❗️
Байрам кунлари ҳам тўғри овқатланишга амал қилиш соғлиқ учун фойдали
📊 Статистик маълумотларга кўра, дунё бўйлаб байрам кунлари аксарият одамларнинг вазни 1,5 дан 3 килограммгача ортади. Ортиқча овқатланиш семизликка, у эса, ўз навбатида, метаболизм секинлашиши, юрак-қон томир касалликларининг ривожланиши ва бошқа салбий оқибатларга олиб келади.
✅
Бу ҳолатларнинг олдини олиш, соғлиққа зарар етказмасдан таомланиш жуда муҳим. Бунда қуйидаги жиҳатларга эътибор қаратган ҳолда назоратни йўқотмасликка эришиш мумкин.📺
Телевизор олдида овқатланмангБританиялик олимлар томонидан ўтказилган тадқиқотлар овқатланаётганда гажетдан фойдаланган ёки телевизор кўраётган одам диққатини фақат таомланишга қаратган инсонга қараганда
20 фоизга кўпроқ таом еб қўйишини исботлаган.🥙
Зерикканингиздан таомланмангМаълумки, ҳиссий ва жисмоний очлик турлари бўлади, уларни фарқлаш муҳим. Шунчаки нимадир егингиз келаяптими ёки ҳақиқатан очмисиз? Буни билиш учун
гастроэнтерологлар бошқа машғулот билан чалғишни маслаҳат беради. 🥘 Агар бу вақтда сиз ҳали ҳам ҳақиқий жисмоний очликни ҳис қилсангиз
(ошқозонингизда енгил оғриқ пайдо бўлиб, қурилласа), организмингиз ҳақиқатан ҳам овқатланишни талаб қилаётган бўлади.
Аммо чалғиш давомида эътиборингиз ўша машғулотга тўлиқ қаратилиб, овқат ҳақида унутсангиз, унда истагингиз янглиш (ҳиссий) бўлади.📌
Байрам дастурхони атрофига ўтиришдан олдин оч қолмангТабиийки, жуда очиққан ҳолда таом тўла дастурхон атрофига ўтирсангиз, истамаган ҳолда кўп ва ортиқча еб қўйиш хавфи юқори бўлади.
Шунинг учун олдиндан енгил ва фойдали маҳсулотни танаввул қилиб олиш яхшироқ.
🖇
Танаффус қилингБиринчи таомни еганингиздан сўнг, ўрнингиздан туринг, бир стакан сув ичиб олинг ва дўстларингиз ёки қариндошларингиз билан суҳбатлашинг. Бу
танаффус тўқлик ҳисси келишига ва ортиқча таом ҳамда ширинликлар еб қўймаслигингиз учун хизмат қилади.
🛌
Етарлича ухлангБританиялик олимларнинг тажрибаси шуни кўрсатдики,
агар инсон 8 соат эмас, балки 5-6 соат ухласа, у кун давомида тахминан 30 фоиз кўпроқ калория истеъмол қилади. Бу гормонал номутаносиблик билан боғлиқ: биринчидан, кам ухлаганда стресс гормони кортизол даражаси ошади
(у қорин бўшлиғида висцерал ёғларнинг тўпланиши учун жавобгардир), иккинчидан, тўйинганлик ва очлик гормонлари
(лептин ва грелин) баланси бузилади.
⏰ Шунинг учун, воқеаларга бой бўлган байрам кунлари ҳам кундалик тартибни сақлашга ҳаракат қилинг ва ухлаш учун камида 8 соат ажратинг. 📉
Байрам кунлари ҳамма ҳам тартибли ва тўғри овқатланиш ҳақида бош қотирмайди. Бироқ, ҳар биримиз бунга онгли муносабатда бўлсак ва таомни мукофот эмас, балки энергия манбаи сифатида қабул қилсак, семириш ва сурункали касалликлардан узоқ бўламиз.Соғлиқни сақлаш вазирлиги
https://t.me/DrJasurbek_blog 🌐
