Чинобод Жаноза

УЯТ БЎЛАДИ..

Жаннатга киришлик осон, жаннатга киришлик жуда қийин. Осонлиги, биргина Аллоҳ учун қилинган арзимас солиҳ амал ҳам жаннатга олиб киради. Қийинлиги, ўн марталаб умра қилсангиз ҳам қабул бўлмаслиги мумкин. Жаннат етимнинг бошини силашда, ҳастани кўнглини олишда, бошига мушкул тушганни ҳожатини чиқаришда.
Хар бир неъматни қадрини билинг. Саккиз марталаб умрага бориш бу жаннат нақд дегани эмас. Риё ва ҳўжакўрсинлик, обрў талаблик учун қилинган умрада яхшилик йўқ. Агар сиз жаннат умидида бўлсангиз ночор қўшнингизга ўша пулни берардингиз. Ижтимоий кўмакка муҳтож, ногиронлиги бор қўшнингиз ҳолига ярардингиз. Маҳаллангизда шунча муҳтож туриб еттинчи бора умра қилгани уялар эдингиз. "Пайғамбар алайҳис саломни соғинамиз" дерсиз. Билинг, бир етимга берсангиз Расулуллоҳнинг зиёратига борганингиздан-да кўпроқ сиздан ҳурсанд бўлардилар. Бир ҳастани дорисига, жарроҳлик амалиётига Аллоҳ учун берсангиз, Пайғамбар алайҳис салом сиздан зиёратига борганингиздан кўпроқ ҳурсанд бўлардилар. Йўқ, бизга обрў керак, мартаба керак. Жаннат бир гап бўлар.

Яна бир гап: Бешинчи бора умрага кетяпсизми, сиздан илтимос телефонигизни қолдириб кетинг. Мадина, Байтуллоҳ селфи майдони эмас-ку, уялинг энди. Зиёратингизга озгина риё аралашса ўша маблағ ҳам исроф. Бас энди, бир бора Аллоҳ учун умра қилинг! Борганда ҳадеб овқатдан шикоят қилиб, "Мадинани овқати ёқмади менга", деб ҳаргиз бундай сўз қила кўрманг. У жойлар инжиқлик жойи эмас, рўза тутинг. Иссиқда қийналиб қон босимингиз ошиб ўлиб қолишдан қўрқманг, у муборак жойларда омонатни топшириш хар кимга эмас. Қани эди рўзадор ҳолингизда равзада намоз ўқиётиб саждада жон топширсангиз, ахир бу олий соадатку. Бу ифлос нафсни қийнанг, эгилсин, ҳақни танисин, қийналсин. Тунлари ётоққа кириб мазза қилиб уҳлаб бомдодга чиқолмаганингизни гапириб юрманг, айб бўлади, УЯТ БЎЛАДИ! Таҳажжудга чиқмаганингизни билдирманг, УЯТ БЎЛАДИ! Мадинага борганда одобли бўлинг, зиёратчиларга қўполлик қилманг! Меҳмонхонада мириқиб уҳламанг, Расулуллоҳни соғиниб борган одамга юмшоқ ўринда мазза қилиб ётишлик УЯТ БЎЛАДИ. Қизил денгизга бориб вақтингизни зое қилманг, келганда денгизда мазза қилиб сайр қилганингизни гапириб ўтирманг, сиз ўйнагани эмас, зиёратга боргансиз, УЯТ БЎЛАДИ. Мадинада вақтингиз чекланган, дўкон айланиб умрни зое қилманг, намозга азон айтяпти, хотиржам бозор айланиб юрган юртдошларимиз - УЯТ БЎЛАДИ! Пайғамбар алайҳис саломнинг масжидидан чиқмайди У Зотни соғиниб борган одам. Саккиз соатлаб оёғини чўзиб уҳламайди, Мадинани соғиниб борган одам, УЯТ БЎЛАДИ!
Суннат умрага беш марталаб боришда эмас, суннат инсонларга меҳр бериш, кўнгли ярим ижтимоий кўмакка муҳтож кишиларни ҳурсанд қилишдадир!
Сиз умрадан келиб қўй сўйиб зиёфатлар берасиз, лекин, қўшнингиз оч ётиб, қорни оч тонг оттирди. Сизни Пайғамбар алайҳис саломга муҳаббатингиз ёлғон. Соғиниб боряпмиз деманг, УЯТ БЎЛАДИ!

