AdolatFarzandi

Антикоррупция ходими коррупция билан қўлга тушибди.

Фарғона вилоятида “Ҳудудий электр тармоқлари” АЖнинг Коррупцияга қарши курашиш бўлими бошлиғи 1000 доллар пора билан ушланибди.

Бу худди жангда душман снайперининг дзотини танаси билан ёпиб ўзини қурбон қилишга ўхшайди. Коррупцияга қарши кураш йўлида бу бечора ходим шахсий намуна кўрсатиб ўзини қурбон қилибди-да, а? Уни жазолаш эмас, қайтанга мукофотлаш керак...

@AdolatFarzandi

Бугун мамлакатимизда Тиббиёт ходимлари куни.

Онажоним раҳматлининг касби шифокор бўлгани учун мен шифокорларнинг меҳнатини ич-ичимдан хис қиламан. Онам СамПининг педиатрия факултетида ўқиб юрган кезларида уларни практика сафарига Наманган вилоятига юборишган ва кейинчалик шу ерда тақдирнинг изми билан оила қуриб қолиб кетганлар.

Онам Тўрақўрғон туманининг Марказий шифохонасида врач-педиатр бўлиб ишлаб юрганларида мактабдан бўш пайтларимда уларнинг ёнларига бориб турар эдим. Шифохонанинг коридоридан ҳар хил дориларнинг хиди келиб турар, аҳён-аҳёнда докторга келган ёш болаларнинг қўрқувдан йиғлаб бақир-чақир қилиши ҳам эшитилиб турар эди.

Яна англаганим шуки, энг қийини - болалар докторига қийин экан. Катталар индамай укол қилиш учун қўлини чўзади, ёнбошни очади, айтганларингизни индамай бажаради. Лекин болаларчи? Укол қилиш пайтида болаларнинг чинқириб йиғлаши оламни бузгани етмаганидек уларнинг докторга бор кучи билан қаршилик кўрсатиб типирчилашига чидаб бўлмайди. Боланинг тўрт томонидан ушлаб туриб укол қилишади. Нафақат укол қилиш, балки болага бир қошиқ сироп-дорини ичириш ҳам ўта мушкул.

Онам ўшанда ярим ҳазил, ярим чин қилиб «дунёда энг кучли инсон бу - чақалоқлар. Ишонмасанг чақалоқнинг мушт қилиб тугилган бармоқларини очиб кўрчи», деб айтар эдилар.

Онам янги келин бўлиб тушганларида ҳамма уларни «тошканлик дўхтир келин», деб атаган бўлса, кейинчалик «Адолатхон доктор» бўлиб элга танилдилар. Онажоним мактабни олтин медал билан тамомлаганлари учун ҳам ўз касбларининг ҳақиқий эгаси эдилар.

Онам ҳам Марказий шифохонада, ҳам маҳалламиздаги медпунктда навбати билан ишлар эдилар. Ўша пайтлари ҳар бир маҳаллани ўзининг медпункти бўлар (балким ҳозир шунақадир), Марказий шифохонада ишловчи докторлар мана шу медпунктга бириктирилган эди. Онажоним ўзлари билан бирга ишловчи доктор-дугоналари билан вақти-вақти билан маҳалладаги беморлар, янги туғилган чақалоқларнинг ҳолидан хабар олиб маҳаллани кезиб чиқишар эди. Ҳамма уларни ҳурмат қилар, узоқдан кўриб қолишса саломлашишга шошишар, гап орасида маслаҳат ҳам сўрашар эди. Мен ўша пайтлари ҳозиргидек кимларнингдир докторга қўл кўтаргани ҳақида биронта ҳам хабар эшитмаганман.

Онажоним кун бўйи маҳалла кезиб юрганлари етмаганидек, уйимизга исталган пайтда - кечасими-кундузими фарқи йўқ кимдир келиб Онамдан ўзини ёки боласини кўриб кўйишни сўрар эди. Ярим кечаси кимдир чақириб келган ўша пайтдаям Онам ҳеч эътироз билдирмасдан беморларни қабул қилганлар.

Бундан ташқари, докторларга аҳоли ўртасида тиббий онг ва маданият бўйича тарғибот-ташвиқот ишлари юклатилган бўлиб, Онам ҳамкасблари билан мен ўқиётган мактабда тарғибот дарслари ўтишар, керак бўлса маҳалламиздаги радиоузелдан мурожаат ҳам қилишар эди. Ўша пайтлари колхозимизнинг ўзининг радиоси бўлиб, бош узели колхоз идорасида жойлашган эди. Мен бир неча марта Онамга ҳамроҳлик қилиб уларнинг колхоз радиосидан кечқурун берган интервюларига гувоҳ бўлганман.

