#retro
Shu kunlarda negadir kichik barmog'imda biroz og'riq sezayotgandekman.Ajiyb! Aslida hech narsa qilmaydigan bu "dangasa" barmoqcha nimani qoyillatdi ekan?!
...deymanu, besh yillik g'ijjak (skripka) chaluvchi sifatida (ha, kamina bolaligida musiqa maktabiga borganman) bu savol tuhmat savolligini bilaman.
G'ijjak kamonini ushlaganda (rasmdagidek) kichik barmoq hech narsa qilmaydigandek ko'rinadi (go'yo). Shunga qaramay eng ko'p og'riydigan barmoq shu barmoqcha hisoblanadi. Sababi, kichik barmoq hech narsa qilmayotgandek ko'rinsa-da, aslida, u muvozanat ushlab turuvchi vazifani o'taydi.
Boshqacha aytganda, uning vazifasi hech narsa qilmasdan turib nimadir qilish. Va bu eng qiyin ishlardan...
Xuddi shunday, biz dangasa deb aytayotgan kichik barmoq telefon yozishmalarida ham eng katta yukni o'z yelkasiga oladi. Ishonmasangiz, izohga nimadir yozing va kichik barmog'ingiz joylashuvini qarang. 200~300 gram yukni ko'tarib turaverishni o'zi bo'ladimi, axir?!
@v_turakulov_stories
