#kuz
Yeldek uchib ketdi bir soniya ichida. Kechagina yoz edi. Tugadi. Kuz keldi. Mana endi u ham ketish arafasida. Bu yil kuz faslining tarovatini unchalik his etmadim. Yomg'ir kam yog'ganigadir..? Yoki ob-havoning aqlsizlarcha almashinishidan? Boshqa fasldagi iqlimiy o'zgarishlarni aynan kuz faslida ko'rishni istamaganimdan, ammo ko'rganim uchundir? Vaqt oqib ketmoqda. Juda tez. Uni ushlab turishning imkoni yo'q. Umr esa chegaralangan. Odamzod hali qanchadan-qancha ishlarini qilishga ulgurishi kerak. Qo'limda bo'lganida, vaqtni to'xtatib qo'ygan bo'lar edim. Ammo bu-imkonsiz. Qo'limdan faqat vaqtni sovurish keladi xolos.
Kuz faslida nimani rejalashtirdim-u, qaysisi amalga oshdi, buni ham bilmayman. Bunchalik darajada bee'tibor bo'lishga qanday yetib keldim, buni ham anglolmayapman. Shunchaki, g'alaba va mag'lubiyat(Men hech qachon mag'lub bo'lmaganman), baxt va baxtsizlik, depressiya va quvonch bularga butun e'tiborimni qaratishni istamayman. Barchasi o'tmish va sizga 2 daqiqalik motivatsiya berishdan o'zgasiga yaramaydi xolos. Men faqat Daniel Tammet qatoridagi odamlar safiga tushib qolishni istayman. Faqatgina shu. Boshqa hech narsa. Kuzning oxirgi kuni bilan🤍💛🧡
Siz kuz faslida nimalarni kutgan edingiz va nimalarga erishdingiz?
@Dilpazir_1
