Do'stlar_uz

РАМАЗОНГА ТАЙЁРГАРЛИК

Вужудимиз Рамазонга тайёрми?

Рамазонга саноқли кунлар қолганида, энг аввало танамизни рўзага тайёрлаш керак бўлади. Бу йил насиб этса Рамазон баҳор ойига тўғри келмоқда. Кунлар узайиб, ҳаво исиши билан иқлим ўзгарадиган паллаларда тўғри келаётган рўза кунларида тўғри ва соғлом овқатланиш, таомланиш вақти ва озуқалар ўзгариши, очлик ҳисси ортиши билан кечади.
Бу ҳолатларга танамизни аввалдан ўргатиб боришга эришсак, муборак Рамазон ойида соғлиқ билан боғлиқ муаммоларсиз ибодатларимизни бажаришга муваффақ бўламиз, иншааллоҳ.
Муборак Рамазон ойига киришдан аввал энг муҳим ҳозирликлардан бири егулик миқдорини камайтиришдир. Албатта, бу борада Шаъбон ойида рўза тутиш энг асосий ёрдамчи бўлади. Бироқ, Шаъбон ойида рўза тутолмаганлар Рамазон учун тайёргарликни овқатланишни камайтиришдан бошлаганлари маъқул.

Дастурхонга фойдали ва тўйимли озуқалар, мева-сабзавот, сут маҳсулотлари ва дуккакли маҳсулотлар тортамиз. Бу егуликларга Рамазондан аввал вужудни кўниктириш, рўза кунларида ошқозон-ичак тизими билан боғлиқ муаммолардан узоқ бўлишни кафолатлайди. Бугундан бошлаб енгил салатлар, қайнатилган ёки буғда пиширилган сабзавотларни тановул қилишни бошласак, Рамазонда бу егуликларни истеъмол қилишга танамиз кўникма ҳосил қилган бўлади.
Ёғли, шўр, дудланган маҳсулотларни оддий кунларда ҳазм қилиш қийин бўлгани учун Рамазонда бемалол хавфли егуликлар гуруҳига қўшишимиз мумкин. Бу егуликлар ортиқча вазн билан боғлиқ муаммоларни келтириб чиқиш хавфи юқори бўлгани учун ҳам Рамазон ойида улардан кескин тийилган маъқул. Мол ва қўй гўшти, товуқ, балиқ маҳсулотларини печда тоблаб ёки қайнатилган ҳолда истеъмол қилиш фойдали. Аввало, тановул қилаётган егуликлар саломатлигимиз, ибодатлар учун куч-қувват бўлишини ҳисобга олиш керак. Узоқ очликдан кейин ширинликлар истеъмол қилиш қонда шакар миқдорини ошириш билан бирга, саломатликка жиддий хавф туғдириши мумкин. Шунинг учун ҳозирдан ширинликлар истеъмол қилишда меъёрдан ошмаслик, имкони бўлса шакар ва шакар маҳсулотларини қуруқ мевалар, шакарсиз қоқи қайнатмалари, тоза мева ва сабзавот шарбатлари (уй шароитида тайёрланган) ҳамда асал билан алмаштирган мақсадга мувофиқ.
Рамазондан аввал, Рамазонда ва ундан кейин истеъмол қилишдан тийилиш керак бўлган газли ичимликлар, тайёр мева шарбатлари ва юқори калорияли ширин сувлардан парҳез қилишнинг ҳозир айни вақти. Турли дамламалар, гиёҳли, доривор ўтлар қайнатмаларини ичиш билан ҳам кундалик қабул қилинадиган суюқликлар билан ортиқча вазндан қутулиш, ҳам Рамазондан аввал вужуддаги ортиқча токсинлардан халос бўлиш мумкин.

Айни кунларда Рамазон ойига тайёргарлик кўришнинг вақти. Кеч қолманг ва шайтонлар кишанланиб, бандалар руҳан покланадиган ойга аввал танангизни поклаб киришсангиз, хотиржам, ҳаловатли ибодатга мушарраф бўласиз.
Аллоҳ барчамизни Рамазонга соғ-саломат, хотиржам ва ҳамжиҳатликда етказсин!

Ассаламу алайкум.

Али ибн Абу Толиб розияллоҳуанху Қабристонга кириб дедилар.
Уйларингизга келсак, уларда ўзагалар яшашяапди. Пул, молу мулкингизга келсак, улар тақсим қилинди. Жуфтларингиз бўлса, улар ўзга билан никохланишди, дедида.
Бу бизда бўлган нарсанинг хабари, сизларда нима хабар бор, дедилар.
Сўнг нафсим Қўлидан бўлган Аллоҳга қасамки. Агар уларга сўзлашка рухсат берилса, улар: "Албатта энг яхши озуқа тақводир". Дейишган бўларди. Дедилар.
Шарх:
Алий Розияллоҳу анҳу ажиб насихат айтибдилар.
Дарҳақиқат, биз меҳру мажолимизни умримизни сарфлаб қурган уйларимизда, биз ўтгач ўзгалар яшашади. Агар Фарзанларимизга насиб қилса улар яшашсада. Уларга қулай шароитлик уй қолдиришга уринганимизчалик. Ўзимиз бориб ётадиган қабрни обод қилишга уринамизми?

Топган дунёйимиз, Аллоҳни тақсимотида бўлиниб кетади. Мерос олганлар у пулни қандай тасарруф қилиши номаълум.

Жуфтларимиз ҳам инсонийлик жиҳатдан, жойи тенги топилса бошқа турмуш қилади..

Шуларни эслатар экан Алий Розияллоҳу анҳу:
Аллоҳ таъалонинг Бақара сурасидаги. Албатта энг яхши озуқа тақводир. Деганини эслатди.
Нега уй, молу мулк, жуфтларни хабаридан сўнг. Тақвони эслатди.
Чунки инсон хаёти даврида энг кўп тақводан тўсадиган уч амални эслатди. Ўзгадан кам бўлмасин учун. Халол харомлигига қарамай уй солиш, тамирлаш бор. Шу уйни бола чақам учун деган даъво бор. Ва инсон бола чақам деб топиши мобайнида Тақвони унутиб турли ишларни қилиши бор.
Жуфтларини талаблари, сабаб ҳам тақво унутилиши бор.
Гўё инсон қурган уйида қиёматка қадар ўз зурриётларим яшайди деган умид қилади. Афсуски кўп ҳолларда ундай бўлавермайди.
Болаларимга кўп пул бойлик қолдирсам. Улар яхши яшаса дейди. Аммо болаларни қадарида бойлик бўлмаса. Бир харакатда отадан қолган бойликдан ҳичнарса қолмайди.
Жуфтимга ёқсам. Дейдию шу ҳаракти билан Роббисига ёқадими йўқми ўйламайди.


Аллоҳ таъало бизларни тақвога буркасин.
Жума айёмингиз муборак бўлсин.

Фазлиддин қори Андижоний.