзи бўйлаб тарқалади. Улар болаларга зиён етказиб қўйиши мумкин. Эътибор берсангиз, бемаҳалда кўчада санқиб юрганларга жин текканини, турли руҳий касалликларга чалинганини кўрамиз. Шариат кўрсатмасига амал қилинса, бундай нохуш ҳолатлар олди олинади.
   Ҳадиси шарифларда айтилишича, хуфтондан кейин ўзаро гаплашиб ўтириш, беҳуда ишлар билан машғул бўлиш маъқул эмас. Айрим одамлар тун ярмигача телевизор кўриб, алламаҳалда уйқуга кетади. Натижада эрталаб жуда кеч уйғонади. Бундай кишилар рўзғорида барака, ишида унум бўлмайди. Бунақа ҳаёт тарзи киши соғлиғига ҳам зарар келтиради.
   Ҳадиси шарифда шундай дейилган: «Ризқ талабида барвақт ҳаракат қилинглар! Зеро, эрталабдан ҳаракат қилиш барака, муваффаққият келтиради» (Имом Табароний ривоят қилган).
   Баъзи одамлар ризқи торлигидан шикоят қилади, «Қанча ҳаракат қилсам ҳам бирим икки бўлмайди!» деб зорланади. Уларнинг ҳолатига қуйидаги ҳадиси шариф изоҳ беради.
«Тонгги (уйқу) ризқ (келиши)ни тўсади» (Имом Аҳмад ривоят қилган).
   Ким кунини хайрли суратда бошласа, қолган қисми ҳам хайрли бўлади, ишлари бароридан келади, Аллоҳ тарафидан ўша банда ризқига барака берилади. Ривоятларда келишича, қуёш чиққунча бўлган вақт оралиғида ризқлар тақсимланади. Ризқ тақсимотида иштирок этмаган банда ундан маҳрум бўлган билан баравар. Чунки тонг отгач ҳам уйқудан уйғонмаган банда ўрнидан ланж, дили хира бўлиб туради. Натижада унда ғайрат-шижоат бўлмайди, бирон ишни ҳафсала билан қилмайди. Шунинг учун ризқидан барака кетади.

🔰 «Бахтли ҳаёт сари»
✍ Зиёвуддин Раҳим

@Hikoyalar_olami_2020🍃

3.7k 0 37

📚 Hikoyalar olami 📚

16 Feb, 17:41

#Тафаккур

Улуғлардан яна бири айтади: «Қалб хасталигининг давоси беш нарсада: Қуръонни тадаббур ила ўқиш; қориннинг тўйиб кетмаслиги; тунда туриб ибодат қилиш; саҳар вақтидаги тазарру ҳамда солиҳлар билан суҳбатлашиш».

🔰«Ёш қизга насиҳат»
✍Ҳассон Шамсий Пошо

@Hikoyalar_olami_2020 🍃

1.7k 0 3

📚 Hikoyalar olami 📚

16 Feb, 10:18

#Иқтибос

Бир киши Пайғамбаримиз соллаллоҳу алайҳи васалламга: «Ё Расулуллоҳ, фалончи аёл кўп намоз ўқийди, кўп рўза тутади, лекин қўшниларига тили билан озор беради», деди. Шунда у зот: «У дўзахдадир», дедилар. У киши яна: «Ё Расулуллоҳ, фалончи аёл кам рўза тутиб, кам (нафл) намоз ўқийди, озгина қурут садақа қилади. Аммо қўшниларига (ва бошқаларга) тили билан озор бермайди» деди. Шунда Пайғамбар соллаллоҳу алайҳи васаллам: «У жаннатдадир», дедилар.

🔰«Ёш қизга насиҳат»
✍Ҳассон Шамсий Пошо

@Hikoyalar_olami_2020🍃

1.9k 0 9

📚 Hikoyalar olami 📚

16 Feb, 10:13

#Иқтибос

Дуоларингиз ижобат бўлишида сабрсизлик қилманг. Расулуллоҳ соллаллоҳу алайҳи васаллам айтадилар: «Банда қўлларини кўтариб Аллоҳдан бирор нарса сўрар экан, модомики шошилтирмаса, Аллоҳ унга сўрганини албатта беради», деди- лар. Саҳобалар: «Ё Расулуллох, шошилтириш қандай бўлади?» деб сўрашди. Расулуллоҳ соллаллоҳу алайҳи васаллам: «Аллоҳдан сўрадиму, У (тезда) бермади» дейишдир», дедилар.

Аллоҳга самимий, ишонч билан юзланинг. Пайғамбаримиз соллаллоҳу алайҳи васаллам айтадилар: «Аллоҳ таолога ижобатига ишонган ҳолда дуо қилинг. Билингизки, Аллоҳ таоло ғофил ва бепарво қалбдан чиққан дуони ижобат қилмайди».

«Ёш қизга насиҳат»
Ҳассон Шамсий Пошо

@Hikoyalar_olami_2020 🍃

1.5k 0 3

📚 Hikoyalar olami 📚

15 Feb, 20:03

Зеро, Пайғамбаримиз соллаллоҳу алайҳи васаллам бундай деганлар:

«Ким бозорга кирганда: «Лаа илааҳа иллаллооҳу ваҳдахуу лаа шарийка лаҳуу, лаҳул мулку ва лаҳул ҳамду, юҳйии ва юмийту ва ҳува ҳайюн лаа ямууту, биядиҳил хойру ва ҳува аълаа кулли шайъин қодийр» деса, Аллоҳ унга миллионта ҳасана ёзади ва ундан миллион ёмонлик- ни ўчиради ҳамда уни миллион даражага кўтаради».
Дуонинг маъноси бундай: «Ёлгиз Аллохдан ўзга илох йўкдир. Унинг шериги йўқ. Мулк Уники, ҳамд Унгадир. У тирил тирур ва ўлдирур. У тирикдир, ўлмас. Яхшилик Унинг кўлидадир ва У ҳар нарсага қодирдир».

