* * *
Men yomon odamman, yaqinlashma, yo‘q!
Mendan uzoqroq tur..
Qattiq nazorat!
Nechun sendan yiroq ketganim sayin –
Yaqinlashib borar masofa?..

Ko‘r rassom chizadi suratlarimni
Nega hech ko‘zimni o‘xshatolmas u?
Aqlli telbaman, alamga to‘lsam –
Yuzimni shu zahot bezaydi kulgu.

Shabnamdek turaman nigohlaringda,
Sen bilan sinagan taqdirim meni.
She’rlar bu – qalbimga sen sabab ato
eng latif, Tangrining sarmoyalari.

Men seni o‘zimda olib yuribman,
Sokinlikka singib borar ruhimiz.
Tog‘larning kaftida duodek vojib
So‘zlarga sig‘magan tuyg‘ularimiz.

29.01.2022

© Gulnor