Радиобошловчининг исм-фамилияси Солижон Қозоқов эди. Ёш бола эмасманми, Солижон ака менга қараб «Абангиз радиода гапириб бўлгунларича жим турасизда-а, шовқин қилмасдан», деб огоҳлантириб қўяр эди. Чунки бу бевосита эфир эди-да. Онажоним грипп, шамоллаш, ботулизм сингари оммавий касалликлардан қандай қилиб сақланиш ҳақида маъруза ўқир эдилар. Ҳамма эшитсин, деб эшиттириш кечқурун соат 20-21 ларда бўлар эди. Онажоним ана шундай доктор эдилар! Ва мен ўйлайманки, Онажоним қатори ҳамма шифокорлар ҳам шундай меҳнат қилишган.

Бундан икки-уч йил аввал Президентимиз «Мен шифокорнинг фарзанди бўлганимдан фахрланаман», деб айтганида у минг карра ҳақ эди. Менда ҳам худди шундек ифтиҳор туйғуси бор!

Бугунги сана муносабати билан мен юртимиздаги жамики шифокорларни, Онажонимнинг шифокор-дугоналари - Мунаввархон, Қаноатхон, Рахимахон холаларим ва мен номларини тилга олмаган бирга ишлаган бошқа ҳамкасбларини чин қалбимдан муборакбод этаман!

Сизни жуда соғиндим, Онажон!..

@AdolatFarzandi

КУН САВОЛЛАРИ

Пропан куда пропал?

Пропал пропан куда?

Куда пропал пропан?

Пропан пропал куда?

Куда пропан пропал?

Пропал куда пропан?

@AdolatFarzandi

❗️Кўп квартирали уйларни бошқариш органлари қарздорликни суд орқали ундиришда олдиндан давлат божини тўлашдан озод қилинди

Президент томонидан имзоланган Қонун (ЎРҚ-993-сон, 07.11.2024 й.) билан айрим қонун ҳужжатларига коммунал тўловларни суд орқали ундиришда қулайликлар яратишга қаратилган қўшимча ва ўзгартиришлар киритилди.

🔰Қонун билан кўп квартирали уйнинг жойлари мулкдорларидан мажбурий бадаллар ва тўловларни ундириш бўйича суд буйруғини бериш тўғрисидаги ариза билан судга мурожаат этилганда аризага илова қилиниши зарур бўлган ҳужжатлар рўйхати белгиланди.

✅ Шунингдек, кўп квартирали уйларни бошқариш органлари қарздорликни ундириш ҳақида судларга мурожаат қилишда олдиндан давлат божини тўлашдан озод қилиниб, уларнинг талабларини қаноатлантириш тўлиқ ёки қисман рад этилган тақдирда, давлат божи улардан талабларнинг қаноатлантирилиши рад этилган миқдорига мутаносиб равишда ундирилади, деб хабар бермоқда Huquqiy axborot.

ЖЭКчиларга росса маъқул келадиган иш бўлибди...

@AdolatFarzandi

❗️Ўзбошимчалик билан эгаллаб олинган ер ва ундаги кўчмас мулкка мулк ҳуқуқини эътироф этишга оид Қонун 8 ноябрдан кучга киради

🔰Унга кўра, фуқаролар қуйидаги кўчмас мулкларни ўз номига (ижара ва мулк ҳуқуқи асосида) қонуний ўтказиб олиши мумкин:

➖2018 йил 1 май кунигача якка тартибдаги уй-жой қуриб ўзбошимчалик билан эгаллаган ер ҳамда ундаги бино ва иншоотлар;

➖2018 йил 1 май кунигача фуқаролар ва ташкилотлар томонидан ҳужжатда кўрсатилган майдондан ортиқча эгалланган ер ҳамда ундаги бино ва иншоотлар;

➖“бир марталик акция” доирасида ҳуқуқларни эътироф этиш охирига етмаган ер ҳамда ундаги бино ва иншоотлар;

➖2021 йил 8 июнга (ҳокимларнинг ваколати бекор қилингунига) қадар туман (шаҳар) ҳокимлари қарори билан ажратилган, лекин вилоят ҳокими ёки халқ депутатлари Кенгаши томонидан тасдиқланмаган ер;

➖боғдорчилик ва узумчилик ширкатлари ҳудудидаги турар жойлар ҳамда улар эгаллаган ер;

➖кичик саноат зоналари ҳудудига 2020 йил 9 мартгача жойлаштирилган тадбиркорларнинг ери;

➖давлат ордери билан хусусийлаштирилган бинолар ва уйлар эгаллаган ер;

➖ҳоким қарори билан мулк ҳуқуқи эътироф этилган бинолар ва уйлар эгаллаган ер участкаси.

