Чистая Энергия ӏ Sof Energiya

Безуглеродная энергетика: Узбекистан и мировые новости

Postal

Мульти-бот с премиум emoji Постинг+приветствие!

Система "Зеленый транспорт"

uz Когда будут выдавать экостикеры на авто?

Statistika Saralanganlar

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

@Adabiyot_olami

Kanal geosi va tili: O‘zbekiston, O‘zbekcha

Toifa: Ta’lim

* * *
Ёдингдами, айтчи сен туғилган он,
Барча хандон эди, сен эса гирён.
Шундай яшагилки кетар чоғингда,
Барча гирён қолсин сен боргил хандон.
© Абдураҳмон Жомий
https://t.me/Adabiyot_olami

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Ta’lim

Statistika

Postlar filtri

O‘chirilganlarni yashirish

Repostlarni yashirish

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

11 Feb, 14:06

Кўрар кўзга ажаб сўфинамосан,
Нихонда нафс итига мубталосан!

© Сўфи Аллоҳёр Тўра
https://t.me/Adabiyot_olami

969 0 20 2 20

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

11 Feb, 05:57

СЕНДАН ЎЗГАСИНИ ДЕМАЙМАН ВАТАН

Бироз қўрслик қилиб, қўйсам гоҳида,
Сендан минг узрлар сўрайман, Ватан.
Сени асрагайман кўз-қароғида,
Сени ғурур бирла куйлайман, Ватан.

Нокас, порахўрни сўкканларим бор,
Шеър ёзиб қора тер тўкканларим бор,
Балки шеър дарахтин, экканларим бор,
Тиласам иқболинг тилайман, Ватан.

Мен мансаб демайман, амал демайман,
Халққа ёлғон сўзлаб, ҳаққин емайман,
Жасорат қонда бор!
Мен ўзгармайман.
Жўмардман, хоинлик қилмайман, Ватан.

Бефарқлик қилсам ҳам, ўтадир куним,
Минбар тегмаса ҳам, ботадир туним,
Ёлғон сўзламоқ бу - шоирга ўлим!
Ҳақ сўздан ўзгасин демайман, Ватан.

Болангманг, ҳадиксиз қарасанг бўлди,
Онам сен, меҳрингни қадасанг бўлди,
Бошимни силашга ярасанг бўлди,
Золимга бошимни эгмайман, Ватан.

Сен менинг боримсан, шарафим шоним,
Ҳақ сўзни айтиш-чун тикканман жоним,
Сен учун тўкилса, тўкилсин қоним,
Сен учун ўлимдан қайтмайман, Ватан.

Ютуғинг меники, каминг меники,
Байраминг меники, ғаминг меники,
Бағрингда ўтган ҳар даминг меники,
Олқиш-чун шеъримни айтмайман, Ватан!

Мабодо машаққат тушса гар бошга,
Қон ютган бошқадир, шод бўлган бошқа,
Бошимни урсалар, урсинлар тошга,
Қасам-ки, ҳеч замон сотмайман, Ватан!

Шу тупроқ бағрида ўсиб улғайдим,
Гоҳи хандон кулдим, гоҳи мунғайдим,
Сен - менинг юзимсан, алифим, қаддим,
Юзимга ҳатто қум отмайман, Ватан.

Чин сўзим исёнга йўймагин зинҳор,
Шоир кўп, ҳақ сўзин айтмаган бисёр,
Муғомбирлик қилган, бўлсин илло хор,
Сендан ўзгасини демайман, Ватан!
Сендан ўзга юртни севмайман, Ватан!

© Абдувоҳид Сувонов
https://t.me/Adabiyot_olami

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

* * * Ёдингдами, айтчи сен туғилган он, Барча хандон эди, сен эса гирён. Шундай яшагилки кетар чоғингда, Барча гирён қолсин сен боргил хандон. © Абдураҳмон Жомий https://t.me/Adabiyot_olami

1.6k 0 19 3 26

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

10 Feb, 11:16

ҚОТИЛЛИК ҚИЛГАНЛАР ҚОТИЛ-КУ, ЛЕКИН КУЗАТИБ ТУРГАНЛАР АСЛ ҚОТИЛДИР

Биродар яшайбер, йиғлаб ва кулиб,
Чайир билагингда оқар қувватинг.
Қайта туролмасанг бир кун йиқилиб,
Ачинма, бошқага қолар ниятинг.

Боравер ғовларга аччиқма-аччиқ,
Тилка-пора бўлсин, ўртансин юрак.
Биродар, дунёда, гапирсам очиқ —
Фақат яхши ният яшаши керак.

