Hidoyat_chashmasi | 🌱

Istixoraning alomatlari qanday ayon bo‘ladi?

1⃣. Ko‘ngilning tinchlanishi va moyillik.

Agar istixoradan keyin qalbingizda halovat va xotirjamlik paydo bo‘lsa, demak, o‘sha ish siz uchun yaxshidir.

Agar ichingizda bezovtalik, tortishuv yoki ishonchsizlik paydo bo‘lsa, demak, bu ish siz uchun yaxshi emas bo‘lishi mumkin.


3⃣. Ishlarning o‘z-o‘zidan oson yoki qiyin bo‘lishi.

Agar istixoradan keyin ish osonlashib, yo‘llar ochilsa, bu Allohning ijobiy ishorasi bo‘lishi mumkin.

Agar turli qiyinchiliklar, to‘siqlar paydo bo‘lsa, bu ish siz uchun yaxshi emasligini anglatishi mumkin.


3⃣. Yaxshi yoki yomon belgilarning ko‘rinishi.

Ba'zan odamlar istixoradan keyin tush ko‘rishadi, ammo tush ko‘rish shart emas. Agar tushda o‘zini xotirjam his qilsa yoki yorqin ranglar (oq, yashil kabi) ko‘rsa, bu yaxshi belgi.

Agar tush noxush yoki qorong‘i bo‘lsa, yoki bezovtalik paydo bo‘lsa, bu salbiy belgi bo‘lishi mumkin.


4⃣. Aql va maslahat bilan birga qaror qilish.

Istixora qilgandan keyin aql bilan o‘ylab ko‘rish va tajribali, dindor kishilar bilan maslahatlashish ham foydali bo‘ladi.

Istixora bu mo‘jiza emas, balki Allohdan eng yaxshi yo‘lni so‘rashdir. Shuning uchun, Alloh bergan aql va sabablarni ham ishlatish kerak.

Xulosam:

اللَّهُمَّ إِنِّي أَسْتَخِيرُكَ بِعِلْمِكَ، وَأَسْتَقْدِرُكَ بِقُدْرَتِكَ، وَأَسْأَلُكَ مِنْ فَضْلِكَ الْعَظِيمِ، فَإِنَّكَ تَقْدِرُ وَلَا أَقْدِرُ، وَتَعْلَمُ وَلَا أَعْلَمُ، وَأَنْتَ عَلَّامُ الْغُيُوبِ.
اللَّهُمَّ إِنْ كُنْتَ تَعْلَمُ أَنَّ هَذَا الْأَمْرَ (shu yerda ishni aytasiz) خَيْرٌ لِي فِي دِينِي وَمَعَاشِي وَعَاقِبَةِ أَمْرِي، فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ.
وَإِنْ كُنْتَ تَعْلَمُ أَنَّ هَذَا الْأَمْرَ شَرٌّ لِي فِي دِينِي وَمَعَاشِي وَعَاقِبَةِ أَمْرِي، فَاصْرِفْهُ عَنِّي وَاصْرِفْنِي عَنْهُ، وَاقْدُرْ لِيَ الْخَيْرَ حَيْثُ كَانَ، ثُمَّ أَرْضِنِي.

«Allohim! Sendan ilming ila (o‘zim uchun) xayrni so‘rayman, qudrating ila quvvat so‘rayman va ulug‘ fazlingdan tilayman. Chunki Sen qodirsan, men esa ojizman. Sen bilasan, men esa bilmayman. Sen g‘aybni biluvchisan. Ey Alloh! Agar bilsangki, bu ish (shu yerda ishni aytiladi) mening dinim, tirikchiligim va ishlarim oxiri uchun yaxshi bo‘lsa, uni menga nasib et, oson qil va menga barakali qil. Agar bilsangki, bu ish mening dinim, tirikchiligim va ishlarim oxiri uchun yomon bo‘lsa, uni mendan, meni undan nari qil va qayerda bo‘lsa ham yaxshilikni menga nasib et, so‘ngra meni u bilan rozi qil.

Alloh taolo Qur’oni Karimda shunday marhamat qiladi:

"Erkaklar ayollar ustidan boshliqdirlar, chunki Alloh birlarini (erkaklarni) ikkinchilaridan (ayollardan) ustunroq qilgan va erkaklar o‘z mol-mulkidan nafaqa qiladilar..."

(Niso surasi, 34-oyat)

Bu oyat erkak kishining boshliq va mas’ul shaxs ekanligini bildiradi. Erkakning vazifasi o‘z oilasi va yaqinlariga moddiy hamda ma’naviy yordam ko‘rsatishdir.

☁️Rosululloh 🤎 erkaklarning mas’uliyati haqida shunday deydilar:

"Sizlarning har biringiz cho‘ponsiz va har biringiz o‘z suruvingiz (qo‘l ostingizdagilar) uchun mas’ulsiz..."

