Elmurod Kasimov

اللهم صيبا نافعا

Allohim yomg'irni menga hayrli(nafli) qilgin..

Hammaning ham tunlari sokin emas!

Inson, to'g'rirog'i yigit kishi ulg‘ayarkan, tunlari sokin emas, balki savollar va orzular bilan to‘lib-toshadi. Kechqurun yotoqqa yotganda, hech kim ko‘rmaydigan, hech kim eshitmaydigan umuman boshqa bir ichki dunyo uyg‘onadi.

Yotog‘ingizda yotarkansiz, shiftga termulasiz. Lekin ko‘zlaringiz shiftni emas, kelajagingizni ko‘radi. Orzularingiz ko‘z oldingizdan o‘tadi: ba’zisi yaqin, ba’zisi uzoq. Ba’zisi yuragingizni ilitadi, ba’zisi esa yuragingizni tirnaydi.

Kunduzgi shovqinlar va stresslar unutiladi, va shunda orzular, maqsadlar, pushaymonlar, istaklar…va hokazo hammasi ko‘z oldimizdan o‘ta boshlaydi.

"Qachon erishaman?", "Shu to‘g‘rimi?", "Men uddalay olamanmi?" – degan savollar yurakda aylanadi.
Faqat onangizni birgina sizga termulib "Bolam hammasi yaxshi bo'ladi" degan gapi sizni ovuntiradi.

Chunki odam ulg‘aygani sayin, har bir tun fikrlar va orzu maqsadlar bilan tugaydi, har bir tong esa umid bilan boshlanadi.
Shuning uchun ham, kechki o‘ylaringizni yomonlikka emas – orzularingizga bag‘ishlang. Har tun yangi reja, har tun yangi niyat demakdir.

Bu holat ham insonga kerak. Chunki aynan shunday tunlarda inson qaror qabul qiladi. Ertaga qanday odam bo‘lishni belgilaydi. Orzular yo‘lida kurashishga yana bir bor va’da beradi.

Judayam kulguli bilmadim balki achinarlidir, orzular insonni uxlatmaydi deyishsa ishonmasdim, ushbu post ham shiftga termulgan holda emasu soat tungi 00:07 da yozildi.


Elmurod Qosimov

#kunhikmati

Kitoblaringdan bosh ko‘tarma, kichkintoy!
Dunyo yomon joy...

#kunhikmati

Kimdir daryodadir tomchi nasib etmas,
Kimdirda cho'ldadir, lekin nemat arimas.

Ba'zida shunday vaqtlar bo'ladiki charchab ketasan kishi. Natijalar sen kutganingdek bo'lmaydi. Lekin birgini ota-onaning quvonchi barcha charchoqlaringni yozib yuborishga yetarkan.

Bugun markazimizga yaqinda kelgan bir o'quvchimizni onasi keldi. Farzandi bizda o'qiyotganiga tahminan 1 oy bo'lgandi.

Bundan avval bir nechta markazlarda o'qib natija qila olmagan ekan.

Bizda o'qishni boshlaganidan beri bolani kun tartibida, dars qilishida umuman olganda bolada 1 oyda katta o'zgarish sezganini ko'rib quvonganidan onasini o'zi yana bitta farzandini olib kelibdi.

U farzandini ham o'qitmoqchiligini va bu vazifani faqatgina bizga ishona olishini aytganida ichimda qandaydir faxr tuyg'usi jo'sh urib ketti, xursand bo'ldim albatta.

Shaxsan men onalarni xursandligini ko'rganda ichimdagi barcha qayg'ularim yozilib ketadi. Onani ko'zidagi quvonchi, farzandidan rozilik alomatini ko'rib notog'ri joyda emasligimga yana bir bor amin bo'ldim!

Ramazon!

29-mart...
Ramazonning so'nggi kuni...
Oxirgi sahahrlik...
Oxirgi iftorlik...

Bizga berilgan qanchadir umrdan yana 1 oylik oylar sultoni bo'lgan Ramazon oyini o'tkazyapmiz.

Alloh barchalarimizni keyingi Ramazongacha sog'-salomat holatda yetkazsin In Shaa Alloh amiyn🤲

#tavsiya

Men biror kitobni o'qishdan oldin uning ortida qisqagina (tahlili deymizmi) shu kitob haqida maʼlumot bo'ladi. Shuni o'qiyman agar meni o'ziga jalb qila olsa keyin kitobni o'qishga qaror qilaman.

Kecha qo'limga bir kitob kelib tushdi " Yo'q deya olish sanʼati" ( Kitob uchun Ziyodbek Muxtorovga alohida rahmat)

Ushbu kitobni ham ortidagi informationlarini ko'rib chiqdim, menga juda yoqdi. Shulardan ozginasini sizlarga ulashmoqchiman. Zero sizlarda ham qiziqish uyg'onsa.

"Sizningcha istagan vaqtingizda xoxlagan ovaqtingizni yeyish erkinlikmi?

Xoxlagan payt uxlab, istagan vaqt uyg'onib, yana istagan vaqtda ishlab, ehtiyojingiz uchun zarur mablag'ni topa olishmi?

Sizni aslida Siz qilib turgan chegaralar bir qaraganda ahamiyatsiz ko'ringan mana shunday mayda-chuyda narsalar bilan kurash jarayonida yo'q bo'lib ketadi.

Chunki erkinlik o'ylaganingizdek chegarasiz bo'lish emas, aksincha, aniq va kuchli chegaralarga ega bo'lish bilan bog'liq.

Boshqacha qilib aytganda qanchalik yo'q deya olsangiz shunchalik erkinlik maydoniga ega bo'lasiz."

Kitobdan olgan insidelarimni kitobni o'qish davomida ulashib boraman!


Elmurod Qosimov

Bugun ozgina elsatma o'laroq o'zimdan kelib chiqqan holda tavsiya bermoqchiman!


"Ba’zan odam shunchalik ishga sho'ng'ib ketadiki, asl maqsadini unutib qo'yadi. Har kuni bir xil – erta bilan turasiz, ishga borasiz, kelasiz uxlaysiz, kuningiz shu tarzda takrorlanaveradi.

Tashqaridan qaraganda hammasi joyida, lekin ichingizda nimadir yetishmaydi. Ichingizni o'sha yetishmayotgan narsa tun-u kun tirnayveradi.

Axir, boshida hammasi boshqacha edi-ku. Yuragingizda bir orzu bor edi, maqsadingiz aniq edi. O‘zingizga va’da bergandingiz – “Taslim bo‘lmayman” deb. Lekin vaqt o‘tib, mayda tashvishlar, ishingizdagi muammolar sizni o'z domiga tortib ketadi.

Odam charchaydi.
Lekin eng og‘iri – nimaga harakat qilayotganini unutish. Ya'ni maqsadsiz harakat!

Shuning uchun ba’zan to‘xtab, inson o‘zidan so‘rash kerak:

“Men bu yo‘lga nima uchun chiqdim?”

Asl niyatingizni eslang. Chunki siz hozirgi joyingizni kunlarni shunchaki o‘tkazish uchun emas, orzularingizga, maqsadlaringizga yetishish uchun yo'l sifatida ko'ra olgan edingiz. Shundaymi?

Eng muhimi shuki hech qachon hozirgi muammo va tashvishlar bilan o'ralashib shu joyda qotib qolmaslik. Men shuni tushunib yetdimki, aynan muammolarga o'ralashib qotib qolish asnosida asosiy maqsad unutila boshlaydi.

Muammolaringiz ichida yo'qolib qolmang, o'zingizni toping!


Elmurod Qosimov