@AdolatFarzandi

ҲОЖАТИНГИЗ БАРОРИДАН КЕЛСИН!

Пахтакор метросининг ичида кичик ҳожатини чиқараётган шахснинг видеосини кўрдим.

Шахсан мен уни айбламайман. Мен инсонларга қулай шароит қилиб бермаётган масъулларни айблайман. Мен бу кишини тўғри тушунаман.

Негадир бизда инсоннинг шахсий эҳтиёжини, керак бўлса, тиббий жиҳатдан зарур бўлган ҳожат чиқаришга бўлган ҳаётий заруриятга ўта бефарқ ҳолда яшаш бор. Бу гўёки уят саналади. Бундай қараш жинниликдан бошқа нарса эмас аслида.

Шаҳарнинг қаерида ҳамма осон топиб бориши мумкин бўлган ҳожатхоналар бор? Ҳожатхона белгиси туширилган йўл кўрсаткичлар ўрнатилганми? Йўқ! Бу ўта нотўғри.

Бунақа нотўғрилик бизда азал-азалдан бўлган, аслида. Бизда ҳеч қачон ҳожатхоналар инсон учун қулай ва осон манзилда жойлашмаган ёки умуман бўлмаган. Ҳатто ўз уйимизда ҳам.

Балким тошкентликлар билмас, лекин буни вилоятликлар жуда яхши билишади. Каттагина ҳовлида ўсиб-улғайганмиз. Уйимиздаги ҳожатхона ҳовлининг энг чеккасида жойлашган эди (ҳозир ҳам шундай). Ёшлигимизда биз болалар учун энг катта муаммо кечаси қистаб қолса дунёнинг нариги четидаги тувалетга бориб келиш эди.

Ҳамма ёқ зимистон, қоп-қоронғу. Ёлғиз боришга юрак бетламайди. Бормай десам чидаб бўлмайди. Секин-аста укамни уйғотаман. Илтимос, юр, бирга тувалетга бориб келайлик, деб ялинаман. Укам бўлса ҳадеганда уйғонавермайди, ғингшиб турмай ётаверади. Мени бўлса заҳар танг қилиб азоб беради.

Ахийри ҳовлига чиқаман-да, секин яқинроқдаги пана жойга чулдиратаман қўяман. Минг чақирим наридаги тувалетга борадиган ахмоқ борми? Агар каттаси қистаб қолса-чи? Урди, Худо.

Айниқса қиш фаслида кўринг. Кечаси бир амаллаб тувалетга етиб олиш бошқа, лекин уни ичида ўтириш бошқа. Совуқдан очиқ кетларинг музлаб, булбулинг таккиллаб қолади. Апил-тапил у ердан чиқасану қўлингни ювиб-ювмай уйга чопасан.

Тувалетга кечаси бориб келиш шахсан мен учун катта жасорат эди. Бу болалигимнинг триллер қисмларидан бири эди. Ҳозир ҳам ота уйимдаги ҳожатхонага бориб келиш комфорт эмас. Кечаси токи бориб келгунимча уйқум ўчиб кетади. Икки чақирим юриб келишнинг ўзи бўладими, ахир? Шифтга термулиб, ақа-бақа ағанаб ётавераман.

Бир гап айтайми? Бизда кечаси узоқдаги тувалетга боришдан қўрқиш ёш болаларнинг психикасида ёмон из қолдирган иллатлардан биридир!

Фақат тувалет эмас, ошхона ва ҳаммом ҳам шунақа узоқ-узоқда жойлашган. Ошхонадан овқатни сузиб келгунингча совуб бўлади. Айниқса, оналаримиз, сингилларимиз ва аёлларимизнинг токи овқатни пиширгунича оёғидан зах ўтиб кетади. Қишда хаммомда чўмилиб уйга етиб келгунингча шамоллаб ўласан...

Бизда яқин-яқинлардан бери уй қуришни ўрганишяпти. Ҳовли бўлсаям худди шаҳардаги домга ўхшаб ҳожатхонасиям, ошхонаю хаммомиям уйнинг ичида яхлит жойлашган. Кечаси қийналиб ҳовлига чиқиб ўтирмайсан. Бу яхши, албатта. Эскича фикрлашдан воз кечиш керак. Янги, инсонга қулайлик туғдирадиган лойиҳаларни ишга солиш керак.

Худди шунингдек, шаҳар кўчаларида ва аҳоли гавжум бўладиган манзилларда тувалетларни кўпайтириш керак. Акс ҳолда, ҳамма ўз билган жойига чоптириб ёки «инг» қилиб кетаверади...

@AdolatFarzandi