(Imom Buxoriy rohmatullohi alayh)

☁️Demak, yigit va erkak kishi o‘z oilasi, farzandlari, qarindoshlari va jamiyat oldida mas’uliyatni his qilishi, ularga adolat bilan munosabatda bo‘lishi kerak.

☁️Bundan tashqari, erkakning e’tiborli va halol bo‘lishi, har bir so‘zi va harakatiga ahamiyat berishi ham juda muhimdir. Rosululloh 🤎 shunday marhamat qilganlar:

☁️"Erkakning o‘z oilasiga qilgan har bir nafaqasi sadaqadir, hatto og‘zingizga qo‘ygan luqma ham."

(Imom Buxoriy rohmatullohi alayh)

☁️Erkak kishi oila boshlig‘i bo‘lib, uning har bir qilgan ishi oilaning baxti va barakasi uchun xizmat qiladi. Bu uning ulug‘ mas’uliyatini anglatadi.

☁️Shuningdek, yigitning kuchi faqat jismoniy quvvatda emas, balki aql, odob va sabrda namoyon bo‘ladi.

☁️Rosululloh 🤎 shunday deydilar:

"Kuchli kishi (kurashda) g‘olib bo‘lgan emas, haqiqiy kuchli kishi g‘azablanganida o‘zini boshqara oladigan kishidir."

(Imom Buxoriy rohmatullohi alayh)

☁️ Erkakning ulug‘ligi — uning adolatida, kuchi — uning sabrida va hurmati — uning halol hayot kechirishidadir.

☁️Erkak va yigit kishining qadr-qimmati, hayoti va odobi nafaqat uning o‘ziga, balki jamiyat va oilasiga ham bevosita ta’sir qiladi. Qur’oni Karimda Alloh taolo erkaklarning ustuvor vazifalari haqida yana shunday marhamat qiladi:

"Ey iymon keltirganlar. O‘zlaringizni va oilalaringizni yoqilg'isi odamlar va toshlar bo'lgan do‘zaxdan saqlang. Uning shafqatsiz va qattiqqo'l farishtalar bor. "

(Tahrim surasi, 6-oyat)

Bu oyat erkak kishining eng katta mas’uliyati oilasini, yaqinlarini nafaqat moddiy jihatdan, balki ma’naviy jihatdan ham himoya qilish ekanligini bildiradi. Erkakning vazifasi — oilani tarbiya qilish, ularni to‘g‘ri yo‘lga boshlash va ezgulik sari yetaklashdir.

☁️Rosululloh 🤎 erkak kishining oilasidagi mavqei haqida shunday deganlar:

"Erkak oilasining boshlig‘idir va o‘z oilasi uchun javobgardir."

(Imom Buxoriy rohmatullohi alayh)

☁️Bu hadis yigit va erkak kishi o‘z oilasi va jamiyat oldida katta mas’uliyatga ega ekanini yana bir bor eslatadi. Shuning uchun erkak har bir so‘zi va harakatini o‘ylab qilishi, sabrli va odobli bo‘lishi kerak.

☁️Adolat va halollik erkakning ziynatidir. Rosululloh 🤎shunday marhamat qilganlar:

"Eng yaxshingiz — odob va xulqi eng go‘zal bo‘lganingizdir."

(Imom Buxoriy rohmatullohi alayh)

Erkak kishining yuksak fazilatlari:

1⃣. Mas’uliyat:Erkak o‘z oilasiga, farzandlariga va jamiyatga nisbatan mas’ul ekanini unutmasligi lozim.
2⃣. Adolat:Har bir ishida adolatni ustun qo‘yishi,hatto o‘z qarindoshlariga qarshi bo‘lsa ham.
3⃣. Sabr:Og‘ir vaziyatlarda sabr qilish — erkaklik belgilaridan biridir.
4⃣. Hilm (yumshoqlik):Erkakning mehribonligi uning ulug‘ligini oshiradi.

☁️Qur’oni Karimda yana shunday aytiladi:

"Albatta,Alloh adolat qiluvchi va yaxshilik qiluvchi bandalarini sevadi."

(Nahl surasi, 90-oyat)

Shunday ekan,erkak kishi o‘z hayotini Qur’on va Sunnat asosida olib borishi, o‘zining mas’uliyatli, halol va sabrli bo‘lishi bilan oilasiga va jamiyatga yaxshi namuna bo‘lmog‘i lozim.

Alloh taolo ayol zotini sharaflab shunday marhamat qiladi:

"Mo‘min erkaklar va mo‘min ayollar bir-birlariga do‘stdirlar: ular yaxshilikka buyuradilar, yomonlikdan qaytaradilar, namozni to‘kis ado etadilar, zakotni beradilar va Allohga hamda Uning Rosuli (Muhammad sallallohu alayhi vasallam)ga itoat qiladilar. Ana o‘shalar ustida Allohning rahmati bo‘lur. Albatta, Alloh qudratli va hikmatlidir."