Чидамак мумкинмас, мумкинмас сира,
Ҳамоқат ҳайқирса, боқилса ўғри,
Фаҳш юрса, менман, деб тоза, бокира,
Тўғрилиги учун қийналса тўғри.

Ҳали жуда кўпдир каламушният —
Дунёни кемириб, сотиб юрганлар.
Умрида ўтқазмай бирорта дарахт,
Занчалиш кўксига муштин урганлар.

Курашсанг арзийди ҳақиқат учун,
Курашиб юрганлар ҳақдир, одилдир.
Қотиллик қилганлар қотил-ку, лекин
Кузатиб турганлар асл қотилдир.

Яшайбер, қалбингга ишониб, мағрур,
Яшайбер, бўлсанг ҳам оромдан йироқ.
Ғолиб чиқмоғлигинг жуда ҳам зарур,
Бошқача бўлиши мумкинмас бироқ.

© Шавкат Раҳмон
https://t.me/Adabiyot_olami

2k 0 51 1 39

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

9 Feb, 12:55

Alisher Navoiy. "Kelmadi" g'azali

https://t.me/Adabiyot_olami

1.4k 0 34 11

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

9 Feb, 12:55

КЕЛМАДИ...

Кеча келгумдур дебон ул сарви гулрў келмади,
Кўзларимға кеча тонг отқунча уйқу келмади.

Лаҳза-лаҳза чиқдиму, чектим йўлида интизор,
Келди жон оғзимғаю, ул шўхи бадхў келмади.

Оразидек ойдин эрконда гар этти эҳтиёт,
Рўзгоримдек ҳам ўлғонда қоронғу келмади.

Ул париваш ҳажридинким, йиғладим девонавор,
Кимса бормуким, анга кўрганда кулгу келмади.

Кўзларингдин неча сув келгай, деб ўлтурманг мени,
Ким бори қон эрди келган, бу кеча сув келмади.

Толиби содиқ топилмас, йўқса ким қўйди қадам,
Йўлғаким, аввалқадам маъшуқе ўтру келмади.

Эй Навоий, бода бирла хуррам эт кўнглунг уйин,
Не учунким, бода келган уйга қайғу келмади...

©Алишер Навоий
https://t.me/Adabiyot_olami

2.9k 0 64 2 30

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

9 Feb, 12:55

#ТАВАЛЛУД

🗓 9 февраль (1441 йил)

Буюк шоир, мутафаккир, давлат ва жамоат арбоби Алишер Навоий таваллуд топган кун.

https://t.me/Adabiyot_olami

1.5k 0 8 9

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 Feb, 11:53

Жамият ҳақиқатдан узоқлашгани сари, унинг рост гапни айтадиганларга бўлган нафрати ортиб бораверади.

© Жорж Оруэлл
https://t.me/Adabiyot_olami

2.2k 0 42 34

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

8 Feb, 07:39

* * *
Тақдир судралади, шошмайди тақдир,
Ситам сўқмоқлари узундан-узун.
Донишманд сўзлари эҳтимол, ҳақдир,
Қандайин халқ бўлса, ўшандай тизим.

Kўравериб бўлди хаëлларим талх,
Одамхўр, фирибгар, юҳо касларни.
Сўрамай ҳаддим йўқ, онажоним халқ¸
Қачон туғақолдинг бундай пастларни?!

Қачон туғақолдинг отабезори,
Онабезорилар сулоласини?
Ҳароми кимсалар макри озори,
Юртнинг булғади-ку зилоласини.

Шу боис бизлардан юз бурмиш барор,
Шу боис Ҳуррият очмагай талъат,
Шикаста ватаннинг корига ярар,
Алплар ўстирмаган аëлга лаънат.

© Гулчеҳра Нуруллаева
https://t.me/Adabiyot_olami

2.4k 0 45 20 42

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

7 Feb, 08:40

* * *
Қиласизми менга қўнғироқ,
Ёки ўзим терайми рақам?
Сизни жуда соғиндим...
Бироқ,
Баҳона йўқ йўқламоққа ҳам.

Айланади гумонлар ғуж-ғуж...
Телефон жим,
Ётар безабон.
Юрак каби қилмайди хуруж -
Симларида оқмайди-да қон...

© Нодир Жонузоқ
https://t.me/Adabiyot_olami

2.2k 0 63 6 62

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

7 Feb, 07:09

ИЗОҲ

Ўттизимдан ўтмадим, лекин,
Сочимга оқ оралаяпти.
Тақдиримни шукур, худойим,
Оппоқ рангда қоралаяпти.

