Baxtishod | Kitobsevar

Koʻzni sugʻorish!

( Erkaklar va boʻydoq yigitlar orasidagi oʻzaro gap boʻlib, ayol qizlarga qarash yoxud koʻcha-koʻyda oʻtib ketadigan qizlarni butun tanasini mazza qilib tomosha qilishga aytiladigan gap )

Shunday ayollar borki, ular oʻz tanasini koʻrsatib, masalan, yelkalarini, oyoqlarini koʻrsatib kiyinadi va bazisi esa shunday tor yoxud ichi koʻrinadigan kiyim kiyib, koʻchada shirin hid bilan yuradilarki, bundan mana man degan yigitlar sarxush boʻladi...

Keyinchi?! Keyin ularning shahvati qo'zib, qoʻlidan hech narsa kelmasa ham majbur "koʻzni sugʻorish kerak", deb bir-biriga hazillashib ketaveradilar... Oʻylamang, hamma-hamma joyigacha qaraydi, boʻldi deb, ayollarni ayniqsa yopiq joylarini hayolida tasavvur qilishadi, qanday ekan deb...

Ayman Yog'iy janoblari aytganidek: "Agarda ayollar erkaklar ularga qanday koʻz bilan qarashini bilganlarida edi, ular ustlariga temir kiyim yurgan boʻlar edi".

Ha, bu mening bir eslatmam xolos. Hurmatli, Aziz opalarim va singillarim, yoz fasli ham kirib keldi va qalin kiyimlar yechilib, yengil kiyimlarga oʻtilmoqda. Ha aytgancha, albatta, har bir tanlov oʻzizni xohishingiz va buning uchun oʻzingiz Alloh taoloni oldida javobgarsiz... Ammo biz eslatuvchimiz xolos va meni sizlarga ozgina tavsiyam ham bor:

Albatta, hijoblaning. Sizni butun tanangiz yopilgan boʻlishi kerak (yuz, qoʻllar kaftidan boshqa), sochizni koʻrsatmang, albatta, muslima qizlar meni nima demoqchi boʻlganimni tushundilar.

Agarda siz hali roʻmolda boʻlmasangiz va qalbingizda Alloh uchun ozgina amal qilaman degan niyatingiz boʻlsa siz shunday qilingki, roʻmolga kira olmay turgan holatingizda bu narsalarga amal qilishga harakat qiling.

Bular: Boshizni yengil boʻlsa ham roʻmol bilan yoping, yengli va keng koʻylak (ishton) kiying bu oʻzizga ham yaxshi ); Koʻchaga chiqsangiz, maktabga, oʻqish, vahokazolarga chiqsangiz - oʻta hidi oʻtkir atir sepmang, yaxshisi mushkambar surting, shu kifoya. Yoʻq desangiz, atirni shunchaki kam seping)

Yoki qoʻlga (qo'ltiqga) suriladigan kremdan surtsangiz ham hidlarni bildirmaydi. Ya'ni* yoz issiq demoqchiman, shunga hech narsani yashirmay yozyapman. Chunki, insonmiz, hammada ham boʻladi bu holat.

"Xoʻp, keyinchi, bunday qilishim nega kerak?", desangiz bu narsalar sizni koʻcha-koʻyda erkaklar eʼtiborini tortmasligingizga sabab boʻladi. Shirin ifor eʼtiborni tortadi, bu esa yaxshi emas.

Ha, aytgancha, gaplarim oʻzini muslima qiz ayolman, "Men erkaklar menga zino koʻzi bilan qarashini istamayman", deydigan opalar, singillar uchun. Boshqa fikrdagilar meni sizga aytadigan gapim: Assalomu alaykum, boshqa gapim yoʻq.

"Men oʻzimga toʻgʻriman, men boshqalar qarashi uchun kiyinmayman", desangiz ham foydasi yoʻq. Chunki, erkaklar sizni oʻzizga qarashingizga tupurib qoʻygan, baribir oʻsha koʻzlari siz tomonga qarayveradi.

Natijada esa siz koʻcha-koʻydagi yigitlarning koʻz zinosini qilishiga sababchi boʻp qolasiz...

