ДАДА, ЎРНИНГИЗ БИЛИНДИ

Бу жонимда дардим даста,
Бедор юрак урар хаста,
Турғиздида онам аста,
Дада, ўрнингиз билинди.

Борлигида хурсанд тўйди,
Цинганимда кўксим ўйди,
Муштипарим тиргак бўлди,
Дада, ўрнингиз билинди.

Ишонган дўст сотганида,
Билдирмасдан отганида,
Азоб дардга ботганимда,
Дада ўрнингиз билинди.

Бошга тушди ёмон кулфат,
Дўст-биродар кулди улфат,
Жигарларим бўлди фақат,
Дада ўрнингиз билинди.

Дуо қилиб, онам сўрар,
Меҳр бериб, завққа ўрар,
Ҳаммасини Аллоҳ билар,
Дада, ўрнингиз билинди.

Ғаниматим, жоним дадам,
Бошим силаб турган ҳар дам,
Соғиндимда кўзларим нам,
Дада ўрнингиз билинди..

✍Солиҳабегим
(Дилафруз Шаҳрихоний)

Аёллар саҳифаси каналига уланиш:
👇
https://t.me/+bGWhDRQBQlg2MTky