Ўтиб борар синовли йиллар,
Юрагимдан изладим бахтни.
Кунлар бўлди, чўнтагим қуруқ,
Яёв кезиб чиқдим пойтахтни.

Орзу келди шеърдай қуйилиб,
Умидларга банди бир одам –
Дуо қилди ҳар кун куйиниб,
Катта шоир бўл, дея отам!

Ҳали ёшман, шукур, имкон бор
Падаримнинг умиди учун,
Тунлар ёниб шеър битмай нега,
Шеър ёзмасам, яшамоқ нечун?

Ижарама-ижара юрдим,
Санай десам бармоқлар камдир.
Кўтаради елкаларида,
Ҳаёт асли икки акамдир.

Менчи, мен бир бедов, жиловим
Яратганнинг қўлида фақат.
Боғлаб турар мени заминга,
Заминдан ҳам улкан муҳаббат!

Ўттизингда берсин, дер тўзим,
Жилмайганча кўнгли вайронам.
Бошимдаги оппоқ дард сўзин,
Ҳар кун ўқир пайпаслаб онам.

© Баҳодир Баҳром
https://t.me/Adabiyot_olami

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

* * * Ёдингдами, айтчи сен туғилган он, Барча хандон эди, сен эса гирён. Шундай яшагилки кетар чоғингда, Барча гирён қолсин сен боргил хандон. © Абдураҳмон Жомий https://t.me/Adabiyot_olami

2.4k 0 22 1 26

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

6 Feb, 11:34

Эгил, ўзни пана қил,
Борлигингни билдирма.
Йўталганга ўн беш йил,
Аксирганга йигирма.

Кар бўл, кўр бўл, тишла тил,
Бошга бало келтирма.
Гапирганга ўн беш йил,
Эшитганга йигирма.

Қаламингни душман бил,
Қоғоз узра жилдирма.
Роман ёзсанг – ўн беш йил,
Достон ёзсанг – йигирма.

Ташбеҳларнинг таги зил,
Қофия ҳам қидирма.
Менга тегди ўн беш йил,
Шуҳрат олди йигирма.

Замон кечди шу зайил,
Бизлар кўрдик, сен кўрма.
Ўтса ҳам кўп ўн беш йил,
Ўтса ҳам кўп йигирма.

Саид Аҳмад, шукур қил,
Кексалигинг билдирма.
Сен озодсан ўн беш йил,
Ёшинг эса йигирма.

© Эркин Воҳидов
1988
t.me/Adabiyot_olami

3.9k 0 98 4 60

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

5 Feb, 09:11

Подшоҳлар шуни эсда тутсинларки, уларгача ҳам бошқалар подшоҳлик қилганлар. Бир муддат ўтгай, бугунгиларнинг ўринларига бошқалар келгайлар!..

© Хўжа Аҳрор Валий
https://t.me/Adabiyot_olami

2.4k 0 42 6 43

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

4 Feb, 12:25

* * *
Ақлни ўлдирсанг, ахлоқ ҳам ўлади.
Ақл ва ахлоқ ўлган он миллат бўлинади.

Қозини сотиб олган кунинг адолат ўлади. Адолатни ўлдирган кунинг эса, давлат ҳам ўлади.

©️ Фотиҳ Султон Меҳмет Хон
https://t.me/Adabiyot_olami

5.6k 1 91 2 43

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

4 Feb, 07:09

* * *
Энди сенга ёзмайман мактуб,
Сен ҳам менга ёзмагин, зинҳор.
Ўртамизда муҳаббат ўтиб -
Ноҳақликдан бўлдик - айбдор.

Асло қилма менга қўнғироқ,
Қилсанг ҳам-ки, олмам гўшакни.
Сендан кечиш менга оғирроқ,
Кечсам, асролмайман юракни.

Энди сени сўроқ қилар вақт,
Ва изингни кузатар - ўзга.
Сенга йўлдош бўлсин, улкан бахт,
Ғамгин бўлиб кўринма кўзга.

Кўрмай бошқа, кўзларингда ёш,
Кўрмай сени - хомушлигингни.
Бахтсиз бўлсанг беролмам бардош,
Кўрай, бахтдан - сархушлигингни...

© Абдувоҳид Сувонов
https://t.me/Adabiyot_olami

2.6k 0 40 7 67

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

3 Feb, 07:09

БИР ҚАРАСАМ...

Бир қарасам, дўсту ёрдан кўнглим тўқдай,
Бир қарасам, атрофимда ҳеч ким йўқдай.