Alloh taoloning Oʻzi asl taqvoni nasib qilsin, Oʻzi isloh qilsin, Amiyn 🤲

Bismillahir rohmanir rohiym

- Bugun #iymonlashamiz postiga nima yozishni bilmay, oʻzimdanam koʻnglim toʻlmay turgandi. Bir akamiz yuqoridagi postda ESLATMA qoldiribdilar.

Juda ochiq, nafsga yoqmaydigan gaplari boʻlsayam, chin koʻngildan yozilgani bilinib turibdi. Shunga, biroz tahrirlab, deyarli hech qaysi gaplarini olib tashlamaslikka harakat qildim:

Bismillahir rohmanir rohiym

* Kecha April oyi sarhisobini qilmabmiz-e, aytmaysizlaram 😁

⚡️Boshladik:

➡️ Bularni toʻliq tugatibman:

1. Oʻlimdan keyingi hayot
2. Alloh sevgisi
3. Kambagʻalllar
4. Savol ortidagi savol
5. Anomaliya

➡️ "Qoʻrqma", "Dorul Arqam", "Zuhd va hayo", "Oshiqlar naylasin" kitoblarini oʻtgan oylarda boshlab, April oyida tugatdim.

➡️ "Iymon asiri", "Javdorzordagi haloskor"ni toʻliq oʻqimay, mutolaasini toʻxtatdim. (Sababiga qiziqib koʻring, yomon kitoblar emas.)

"Hilol e-book"dan "Xislatli hikmatlar sharhi", "Solihlar suhbati" kitoblari mutolaasi ham davom etyapti (Elektron kitoblarni doimiy (har kuni) oʻqimayabman)

Faqat April oyini oʻzida oʻqib tugatganlarimga link qoʻydim, qolganlarini #kitob_tavsiyasi heshtegidan topsangiz boʻladi.

Bu natijaga erishtirgan Oʻziga hamd boʻlsin 🕊

* Sizlardan ham April oyi sarhisobini kutaman, bir "maqtanish time" qilaylik 😁

#sarhisob

Bismillahir rohmanir rohiym

Bookblogerlik haqida biroz!

Bookblogerlar his qiladiganlarini oz boʻlsayam his qilganim holimda, buniyam qiyinchilik tomonlari borligini bildim shu desangizlar. (Kanal nomini oʻzgartirishimdan oldinam ba'zilarini aytmoqchi edim.)

Kitobni bemalol oʻqiy olmaslik. Maktabda she'rlarni oʻqituvchimizga aytib berish uchun yodlaganimizdek, kitoblarni boshqalarga umumiy ma'nosini aytib berish uchun ham oʻqib chiqganmisiz hech?!

Ha, boʻlsa tabriklayman. Siz oldingilaridan koʻra kitobni yaxshiroq tushunib oʻqigansiz, lekin, mazza qilib, tushunmagan yerlaringizni, falsafiy qismlarini tashlab ketib oʻqiy olmagansiz. Chunki, kitobning u yerlari muhim va boshqalarga aytib berishingizga arzishi mumkin edi. Bu esa biroz bosim beradi, lekin kitobni bu tarzda (boshqalarga aytib berish uchunam) oʻqish ancha foydali.

Nutqdagi kamchiliklar. Muhiddin aka bu haqida aytganlarida hayron boʻlgandim, keyin bilsam, bu oʻzimdayam bor ekan.

Kitoblardan koʻplab voqea-hodisalarni oʻqib boraverganingiz sari - oddiy ijtimoiy muammolarga yo fikr bildirgingiz kelmay qolarkan yoki oʻsha vaziyatga turli tomonlardan qaraganingizda fikrlar koʻp kelganligi uchun birontasini aytgingiz kelmay, aytgandayam chalkashtirib aytib yuborarkansiz. Har doim ham bunday boʻlmaydi, albatta.

Hozirda shu ikkalasini bilaman xolos. Agar bu "muammo"lardan qoʻrqmasangiz, bemalol "bookbloger"likka qadam qoʻyaverishingizni maslahat bergan boʻlardim. Chunki, qancha erta boshlasangiz - shunchalik foydali boʻlishi mumkin.

