ANDIJON VILOYATI SPORT BOSHQARMASI

🔥 Andijonda “Besh tashabbus olimpiadasi” doirasida tashkil qilingan umumta'lim maktablari o'quvchilari o‘rtasida sport musobaqalarining viloyat final bosqichi yakunlandi

Xabaringiz bor umumta'lim maktablarida sportning voleybol, stol tennisi, yengil atletika , shashka, quvnoq startlar hamda mini futbol turlari bo’yicha sport musobaqalari o’tkazilib kelinmoqda.

Musobaqaning tuman shahar bosqichlari yakunlanib, g’olib bo’lgan ishtirokchilar viloyat final bosqichida o’zaro bellashdilar.


🎉G'oliblarga tashkilotchilar tomonidan diplom, medal va esdalik sovg'alari topshirildi.

Bizni ijtimoiy tarmoqlar orqali kuzatib boring

📝Telegram |📝Facebook |💻Instagam |🎞Youtube |

Jahon chempionatida kuchli uchlikdan joy olgan og'ir atletika bo'yicha erkaklar terma jamoamiz yurtimizga qaytib kelishdi

Xabaringiz bor, Bahrayn poytaxti Manama shahri mezbonlik qilgan kattalar o‘rtasidagi jahon chempionati yakunlariga ko‘ra O‘zbekiston terma jamoasi a’zolari 3 ta oltin, 1 ta kumush hamda 2 ta bronza, jami 6 ta medalga ega chiqishdi. E’tiborlisi, erkaklar terma jamoamiz ushbu natija orqali 70 ga yaqin mamlakati ishtirok etgan dunyo birinchiligida umumjamoa hisobida kuchli uchlikda yakunladi.

Bugun Islom Karimov nomidagi Toshkent xalqaro aeroportida sportchilar Sport vaziri o‘rinbosari Shaxrillo Maxmudov, O‘zbekiston og'ir atletika federatsiyasi rasmiylari, OAV vakillari va sportchilarning yaqinlari tomonidan tantanali ravishda kutib olindi.

Eslatib o‘tamiz, Manamadagi jahon chempionatida -89 kg vazn toifasida Sarvarbek Zafarjonov dast ko‘tarishda bronza medalni, -81 kg vazn toifasida Muhammadqodir Toshtemirov dast ko‘tarishda bronza va ikkikurash yakunlariga ko‘ra kumush medalni, -109 kg vazn toifasida Sharofiddin Amriddinov dast ko‘tarishda oltin hamda huddi shu vazn toifasida Ruslan Nurudinov siltab ko‘tarishda va ikkikurashda oltin medalni qo‘lga kiritdi.

Bizni ijtimoiy tarmoqlar orqali kuzatib boring

📝Telegram |📝Facebook |💻Instagam |🎞Youtube |

.⛈Andijon viloyati Sport boshqarmasi tizim tashkilotlariga kunlar keskin sovib ketishi munosabati bilan quyidagi tavsiyalarni berdi:

• isitish pechlari va ularning dudburonlari sozligi, turli buyum va to‘siqlar bilan berkitilmagani hamda yoriqlar yo‘qligiga alohida e’tibor qaratish;

• gaz uskunalarini ulash tartib-qoidalariga rioya qilish va ularga rezina shlanglar orqali ulanishga yo‘l qo‘ymaslik;

• maxsus tashkilotlar tomonidan dudburonlarning o‘z vaqtida tozalanishiga e’tibor qaratish;

• muassasalarida zamonaviy energiya tejaydigan texnologiyalarni joriy etish;

• elektr va issiqlik energiyasi, yoqilg‘i va noan’anaviy energiya resurslaridan tejamli va samarali foydalanish;

Ozingiz faoliyat yuritayotgan muassasada xushyorlikni yoqotmang! Muassasa tarbiyalanuvchilarning xavfsizligi sizning qo`lingizda.

Bizni ijtimoiy tarmoqlar orqali kuzatib boring

📝Telegram |📝Facebook |💻Instagam |🎞Youtube |

Bahraynda yakuniga yetib borayotgan ogʻir atletika boʻyicha jahon chempionatidan yorqin fotosuratlar

Bizni ijtimoiy tarmoqlar orqali kuzatib boring

📝Telegram |📝Facebook |💻Instagam |🎞Youtube |

Ruslan Nurudinov jahon rekordini o‘rnatdi, Sharofiddin Amriddinov ham oltin medalni qo'lga kiritdi!

Bahraynda yakuniga yetib borayotgan ogʻir atletika boʻyicha jahon chempionatida Oʻzbekiston terma jamoasi oʻz ishtirokini tugatdi. Yurtdoshlarimizning chiqishini Olimpiada chempioni Ruslan Nurudinov ajoyib natijasi bilan yakun yasab berdi.

-109 kg vazn toifasida ishtirok etgan yurtdoshimiz dast koʻtarish mashqida 182 kg bilan beshinchi oʻrinni band etgan boʻlsa ham, siltab koʻtarish dasturida yuksak mahorat koʻrsatib, 242 kg bilan 3 yil avval Toshkentda oʻzi oʻrnatgan jahon rekordini yangilashga erishdi. Shu tariqa, uning umumiy hisobda qayd etgan 424 kg natijasini hech bir atlet yangilay olmadi va Nurudinov uchinchi bor ikki kurash boʻyicha jahon chempionligiga erishdi.

E'tiborlisi, dast koʻtarish yoʻnalishida ham oltin medal hamyurtimiz Sharofiddin Amriddinovga nasib etdi. Sharofiddin siltab koʻtarishda 212 kg bilan oltinchi, umumiy hisobda esa 396 kg bilan beshinchi boʻldi va barcha yoʻnalishlardagi oltin medallar Oʻzbekiston terma jamoasi vakillariga nasib etdi.

Shu tariqa, Oʻzbekiston terma jamoasi ushbu dunyo birinchiligini 3 ta oltin, 1 ta kumush va 2 ta bronza medallari bilan yakunladi. Ushbu g’alaba o‘zbek og‘ir atletikasida Los-Anjeles-2028 olimpiya o’yinlariga hozirlikni bugundan boshlanganligini ko‘rsatmoqda.

Bizni ijtimoiy tarmoqlar orqali kuzatib boring

📝Telegram |📝Facebook |💻Instagam |🎞Youtube |