Жаннатга киришлик жуда осон, жаннатга киришлик жуда қийин.

✅ Албатта яқинларингизга ҳам юборинг
┉┅━❀🍃💐🍃❀━┅┉
   @MEHR_CHINOBOD
    @MEHRCHINOBOD
@CHINOBOD_JANOZA

#Ҳаёт ҳақиқатлари...

Вафот этган инсонни барча сизлаб, ҳурмат билан тилга олади. "Ундай қилардилар, бундай кулардилар" дейилади. Аммо ўша инсон тириклигида шунчалик ҳурмат қилинмайди.

Маййитни қабрга қўяётганда, "Бошларини эҳтиёт қилинглар, оёқларини қаттиқ тортманглар" дейилади. Аммо ўша инсон тириклигида унга зулмлар қилинган бўлади.

Аёл кишини қабрга қўйиш чоғида, "Тобутлари устидаги ёпинчиқни яна ҳам пастроқ ушлаб туринглар, устларини ёпиб туринглар, номаҳрамлар ўтириб олаверсин. Маҳрамлари қолинглар" дейилади. Аммо ўша аёлнинг ҳаётлик чоғида маҳрамлари у кишини шунчалик эҳтиёт қилиб, номаҳрамлардан яширишмайди.

Қабристон зиёратига борганда, қабрларни босиб юбормасликка, ўликларга озор бермасликка, қабристондаги ўсимликларни юлмасликка қаттиқ эътибор берилади. Аммо тирик юрганларга зулм қилинади, ҳақорат этилиб, хўрланади.

Вафот этган хонадондаги аёллар ва эркакларнинг либоси Шариат кўрсатмасига мувофиқ ҳамма жойни тўсиб турадиган, қалин матодан тикилган бўлади. Агар аёл киши келаётган бўлса, эркаклар юзларини тескари ўгириб, бир томонга ўтиб туришади. Қолаверса, ўша ҳовлида аёллар ўтирган тараф мато билан тўсиб қўйилади. Эркаклар билан аралаш холда ўтириш ҳам, бақир-чақир, сўкиниш ҳам бўлмайди.

Ишхонадагиларга, кўчадагиларга хушмуомала бўлиб, кўпинча уйга келганда оила аъзоларга қовоқ уйиб, бақириб, қўпол гапирилади.

Кўчада бирор танишни учратиб қолинса, шошиб турган бўлинса ҳам "Уйга ўтинг, чой тайёр эди" дейилади. Бу гап кўпинча носамимий тарзда, одат бўлиб қолгани учун айтилади.

Уйда баъзан онамиз билан гаплашаётганимизда, "Сиз ундай дедингиз, бундай қилмаслигингиз керак эди" каби қўпол, кесатиқли, маломат оҳангида гапирамиз. Ўша аёл биз чақалоқлигимизда, йўргакда ётиб, ўзимиз еёлмайдиган, туролмайдиган, ҳожатга боролмай, йўргагимизга иш бажариб қўйганимизда, сут берган, жирканмасдан тагимизни тозалаган, ярим кечаси йиғлаб қолсак, ўрнидан туриб бизга қарашга эринмаган онаизоримиз эканини унутиб қўямиз.

Баъзилар эса она деганда оппоқ кўйлак ва рўмолдаги, нуроний аёлни кўз олдига келтиришар экан.

Дўстим, сизни туққан, боққан, энг яхши таом, ичимлик ва либосни сизга илинган, хали ҳам ишдан кеч келсангиз, ухламай, хавотирда кутиб ўтирадиган аёл онангиз эканини, у инсонга оғайниларингизга қиладиган қўпол муомалани қилиб бўлмаслигини, у сизнинг ширин сўзингизга, хушмуомалангизга муштоқ эканларини унутманг!


✅ Албатта яқинларингизга ҳам юборинг
┉┅━❀🍃💐🍃❀━┅┉
   @MEHR_CHINOBOD
    @MEHRCHINOBOD
@CHINOBOD_JANOZA