Bugun "bookbloger"likning asosan "-"lari haqida gapirib oʻtdim, bu nomga loyiq boʻlaversam, "+"lari haqidayam gapirib berarman, nasib.

#yozamiz

Bismillahir rohmanir rohiym

Shaharda nima gaplar?

- Asosan Qarshi, bu yerning savdodagi ma'lum insonlari haqida gapirmoqchiman.

40+ ortiq telefon ta'mirlash ustaxonalari shahar markazining asosiy qismida yaxlit qilib qurilgan. Sezganingizdek, bu yer Qashqadaryoni, asosan, telefon masalasini hal qilib beradi.

"Bahor"da biror uskunangizni sozlatmoqchi boʻlsangiz, kamida 20-30 ming sarflashingizga toʻgʻri keladi. Negaki, u yerdagi ustalarning ba'zilariga 1-boʻlib oʻzingiz ogʻiz ochmaguningizgacha sizga gapirishmaydi. Unga ishingiz tushib borgan siz - uning "professionalligi" uchun, aytgan qimmatroq narxiga koʻnishgayam majbur boʻlasiz (telefon yo boshqasi azizda chunki)

Sizdek mijozlardan 1 kunda 8-10 tasiga xizmat koʻrsatishsa "plan"larini toʻldirsalar kerak, balki.

Bu bir misol xolos. Boshqa koʻpchilik xizmatlardayam sizga qimmat narx evaziga xizmat koʻrsatishadi yoki buni "shilish" deb atasayam boʻlar, balki.

Qarshiga kelganimga koʻp boʻlmagan, odamlarining bu harakatiniyam yaxshi tushunmasam kerak. Shu sababdan bu turdagi insonlarni insofsizga, qilayotgan ishlarini haromga chiqarmoqchi emasman. Hattoki, ularni yaxshiroq tanimayman ham. Shu sababli, bu vaziyat haqidagi ma'lumotlar bilan cheklanmoqchiman, xolos.

Siz ham qiyin yoki oson vaziyatlarda ulardek yoʻl tutarmidingiz?

Shunday hikoyachalardan yozib tursam nima deysiz?

#yozamiz

Bismillahir rohmanir rohiym

OʻZGARISHLAR QALAY?

- 100 lab rasmlar orasidan 1000 narsani oʻylab, shuni tanladim.

🙎‍♂Rasm - ismim oldiga "kitobsevar" deb yozgan boʻlsamda, oʻgʻil bolaligimni bildirib ham turadi (ba'zilar ismimdan qiz bola deb oʻylashadi).

🟩 Yashillik - yoʻqolib borayotgani uchun.

👨‍🦯‍➡️ Keksalik va faqirlik - Shu hollarida oʻqiyaptilar.

📋 "Kitobsevar" deb emas, "Bookblog" yozsammi dedim-u, bilasiz, subyektiv fikrlardan ham koʻp yozib turaman.

* Yana biron oʻzgarish kerakmi, kamchiliklar?

Bismillahir rohmanir rohiym

📚 Oshiqlar naylasin?!

- Ishq mavzusida yozishda turklardan oʻtib ketish juda qiyin boʻlsa kerak. Shuningdek, ham sevgini, ham donishmandlikni oʻzida aks etgan koʻplab hikoya, rivoyatlarda ham turklarning qalami oʻtkir deb oʻylayman.

Negaki, kuchli badiiy adabiyotlarga qiyo boqib qaramaydiganlarimizning ba'zilarimiz (yoki aksariyatimiz) "Men" asarini tinmay tanqidlar ostida qoldirgan boʻlsak ham ne ajab. Chunki, "Men" asari ham asosan qissa, hikoya koʻrinishida yozilgan boʻlib, sodda koʻrinsada, oʻzida murakkab, qiymatli mavzularni qamrab olgandi. Lekin "Kimgadir yoqar lola, kim atirgul shaydosi".

