Эътибор берганмисиз, Миллер планетасида фонда соат чиқиллайди. Ҳар бир чиқиллаш оралиғи 1.25 секунд. Миллер планетасидаги ҳар бир 1.25 секунд Ердаги 1 кунга тенг, чунки Миллер Гаргантюага жуда яқин, Эйнштейннинг умумий нисбийлик назариясига биноан эса кучли гравитация майдонида вақт секинлашади. Сувли тоғ ёпирилаётганда бастакор Зиммер (Циммер) орган садолари ва хорни қўшиб соат чиқиллашини тезлаштириб юборади. Бу ҳам Купернинг ичидаги ваҳима-хавотирни, ҳам Ердаги вақтнинг нисбийлигини, вақт жуда тез, океан тўлқинидек шиддат билан ўтаётганига ишора қилади.