DAVOMAT

Boshlandi qalbimda tuygʻu majlisi,
Sevgi unda hakam olar davomat:
— Iztirob!
— Shu yerda,
— Armon!
— Shu yerda...
...yana baxt kelmabdi "he oʻsha nomard!"

Sevgi ekan juda badjahl rahbar,
Urar qoʻllarini qalb devoriga.
Hech parvo qilmaydi ogʻriqlariyu,
Ingrab tortayotgan oh-u zoriga.

Sevgi,
Boʻldi qilgin qiynoqlaringni,
Yana menga azob sharobin tutar.
Oʻzi ado bo'lgan bu yuragimni,
Shuncha azoblading bas endi yetar!...

...boshlandi qalbimda tuygʻu majlisi,
Junun sevgi unda olar davomat:
— Qaygʻu!
— Men!
— Orzu!
— Men!
— Alam!
— Shu yerda!
Yana baxt kelmabdi"ha oʻsha nomard!"