"Oshiqlar naylasin"ga qaytadigan boʻlsak, kitobimni oʻzimdan oldin 2 kishi oʻqigan edi. Taasurotlarini soʻraganimda 1-lari oddiygina "zoʻr kitob ekan", deb qoʻygan boʻlsalar, 2-lari "Qayta-qayta oʻqidim, taasurotlarimni aytib berishim judayam qiyin", deb alohida his-hayajon bilan aytib bergandilar.

Ha, bu kitobdan qayta-qayta oʻqigandayam nafaqat ta'sirlantiradigan, balki ibrat olishimizga ham sabab boʻladigan hikoyalar oʻrin olgan.

"Oshiqlik"ka qiziqmaydiganlarga, turk adabiyotini qattiq qoralaydiganlarga ham bu kitobni oʻqib chiqishlarini maslahat bergan boʻlardim. Balki, fikrlari ancha oʻzgarar.

* Kitobni @mybook_savdo adminlari 28.04.25 sanasiga koʻra, chegirmada 13-15000 soʻmga topib bera olishsa kerak.

📚 Yoqimli mutolaa 🕊️

#kitob_tavsiyasi

Bismillahir rohmanir rohiym

📚 Iymon asiri!

- Filologlar oʻzlarini qay darajada soʻz boyligiga ega ekanliklarini bilishlari uchunam bu kitobni oʻqishlari kerak deb oʻyladim.

Kitobni oʻqirkanman, soʻz boyligim kamligi sababli she'rlarni yaxshi tushunolmaganim uchun oʻqishni toʻxtatsammi dedim; yoʻq, buni shu kunlarda oʻqib chiqishim kerak dedim; 70-betlarga borib oʻqishni baribir toʻxtatdim va ora-orasidan oʻqib chiqdim. (Buni tavsiya qilmagan boʻlardim, albatta)

Quvonarli tomoni, she'rlarga ma'nolar chuqur joylashtirilgani, biron she'riy uslubga qattiq bogʻlanib qolinmagani kabi sabablar tufayli Rauf Parfi oʻzbek she'riyatini yangi bosqichga olib chiqolgan.

Shu sababli she'riyatni yaxshiroq tushunishni boshlaganimdan soʻng Rauf Parfining kitoblaridan yana oʻqimoqchiman, nasib.

Kitobni toʻliq oʻqimay esa,

Nechun iymonini sotib yashaydir?
Nechun qulligidan bexabar har qul?
Nechun zulm yashar, zulm oshaydir?!
Haqsiz olomonning tirikligi shul.

Maqtov kimga yoqmas, ko'ngling to'ldirar,
Maqtov - shirin og'u, shirin oʻldirar.

Hech kimga inonmadim yorug' dunyoda,
Inonmadim otamga, onamga inonmadim.
Bolamga inonmadim, men sho'rlik.
Boshqasini tilga olmadim hatto.

Qattiq sevdim O'zimni -
Yashadim men uning
Oʻlimin kutib
Mozorida bir to'yib yig'lamoq uchun.

Kabi she'rlardan quruq qolgan boʻlsam ham, hech ajab emas.

#kitob_tavsiyasi

Bismillahir rohmanir rohiym

- Bu oy 1-marta oylik oʻqigan kitoblarim sarhisobini qilarkanman, nasib. Chunki bir necha kitoblar oʻqiy oldim, shukr.

Siz ham oʻshanda roʻyxat qilib, komentga yuborsangiz, xursand boʻlaman 🕊

Bismillahir rohmanir rohiym

Ixtisoslashtirilgan maktab | Qarshi!

- Bugun shu yerga bordim. Bu maktabga asosan 4-sinf bitiruvchilari va talabga qarab, boshqa sinflarniyam imtihon asosida qabul qilishar ekan.

Bugun, ochiq eshiklar kunida meni bir oʻquvchi maktab sharoitlari bilan tanishtirayotgan edi, keyin ancha oldin bizda (oʻquv markazimizda) oʻqigan bir bola meni tanib qolganiga, tanishishni u bilan davom ettirdik.

