Qashqadaryo viloyatida tabiiy gazdan noqonuniy foydalanish holatlari boʻyicha tekshiruvlar davom etmoqda

“Hududgaz Qashqadaryo” GTF mutasaddilari gazdan noqonuniy foydalanish holatlarini aniqlash boʻyicha reydlarni davom ettirmoqda. Soʻnggi tekshiruvlar davomida bir qator qoidabuzarliklar fosh etildi.

Qarshi shahrining “Xarmajoʻy” mahallasida yashovchi fuqaro hisoblagich oʻrnatmasdan 15 mln 720 ming soʻmlik tabiiy gazdan oʻgʻrincha foydalanib kelgan. “Shayxali” MYDda esa isteʼmolchi gaz tarmogʻiga oʻzboshimchalik bilan ulanib, 14 mln 41 ming soʻm zarar yetkazgan.

Shaharning “Xudoyzod” mahallasida tarmoqqa rezina shlang orqali noqonuniy ulanib, 16 mln 895 ming soʻmlik tabiiy gazdan foydalangan fuqaro aniqlangan boʻlsa, “Qarshi” MFYda hech qanday ruxsatsiz gazdan foydalangan shaxs 3 mln 637 ming soʻmlik tabiiy gazni noqonuniy sarflagan.

Bundan tashqari, Koson tumanining “Yangiobod” mahallasida istiqomat qiluvchi fuqaro hisoblagichdan oldin yashirin quvur tortib, 3 mln 592 ming soʻmlik gazdan noqonuniy foydalanib kelgani aniqlandi.

Jami 10 ta holatda davlat va jamiyat manfaatlariga 57 million soʻmdan ortiq zarar yetkazilgan.

“Hududgaz Qashqadaryo” GTF fuqarolarni energiya resurslaridan qonuniy va xavfsiz foydalanishga chaqiradi. Noqonuniy ulanishlar nafaqat iqtisodiy zarar keltiradi, balki gaz bilan bogʻliq koʻngilsiz holatlarga olib kelishi mumkin.

✍️ “Hududgaz Qashqadaryo” GTF matbuot xizmati

💬Facebook | 👉Telegram |▶️ YouTube | 📷Instagram | 🌐 hududgaz.uz