Бир қарасам, суянчиқдай болаларим,
Бир қарасам, улар синиқ лолаларим.

Бир қарасам, бу дунёда бахтим бордай,
Бир қарасам, буткул олам менга тордай.

Бир қарасам, муродимга етгандайман,
Бир қарасам, кўзим очиқ кетгандайман.

Бир қарасам, шон - шухратга йўғрилганман,
Бир қарасам, эндигина туғилганман.

© Абдулла Орипов
https://t.me/Adabiyot_olami

8.3k 2 231 21 80

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

3 Feb, 06:28

* * *
Мамлакатдаги ўнта машҳур "каттакон"га ҳазиллашиб хат ёзади:
"Қоч, бизни билиб қолишибди!".
Эртаси эрталаб улар бари чет давлатда пайдо бўлишибди...

© Марк Твен
https://t.me/Adabiyot_olami

2.6k 0 35 36

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 Feb, 14:16

Бошқаларга ёрдам беришга интиладиган одамгина муваффақиятга эришади. Фақат ўз фойдасини ўйлайдиганлар эса мағлубиятга учрайверади.

© Браян Трейси
t.me/Adabiyot_olami

4.5k 0 82 1 35

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 Feb, 06:08

- Домла, ёзувчи билан шоирнинг нима фарқи бор, - деб Аллоҳ раҳмат қилсин Тоҳир Малик домладан сўрашибди.
Шунда домла: - Болалигида баланд жойдан боши билан қаттиқ йиқилиб, даволанган бўлса ёзувчи бўлади, агар даволанмай қолиб кетган бўлса шоир бўлади,- деб айтган эканлар...

https://t.me/Adabiyot_olami

6.5k 2 120 4 109

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

1 Feb, 14:00

* * *
Бир кун келиб очилмайди деган гулларинг очилади!
Кетмайди деган дардларинг арийди!
Туганмас деб ҳисоблаган вақтларинг тугайди!
Ҳаёт шундай бир сирки, аввал шукр, кейин сабр, сўнгра ишончдир!..

© Жалолиддин Румий
https://t.me/Adabiyot_olami

3.2k 0 101 3 60

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

1 Feb, 06:51

КЕЧИР, Ё РАБ

Менга тош отди бир жоҳил,
Кечир, Ё Раб, кечирдим мен.
У қулдир бандаи ғофил,
Кечир, Ё, Раб, кечирдим мен.

Жаҳонда фитналар бордир,
Адолат гоҳи ночордир.
Адолат қил, Ўзинг одил,
Кечир, Ё, Раб, кечирдим мен.

Ёмон бўлдим, ёмон бўлдим,
Хато ўққа нишон бўлдим,
Хато қилган эмас қотил,
Кечир, Ё, Раб, кечирдим мен.

Гуноҳидан ўт ул жоннинг,
Сўзига кирди шайтоннинг,
Кўнгил алданмоққа мойил,
Кечир, Ё, Раб, кечирдим мен.

Тутарман ул синиқ одам
Синиқ имонига мотам,
Дилига эътиқод жо қил,
Кечир, Ё, Раб, кечирдим мен.

У ҳам, мен ҳам қиёматда,
Турармиз лол хижолатда.
Бўлиб даргоҳингга дохил,
Кечир, Ё, Раб, кечирдим мен.

Кечир, янглишмаган ким бор,
Менинг ҳам кўп гуноҳим бор.
Одамзод асли нокомил,
Кечир, Ё, Раб, кечирдим мен.

© Эркин Воҳидов
https://t.me/Adabiyot_olami

5.4k 0 120 4 58

20 ta oxirgi post ko‘rsatilgan.

5 067

obunachilar

Kanal statistikasi

Kanalda mashhur

БИР ҚАРАСАМ... Бир қарасам, дўсту ёрдан кўнглим тўқдай, Бир қарасам, атрофимда ҳеч ким йўқдай. ...

* * * Сизда ором қайда, Сизда тин қайда? Сиз тўйиб ухлаган битта тун қайда? Эл-юрт оромини...

- Домла, ёзувчи билан шоирнинг нима фарқи бор, - деб Аллоҳ раҳмат қилсин Тоҳир Малик домладан сўр...

ЭСЛАТМА Камбағал демангиз, Фақирни асло... Бир умр, камбағал бўлиб қолмайди. Омадли аскарнинг -...

Дўст кўринганлар орасидан душманингни ажратиб олмоқчимисан, хато қилиб кўр, улар дарров ўртага чи...