Aytishicha, u oʻsha paytlari (yoz oylari) bekor qolmay deb, bizga kelib yurgan ekan. Maktabga ham 1-yil, 1-lar qatorida qabul qilingan ekan 🔥

U oʻzining, maktabi oʻquvchilarining qadriyatlari oʻzgachaligi haqida, dushanba-juma bepul yotoqxona, bepul ovqatlar bilan bir qatorda ta'lim olishlari, sinflarida koʻplab sertifikat (CEFR, IELTS, Xalqaro sertifikatlar, ...) sohib(a)lari borligi haqida aytib berdi.

Ayni paytdagi vazifasi oʻzgalarni maktab muhiti bilan tanishtirib, ularni maktabga jalb qilishi boʻlganligi uchun "Kosondan negadir bolalar kam kelishadi", deb gap orasida qistirib ham oʻtdi. Chunki uyam, menam Koson (tumani)danmiz.

Men ham qolishmadim, "Oʻquvchilarimga bu sharoitlarni koʻrsatishim kerak, yaxshi yerlarini rasmga olsam boʻladi-a", deb, gap oralarida rasmga olibam ketaverdim-da.

Sharotlarni linkdan koʻrgan boʻlsangiz, ular menga judayam yoqdi, ochigʻi. Meni eng hayratda qoldirgani esa 12 kishilik kichik xonalar boʻldi. 1-koʻrishim edi bunday xonalarni.

Xullas, bu yerlarda oʻqish kerak! Farzandlarimizni (balki) oʻqishga kira olmasada bu kabi ta'lim dargohlariga kirish imtihonlariga tayyorlashimiz kerak. Bu ularning boshlangʻich eng katta maqsadlaridan biri boʻlishi kerak.

Shunda, oʻqishga barchalari kirolmasalarda, hayotlarida koʻplab salmoqli maqsadlar bilan yashashlari kerakligini anglab yetishar, balki.

* Maktabni yana bir "+" tomoni esa: maktabga kirganlarga biron universitetga imtihonsiz kirish kafolati berilmas ekan.

Bunda, ularning miyasida "Prezident maktablari"ga kirganlardan farqli ravishda "men yutuqqa erishib boʻldim", degan signal yonib qolmagani uchun: ular yaxshiroq oʻqishib, koʻplab olimpiadalarda "prezidentlar"dan ham oldinlab ketisharkan.

Bulardan xulosa olib esa, endi ixtisoshlashtirilgan maktablarga ham koʻproq e'tibor berib, oʻquvchilarimni (farzandlarimni) oʻsha yerlarda oʻqishlari uchun Oʻzi yordami ila bor kuchimni safarbar etmoqchiman, inshaalloh, ular hali oʻqishadiyam 🕊

#onlayn_sayohat

Bismillahir rohmanir rohiym

Namoz qanday xususiyatlarga ega?

• Allohga yaqinroq boʻlib, kuningiz yaxshiroq oʻta boshlaydi;
• 1-rakatda his qilgan bosh ogʻrigʻingiz 2-rakatda yoʻq boʻlib qolishi mumkin;
• Vijdon azobi deb namozni tashlab qoʻymasangiz, davom ettirib ketish ehtimolingiz oshaveradi;
• Har kim ham uni oʻqib keta olish baxtiga muyassar boʻla olmaydi. Oldin loyiqlik uchun harakat qilish kerak;
• Namoz tufayli tahoratli, xotirjam, fayzliroq yura olasiz;
• Qazolarni (agar boʻlsa) keyingi kunga qoldirmasangiz - ertasi kuni "yengilroq" yurasiz;
• Kuningiz bir pastda oʻtib ketmay, 5 nuqtada boʻlinib oʻtgani uchun barakaliroq oʻtadi...
• Namoz balogʻat yoshiga yetgandan keyin farz hisoblanadi.

- Bular ozmi koʻpmi namoz oʻqib, Oʻzi yordami ila his qilganlarim, oʻrganganlarim. Roʻyxatni davom ettirish(ingiz) ham mumkin, albatta.

#iymonlashamiz

Bismillahir rohmanir rohiym
***

Nechun iymonini sotib yashaydir?
Nechun qulligidan bexabar har qul?
Nechun zulm yashar, zulm oshaydir?!
Haqsiz olomonning tirikligi shul.

- Rauf Parfi
#sheriyat