Abdurahman's DIARY

Ўзбекистон, унинг халқи, мустақиллиги, келажаги учун энг катта ва жиддий хавф аномал совуқ ё иссиқ эмас, балки ҳеч ким ва ҳеч нарсадан қўрқмайдиган аномал ўзбек чиновниклари ҳамда улар қабул қиладиган аномал қарорлардир.

Адекватлик

Атрофимизда, ёнимиздаги инсонларни озроқ кузатадиган бўлсак, ҳамма содир бўлаётган ёмонликлар, бахтсиз ҳодисларда бировларни айблаш “чириб” бораётган тизим ҳақида оғзи кўпириб гапиришига кўп гувоҳ бўламиз, аслида ҳам шундайми ўзи?

Балки ҳаммасига ўзимиз айбдордирмиз балки?

Биздаги Демократия айтилгандай ишламаяпти, унга чет эл тажрибасидан баьзи нарсалар олиб кириб қўшайлик деса, йўқ-йўқ биз бу қўшимчаларни киритадиган бўлсак, жамиятда “анақа” ларни сафини ҳам кенгайтириб юборамиз дейди, ҳуддики бу нарса содир бўлади-ю жамиятдаги инсонлар ҳам даб-дурустдан 180° га ўзгариб қоладигандай.

Фалсафни чуқурроқ ўрганайлик, мана шу ўрганганларимиз борасида баҳс-мунозара қилиб, жамиятнинг оқсаётган бўғинларида шу нарсаларни тадбиқ қилиш фикрини берсанг, сен даб-дурустдан Исломга тўғри келмайдиган нарсани ўрганётган, иймон ва эьтиқодинг йўқ инсонга чиқиб қоласан (наьузибиллаҳ)

Таьлимга Финландия ва Япония таьлим тизими олиб киришмоқчи бўляпти, ҳа деса уларда шу нарса зўр иш беряпти, бизам қўлласак ёшларимиз албатта учинчи Ренессанс пойдевори бўлади - дейишади…


Шу гапларни айтишдан олдин политолог, социологлар, педагоглар билан маслаҳат қилинадими аслида, шу қарор ва фармойишларни чиқарётганларнинг мантиқ, этикадан ҳабари борми?
-Йўқ
Таг томирини суриштирсанг, барча ёндашувлар ҳаммаси бир томонлама , жамиятнинг онги, тафаккури, ижтимоий маьсулятлилигини бир тийнга олмайдиган, олсада бу нарсаларнинг туб моҳияти нима эканлиги ҳақида Алифни калтак дейдиган, қолаверса сенга Фалсафани Исломга зид эканлиги ҳақида оғзидан кўпиги келиб гапирётган одамнинг эса на диндан на бошқа илмдан тузук-қуруқ хабари йўқ эканлигини гувоҳи бўласан.

Ўзимизни бировга қарши чиқишга етарли далил, исботимиз йўқми, қўлингизни кўтаринг, ўзингизни миянгиз заҳарлангани етмагандек бошқаларни ҳам онгини манипулация қилишга уринманг !
Ҳеч бўлмаганда сиз шу орқали ўзингиз қилолмаган ишларни эртага рационалар фикрлайдиган раҳбар ва кадрлар амалга оширишида оз бўлсада ўз ҳиссангизни қўшган бўласиз !


©Бахтинур Умаров

Blog boshla

Balki fikrlaringni bo’lishging kelmas. Kim ham o’qirdi deb o’ylarsan. Mayli faqat bitta odam o’qisin. Kundalik sifatida ishlatarsan balki.

Hech kim o’qimasa ham aslida eng ko’p foydasi o’zingga bo’ladi. Yil, oylar o’tib fikrlashing qanday o’zgarganini ko’rasan.

O’zgarmasachi? Blog yuritgan har qanday odamniki o’zgaradi. Fikrlarini jamlab yozishni boshlash aqliy o’sishsiz bo’lmaydi.

Balki senga qiziq emasdir. Kengroq o’yla. Senga fikrlaring qiziq bo’lmasa — jamoang, oilang, do’stlaring, kelajakda esa farzand va nevaralaringga qiziq.

Yoshlikdagi barcha rasmlarimni o’sha yoshdagi 10-15 ta fikrlarim yozilgan qog’ozlarga tikka almashgan bo’lardim.

Otamni 20 yoshligidagi rasmi meni uncha hayratga solmagan. Lekin kundaliklarini bir necha marta o’qidim. Men tug’ilgach yozishni to’xtatgan ekanlar — vaqtlari kamayib ketgan. Har o’qiganimda ko’zimga yosh keladi.

O’zingga va atrofdigalarga qiladigan eng katta yaxshiliging ham shu. Rasmlaringni bo’lishishni to’xtat. Fikrlaringni bo’lish.

P.S.
Turmush qurishdan oldin rasmlarni almashgandan ko’ra, blog linklarini almashgan afzal. Odamning fikrlari uning rasmidan ko’ra 100 barobar ko’proq ma’lumot beradi.

@azizrakhimov_blog

Telegramga pul to'lab Premium versiyasidan foydalanish imkoniyatini yo'lga qo'ydi. Juda ko'p qulayliklarni tavsiya qilmoqda. Bu yaxshi faqat lekin degan tomoni ham bor...

Shu taklif chiqqanidan beri Telegramimda muammolar paydo bo'lyapti, qotyapti, sekinlashyapti. Majburlab o'tishga majburlashadi shekilli oxiri.

@niyatgabogliq

Нимадурлар бўлиб кайфиятинг яхши бўлса, просто 4-5 кундан кейин ўқиш бошланишини эсла.

Сен ҳам қачонлардир ўша одам эдинг

Сен ҳам қачонлардир чақалоқ эдинг, балки онангни қўлида йиғлаб, автобусдагиларни ғашига теккан бўлишинг ҳам мумкин. Нега шундай оналарга ғалати қарайсан?

Сен ҳам қачонлардир кўчада телефонда мусиқа қўйиб эшитиб юргансан. Бугун колонкада мусиқа эшитиб юрган болачалардан энсанг қотади.

Кўчада қачонлардир ўртоқларинг билан бақиришиб кулишиб юргансан. Бугун эса шундай йигитчаларни нима қилишвоссан маҳалла қаҳқаравотти деб тергаб қўясан.

Уйингни ремонт қилганингда қўшниларга зарар етқазгансан бугун эса уйини ремонт қилаётган қўшнингни кўрарга кўзинг йўқ.

Бутун ёз бўйи шишага ёки пулга плейстейшн ўйнагансан, бугун эса телефонда ўйин ўйнаб ўтирган болангдан ҳавотир оласан.

Сен эшитган Болалар гуруҳи отанга қанчалик бачкана житр-житр бўлиб туюлишини ҳам билардинг, лекин бугун ёшлар эшитаётган мусиқага сен шунақа муомаладасан.

Бугун банкоматда сендан олдин тупить қилиб турган отахондан ғашинг келса эртага сен ҳам отахон бўганингда янги технологияларда тупить қилиб ўтирасан.

Бугун калта пайпоқ билан кроссовка кийган болани ёмонлайсан аммо олдин таги юбкага ўхшаш (клёш) шим кийиб, узун соч қўйган энг модный типлардан бири эдинг.

Замон ўзгаради, вақтлар ўтади. Бахтли ҳаётни фақат замонларга тегишли клишеда қолиб кетмаган одамларгина кечирса керак деб ўйлайман.

Твиттердаги мана бу треддан илҳомланиб ёзилди.

@nurbekalimov