"TIQXMMI" MTU Buxoro tabiiy resurslarni boshqarish instituti

Hurmatli professor-o‘qituvchilar va aziz talabalar!

Sizlarni kirib kelayotgan Yangi 2025-yil bilan chin dildan muborakbod etaman!

O‘tgan yil mobaynida institutimiz jamoasi ulkan yutuqlarga erishdi. Ayniqsa, ilmiy ishlardagi sa’y-harakatlarimiz natijasi sifatida Prezidentimiz tomonidan 2 million dollarlik mablag‘ ajratilgani bizning mashaqqatli mehnatimizning yuksak e’tirofi bo‘ldi. Bu mablag‘ institutimiz rivoji va kelajak rejalari uchun mustahkam poydevor bo‘lib xizmat qiladi.

Ta’lim, ilmiy-tadqiqot va innovatsion ishlarda qo‘lga kiritilgan yutuqlar – barchamizning fidoyiligimiz va birligimiz samarasi ekanligini alohida ta’kidlamoqchiman. Institutimiz rivoji yo‘lida qo‘shgan hissangiz har doim e’tirofga loyiqdir.

Yangi yil hammamiz uchun yangi marralarni zabt etish va yanada ulkan muvaffaqiyatlarga erishish davri bo‘lsin. Talabalarimizning kelajakda yurtimizni yuksaltiruvchi, bilimli va ma’naviyatli avlod sifatida shakllanishlariga to‘liq ishonaman. Professor-o‘qituvchilarimizga esa yoshlarga ilm yo‘lini ko‘rsatishda bardavom zafarlar, kuch-quvvat va sog‘lik tilayman.

Yangi yil har biringizga sog‘lik-salomatlik, baxt, tinchlik va farovonlik olib kelsin. Oilalaringizda har doim xotirjamlik va baxt saodat hukm sursin.

Institutimizni yanada ulug‘vor cho‘qqilarga olib chiqish yo‘lidagi sa’y-harakatlarimiz bardavom bo‘lsin!

Bayramingiz muborak bo‘lsin!

Hurmat bilan,
Sh.J. Imomov
Buxoro tabiiy resurslarni boshqarish instituti rektori

#abituriyent2025
#fanlarmajmuasi

⚡️2025/2026-o‘quv yili uchun bakalavriat ta’lim yo‘nalishlari va ularga mos test sinovi (kasbiy (ijodiy) imtihon) topshiriladigan fanlar majmuasi tasdiqlandi

Eslatma: 2025/2026-o‘quv yili qabul parametrlari tasdiqlanganda yangi tashkil etilgan ta’lim yo‘nalishlari uchun fan majmualari qo‘shimcha tasdiqlanadi. Shuningdek, taʼlim yoʻnalishlarini optimallashtirish natijasiga koʻra yoʻnalishlar nomi oʻzgarganda yoki yangi yoʻnalishlar tashkil etilganda mos ravishda tegishli oʻzgartirishlar kiritilishi mumkin.

👉 Yuklab olish
___

⚡️Утверждён комплекс предметов для приема в бакалавриат высших образовательных учреждений и соответствующих тестов (профессиональный (творческий) экзамен) на 2025/2026 учебный год

Напоминание: При утверждении параметров приема на 2025/2026 учебный год будут дополнительно утверждены комплексы предметов вновь создаваемых образовательных направлений. Также при изменении названия курсов в результате оптимизации образовательных курсов или при создании новых курсов могут быть внесены соответствующие изменения.

👉 Скачать

Bizni kuzating

Facebook | Instagram | YouTube | Telegram