Ҳукумат кўп квартирали уй-жойлардаги янги турар ва нотурар жойларни қурилиш ташкилотларидан тўловни тижорат банки орқали амалга ошириб сотиб олган фуқароларга тўланган қўшилган қиймат солиғи (ҚҚС) суммасининг бир қисмини «кэшбек» сифатида қайтариш масаласини ўйлаб кўрмоқда. Бу борада 2025 йилнинг 1 апрелига қадар таклиф ишлаб чиқиб, Президент администрациясига киритиш кўзда тутилган.

Расмий даромадга эга бўлмаган фуқароларга ипотека кредитини ажратиш мақсадида электр энергияси, табиий газ, совуқ сув, иссиқ сув ва маиший чиқиндилар бўйича амалга оширилган тўловлар, йўл қоидасини бузгани учун тўланган жарима ҳамда алимент тўловларини ҳам скорингда ҳисобга олиш кўзда тутилмоқда. Бунинг учун тегишли маълумотлар базаларини 2025 йил 1 июлига қадар интеграция қилиш белгиланган.

@bekobodhayoti_24