🔰«Ёш қизга насиҳат»
✍Ҳассон Шамсий Пошо

@Hikoyalar_olami_2020 🍃

1.3k 0 6

📚 Hikoyalar olami 📚

15 Feb, 19:40

Расулуллоҳ соллаллоҳу алайҳи васаллам бундай деганлар: «Кимнинг уч қизи бўлсаю, уларнинг хархашалари ва оғирликларига сабр қилса, Аллоҳ уларга кўрсатган раҳмати туфайли уни жаннатга киритур». Шунда бир киши: «Икки нафар бўлса- чи, ё Расулуллоҳ?» деб сўради. «Икки нафар бўлса ҳам», дедилар. «Бир нафар бўлса-чи?» деб сўралди. «Бир нафар бўлса ҳам», дедилар».

@Hikoyalar_olami_2020🍃

1.3k 0 10

📚 Hikoyalar olami 📚

15 Feb, 04:30

#Иқтибос

Қиёматда Аллоҳ Таъоло ҳар бир бандани ҳеч қандай тўсиқ ва таржимонларсиз Ўзи сўроқ қилади.
У куни банда то тўрт нарса хусусида сўралмагунча улуғ ва қудратли Зот олдидан кетмайди:
1. Йўқотган умри.
2. Амал қилган илми.
3. Озиб-тўздирган жасади.
4. Қаердан топиб, қаерга сарфлаган моли.

🔰«Ийҳоу Улумид-дин. Ўлимдан сўнг»
✍Имом Ғаззолий

@Hikoyalar_olami_2020

1.9k 0 8

📚 Hikoyalar olami 📚

14 Feb, 18:19

#Иқтибос

Пайғамбар алайҳиссалом бундай деганлар: «Мусулмон кишининг биродари ҳаққига қилган ғойибона дуоси мустажобдир. Унинг боши устида масъул бир фаришта туради, биродарига яхшилик тилаб дуо қилса, фаришта: «Омийн, сенга ҳам ўшанча бўлсин», дейди».

🔰«Ёш қизга насиҳат»
✍Ҳассон Шамсий Пошо

@Hikoyalar_olami_2020 🍃

1.3k 0 4

📚 Hikoyalar olami 📚

13 Feb, 19:19

#Иқтибос

Масаланинг иккинчи жиҳати кимдир сизни яхшиликка чақириб, насиҳат қилса, уларга нисбатан такаббурлик қилманг. Тасаввур қилинг, Аллоҳ таоло сиздан: «Нега менинг амримни фалончининг тилидан эшитганингда амал қилмадинг?» деса қандай жавоб берасиз? Шайтон сингари «Мен ундан яхшироқман» дейсизми? Шундай экан, Аллоҳдан қўрқинг. Сўзловчига эмас, унинг сўзига қаранг. Насиҳат унинг тили орқали Аллоҳдан, Расулуллоҳдан келар экан, унга албатта қулоқ солинг.

🔰«Ёш қизга насиҳат»
✍Ҳассон Шамсий Пошо

2.1k 0 6

📚 Hikoyalar olami 📚

13 Feb, 17:32

#Иқтибос

Сиррий Сақатий «инсонларнинг айблари билан машғул бўлиш» касаллиги тарқалишидан хавфсираб бундай деган: «Мен банда ўз нафсини танимай, бошқаларнинг айблари билан машғул бўлишидек амални йўқ қилувчи, қалбни бузувчи, банданинг ҳалокатини тезлатувчи, маҳзунликларни орттирувчироқ бирор нарсани кўрмадим».

«Ёш қизга насиҳат»
Ҳассон Шамсий Пошо

@Hikoyalar_olami_2020 🍃

1.9k 0 3

📚 Hikoyalar olami 📚

13 Feb, 15:26

#Тафаккур

— Энг гўзал нарса нима?
— Одам. Чунки уни Аллоҳ яратди.
— Энг тез нарса нима?
— Ақл. У ҳамма нарсани ортда қолдиради.
— Энг доночи?
— Вақт. Чунки ёлғиз вақтгина ҳамма нарсани ойдинлаштиради.
— Барча учун энг умумий нарса нима?
— Умид. Чунки у ҳеч вақоси йўқларда ҳам бор.
— Энг кучли нарса нима?
— Зарурат. Чунки у ҳамма нарсанинг устидан ҳукмронлик қилади.
— Энг қийин нарса нима?
— Ўзликни англаш.
— Энг осон нарсачи?
— Бошқаларга маслаҳат бериш.

@Hikoyalar_olami_2020🍃

1.5k 0 6

20 ta oxirgi post ko‘rsatilgan.

1 373

obunachilar

Kanal statistikasi

Kanalda mashhur

БАРВАҚТ ТУРИШГА ОДАТЛАНИНГ! Пайғамбаримиз соллаллоҳу алайҳи ва саллам: «Ё Аллоҳ! Умматимнинг ...

#Назм ҚАДРИГА ЕТИНГ Қадрига етинг бўлса акангиз, Қўлидан етакланг, бўлса укангиз. Кун келиб, ма...

Рамазонни яхшилик ила ўтказинг Бир ҳадиси Набий соллаллоҳу алайҳи васаллам айтадилар: من سلم له...

#Эслатма ▪️ Ким ёлғон гапириш ва унга амал қилишни тарк этмаса, унинг таом ва шаробни тарк қилиш...

#Иқтибос Масаланинг иккинчи жиҳати кимдир сизни яхшиликка чақириб, насиҳат қилса, уларга нисбат...