(Tavba surasi, 71-oyat)

Bu oyatdan ko‘rinib turibdiki, ayol zotining o‘zi ham jamiyatni ezgulikka chorlovchi, mas’uliyatli shaxs bo‘lishi lozim.

Hadisda esa Rosululloh sallallohu sollallohu alayhi vasallam aytganlar:

"Sizlarning eng yaxshilaringiz — oilasiga yaxshilik qilganlaringizdir."

(Imom Termiziy rohimahulloh. )

☁️Qiz bola oilaning zebu ziynati ekan, u har bir so‘zini, harakatini tartib bilan qilishi, o‘ziga va boshqalarga foyda keltiradigan ishlarni tanlashi kerak.

☁️Shuningdek, Allohning elchisi sollallohu alayhi vasallam ayollarning aql va farosatini tarbiyalash haqida aytganlar:

"Farzandlaringizga yaxshi tarbiya bering va odobli bo‘lishni o‘rgating."

(Ibn Moja rohmatullohi alayh)

Demak, har bir qiz o‘zining mas’uliyatli, e’tiborli va aqlli bo‘lishi bilan nafaqat oilasini, balki jamiyatni ham yuksaltiradi. Uning har bir so‘zi va odobi oilasiga, atrofidagilarga hurmat uyg‘otuvchi bo‘lishi kerak.

Qiz bolaning odobi uning e’tiboridan boshlanadi!

☁️Qiz bola uchun e’tiborli bo‘lish, har bir so‘zini va harakatini o‘ylab bajarish faqatgina oila doirasida emas, balki jamiyatda ham o‘ta muhimdir. Bu haqda Rosululloh sallallohu alayhi vasallam yana shunday deydilar:

"Kimki sukut qilsa, najot topadi."

(Imom Termiziy rohmatullohialayh)

☁️Bu hadisdan ko‘rinib turibdiki, ayolning so‘zlariga e’tiborli bo‘lishi, noo‘rin gaplarni gapirmasligi uning odobining yuksakligidan darak beradi. Chunki qiz bola nafaqat o‘zini, balki oilasi va naslining ham sha’ni va hurmatini himoya qiladi.

Shuningdek, farosatli va odobli bo‘lish Allohning buyruqlaridan biri hisoblanadi.
Qur’oni Karimda aytiladi:

"Mo‘min ayollarga ayting: ko‘zlarini (nomahramga qarashdan) tiyib, iffatlarini saqlasinlar. O‘zlarining (bezak uchun taqadigan) ziynatlaridan ko‘rinib turganidan boshqa narsalarni ko‘rsatmasinlar. Yopinchiqlarini ko‘kraklariga tashlab yursinlar. Ziynatlarini esa faqat o‘z erlariga, yoki otalariga, yoki erlarining otalariga, yoki o‘g‘illariga, yoki erlarining o‘g‘illariga, yoki aka-ukalariga, yoki aka-ukalarning o‘g‘illariga, yoki opa-singillarning o‘g‘illariga, yoki (o‘zlari bilan) birga yashab turgan ayollarga, yoki egaliklaridagi cho‘rilarga, yoki nafslarida ehtiros bo‘lmagan xizmatchilarga, yoki ayollar (hayo joylari)ni bilmaydigan bolalarga ko‘rsatsinlar. Yashirin ziynatlari ma’lum bo‘lib qolishi uchun oyoqlarini (bir-biriga) urmasinlar. Ey mo‘minlar, barchangiz Allohga tavba qilingizlar, shoyad (shu bilan) najot topsangizlar."

(Nur surasi, 31-oyat)

☁️Bu oyat har bir qiz bolani o‘zining e’tiborli va farosatli bo‘lishiga, ziynatini, odobini asrashga chaqiradi. Chunki bu faqat uning o‘ziga emas, oilasiga, butun jamiyatga baraka olib keladi.

Hikmat egalaridan biri shunday degan:

"Ayol — jamiyatning qalbi. Agar qalb toza va odobli bo‘lsa, jamiyat ham shunday bo‘ladi."

☁️Demak, qiz bolaning mas’uliyatli bo‘lishi nafaqat uning hayotini, balki kelajak avlodni ham tarbiyalashga asos bo‘ladi. Shunday ekan, har bir qiz bola o‘z odobi, so‘zlari va hayoti bilan boshqalarga yaxshi namuna bo‘lishi lozim.

Qiz bola yoki ayollarimiz Islom jamiyatida nafaqat islom jamiyati balki aslida fitratan bu ojizalarimiz qanday xulqlarga ega bo'lishi kerak..!?